Kōjota eo Āliktata

Ilo Ememej Eō, jān Walter Rane

Māe 29–Juun 4

Matu 26; Mark 14; Jon 13

“Ilo Ememej”

Riiti Matu 26; Mark 14; im Jon 13, im kejekļo̧kjeņ kōn ļōmņak ko im im̧we ko me rej itok n̄an ļōmņak eo am̧. Ta ennaan ko renaaj jipan̄ kōjeraam̧m̧an ro uwaan kūlaaj eo am̧?

pija ej bōk jikin kwaļo̧k

Kajjitōk bwe ren Kwaļo̧k

Kajjitōk ippān ro uwaan kūlaaj eo n̄an kwaļo̧k juon men rekar ekkatak kake ilo wiik in me ekar jipan̄ er lo eļap meļeļeier ilo kwojkwoj eo. Ta eo raar kōm̧m̧ane im ekōjkan an jelet en̄jake eo aer bōk m̧ōttan kwojkwoj eo?

pija eo ej bōk jikin katakin

Katakin Katak eo

Matu 26:20–22

Jej aikuj etale mour ko ad make n̄an kōmlet ekōjkan an naan ko an Irooj jerbal n̄an kōj.

• Jej ron̄ elōn̄ katak ko an gospel eo ilo mour ko ad, bōtaab jet iien ekapopo n̄an ļōmņake katak kein rej jerbal eļap tata n̄an armej ro jet. Juon iien ekōnono kōn Matu 26:20–22 emaron̄ jipan̄ kōj anjo̧ ioon ļamļam in. Ta katak ko jemaron̄ ekkatak jān ekōjkan an rikaļoor ro kar kōjerbal naan ko an Rilo̧mo̧o̧r eo n̄an er make? Eļan̄n̄e jabdewōt ro uwaan kūlaaj eo raar riiti eoon in jipan̄ eo an Būreejtōn Dieter F. Uchtdorf’ n̄an bwebwenato in ilo ennaan eo an “Irooj, N̄a Ke?,” remaron̄ kwaļo̧k kōļmenļo̧kjeņ ko raar būki (Liaona, Nob. 2014, 56–59).

Matu 26:26–29

Kwojkwoj eo ej juon iien em̧m̧an n̄an keememej Rilo̧mo̧o̧r eo.

• Ekōjkan an ro uwaan kūlaaj eo kōmeļeļeik kain̄i kwojarjar eo an kwojkwoj eo n̄an juon eo me ejjab kanooj jeļā kake? Bōlen kwomaron̄ ejake juon laajrak ippān doon kōn kajjitōk ko me juon emaron̄ wōr an kōn kwojkwoj eo, ko āinwōt “Etke Rilo̧mo̧o̧r eo ekar letok n̄an kōj kwojkwoj eo? Etke pilawe im dān eo rej kakōļļe ko rekanooj in kajoor an Jisōs Kraist? Ta eo jej kallim̧ur ilo ad bōk m̧ōttan kwojkwoj eo? Ta kallim̧ur ko jej būki?” Ro uwaan kūlaaj eo remaron̄ pukōt uwaak ko ilo kein jipan̄ kein: Matu 26:26–29; Katak im Bujen Ko 20:75–79; im Gospel Topics, “Sacrament” (topics.ChurchofJesusChrist.org). Kwomaron̄ barāinwōt kwaļo̧k kōļmenļo̧kjeņ ko jān Elder D. Todd Christofferson ilo “Kein Jipan̄ ko Jet.”

  kōrā eo ej bōk kwojkwoj eo

  Kwojkwoj eo ej jipan̄ kōj keememej Jisōs Kraist.

• Ro uwaan kūlaaj eo remaron̄ jeraam̧m̧an jān ron̄jake ļōmņak ko an ro