«Մայիսի 29-ից հունիսի 4-ը։ Մատթեոս 26, Մարկոս 14, Հովհաննես 13․ «Ի հիշատակ», Եկ, հետևիր ինձ․ Կիրակնօրյա դպրոցի համար. Նոր Կտակարան 2023 (2022)
«Մայիսի 29-ից հունիսի 4-ը։ Մատթեոս 26, Մարկոս 14, Հովհաննես 13», Եկ, հետևիր ինձ․ Կիրակնօրյա դպրոցի համար. 2023
In Remembrance of Me [Իմ հիշատակի համար], հեղինակ՝ Վոլթեր Ռեյն
Մայիսի 29-ից հունիսի 4-ը
Մատթեոս 26, Մարկոս 14, Հովհաննես 13
«Ի հիշատակ»
Կարդացեք Մատթեոս 26, Մարկոս 14 և Հովհաննես 13-ը, և խորհեք այն մտքերի ու տպավորությունների շուրջ, որոնք գալիս են ձեր միտքը: Ո՞ր ուղերձները կօրհնեին ձեր դասարանի անդամներին:
Հրավիրեք կիսվել
Հրավիրեք դասարանի անդամներին կիսվել ինչ-որ բանով, որը նրանք սովորել են այս շաբաթ, որն օգնել է նրանց հաղորդության մեջ ավելի մեծ իմաստ գտնել: Ի՞նչ են արել նրանք և ինչպե՞ս է դա ազդել հաղորդությունը ճաշակելու նրանց փորձառության վրա:
Ուսուցանեք վարդապետությունը
Մենք պետք է քննենք մեր անձնական կյանքը՝ որոշելով, թե ինչպես են Տիրոջ խոսքերը վերաբերում մեզ
-
Մենք ավետարանական շատ դասեր ենք լսում մեր կյանքում, բայց երբեմն գայթակղություն է ենթադրել, որ այդ դասերը հիմնականում վերաբերում են ուրիշ մարդկանց: Մատթեոս 26․20-22-ի շուրջ քննարկումը կօգնի մեզ հաղթահարել այդ միտումը: Ի՞նչ դասեր կարող ենք սովորել նրանից, թե աշակերտներն ինչպե՞ս Փրկիչի խոսքերը վերագրեցին իրենց: Եթե դասարանի որևէ անդամ կարդացել է նախագահ Դիտեր Ֆ. Ուխդորֆի խոսքերը այս պատմության վերաբերյալ նրա ելույթում, որը կոչվում է «Միթէ ե՞ս եմ, Տէր», ապա նա կարող է կիսվել իր մտքերով (Լիահոնա, նոյեմբեր 2014, 56-59)։
Հաղորդությունը Փրկիչին հիշելու հնարավորություն է
-
Ինչպե՞ս կբացատրեն դասարանի անդամները հաղորդության սուրբ արարողությունը մեկին, ով ծանոթ չէ դրան: Թերևս դուք կարող եք միասին կազմել հարցերի ցանկ, որոնք ինչ-որ մեկը կարող է ունենալ հաղորդության վերաբերյալ, օրինակ ՝ «Ինչո՞ւ է Փրկիչը մեզ հաղորդություն տվել։ Ինչո՞ւ են հացն ու ջուրը Հիսուս Քրիստոսի այդքան հզոր խորհրդանիշները։ Ի՞նչ ենք մենք խոստանում, երբ ճաշակում ենք հաղորդությունը: Ի՞նչ խոստումներ ենք մենք ստանում»: Դասարանի անդամները կարող են պատասխանները փնտրել հետևյալ աղբյուրներում. Մատթեոս 26․26-29, Վարդապետություն և Ուխտեր 20․75-79, և Gospel Topics, “Sacrament” (topics.ChurchofJesusChrist.org)։ Կարող եք կիսվել նաև Երեց Դ․ Թոդ Քրիստոֆերսոնի «Օժանդակ նյութեր» բաժնում ընդգրկված գաղափարներով։
Նկարհաղորդությունը վերցնող կինՀաղորդությունն օգնում է մեզ հիշել Հիսուս Քրիստոսին։
-
Դասարանի անդամները գուցե օգուտ քաղեն՝ լսելով միմյանց գաղափարներն այն մասին, թե ինչպես հիշել Փրկիչին հաղորդության ժամանակ և շաբաթվա ընթացքում (տես Ղուկաս 22․19-20, Վարդապետություն և Ուխտեր 6․36-37)։ Հրավիրեք նրանց կիսվել, թե ինչն է օգնում իրենց և իրենց ընտանիքներին հիշել Փրկիչին ու պահել Նրա պատվիրանները: Նրանք կարող են նաև կիսվել, թե ինչ են անում, որպեսզի հաղորդությունը դառնա սուրբ փորձառություն:
Փրկիչը ուրիշներին խոնարհությամբ ծառայելու մեր օրինակն է
-
Որպեսզի օգնեք ձեր դասարանի անդամներին խորհել Հիսուսի կողմից Իր աշակերտների ոտքերը լվանալու կարևորության մասին, կարող եք հրավիրել դասարանի որևէ անդամի կատարել Պետրոսի դերը այս պատմության մեջ և հարցազրույց անցնել դասարանի մյուս անդամների հետ: Դասարանի անդամները կարող են ուսումնասիրել Հովհաննես 13.1-17-ը և մտածել խորիմաստ հարցեր, որոնք կարող են տալ Պետրոսին՝ այս փորձառության մասին իմանալու համար։ Ի՞նչ ենք մենք սովորում այս պատմությունից, որը կարող է ազդել այն եղանակի վրա, որով ծառայում ենք ուրիշներին:
Ուրիշների հանդեպ մեր սերը նշան է, որ մենք Հիսուս Քրիստոսի ճշմարիտ աշակերտներն ենք
-
Ինչպե՞ս կոգևորեք դասարանի անդամներին լինել ավելի սիրառատ։ Գուցե հարցնեք նրանց, թե ինչ հատկանիշներ են նրանք նկատում, երբ հանդիպում են մեկին, ով Քրիստոսի հետևորդն է: Կարող եք հրավիրել նրանց հետազոտել Հովհաննես 13․34-35-ը, որ իմանան, թե ինչպես ճանաչել Փրկիչի ճշմարիտ աշակերտներին: Մենք ի՞նչ կարող ենք անել, որպեսզի սերը դառնա մեր աշակերտության բնորոշ գիծը։ Գուցե քննարկեք, թե ուրիշներին սիրելը ինչպես է հանդիսանում Հիսուս Քրիստոսի մասին վկայելու մի եղանակ: Ինչպե՞ս կարող ենք դա անել մեր ընտանիքներում, սոցիալական ցանցերում և այլ միջավայրերում:
-
Ձեր դասարանը այս տարի շատ բան սովորեց Փրկիչի կյանքի մասին, ներառյալ շատ օրինակներ, թե Նա ինչպես ցույց տվեց Իր սերը ուրիշների հանդեպ: Որպեսզի օգնեք դասարանի անդամներին խորհել Հովհաննես 13.34-ի պատվիրանի շուրջ, գրատախտակին գրեք Ինչպես ես ձեզ սիրեցի, և դասարանի անդամներին խնդրեք օրինակներ թվարկել Նոր Կտակարանից, որոնք ցույց են տալիս Հիսուսի սերը: Ապա գրատախտակին գրեք Իրար սիրեք, և խնդրեք դասարանի անդամներին թվարկել ուղիներ, որոնցով մենք կարող ենք հետևել Նրա սիրո օրինակին: Դասարանի անդամները կարող են գաղափարներ գտնել «Օժանդակ նյութեր» բաժնում թվարկված տեսանյութերից որևէ մեկում։
Օժանդակ նյութեր
«Անձնավորել Քրիստոսի հատկանիշներն ու բնավորությունը»
Երեց Դ. Թոդ Քրիստոֆերսոնն ուսուցանել է․ «Փոխաբերականորեն՝ [Փրկիչի] մարմինն ուտելը և Նրա արյունը խմելը [նշանակում է] անձնավորել Քրիստոսի հատկանիշներն ու բնավորությունը, հանելով բնական մարդուն և դառնալով Սուրբ՝ «Տեր Քրիստոսի քավությամբ» [Մոսիա 3.19]: Երբ ամեն շաբաթ մենք ճաշակում ենք հաղորդության ջուրն ու հացը, լավ կլինի ուշադրություն դարձնենք, թե որքան լիարժեք և ամբողջությամբ ենք միավորում Նրա բնավորությունը և Նրա անմեղ կյանքի օրինակը՝ մեր կյանքի ու մեր գոյության հետ («Կենդանի հացը, որն իջնում է երկնքից», Լիահոնա, նոյեմբեր 2017, 37)։
Տեսաֆիլմեր սիրո մասին (ChurchofJesusChrist.org-ում)
-
“Love One Another”
-
“Families Sacrifice, Give, and Love”
-
“Preparation of Thomas S. Monson: He Learned Compassion in His Youth”
Բարելավել մեր ուսուցումը
Նայեք Աստծո աչքերով Ձգտեք տեսնել ձեր դասարանի անդամներին՝ ինչպես Աստված է տեսնում նրանց, և Հոգին ցույց կտա ձեզ նրանց աստվածային արժեքն ու ներուժը: Երբ անեք այդ, դուք կառաջնորդվեք նրանց օգնելու ձեր ջանքերում (տես Ուսուցանել Փրկիչի ձևով,6):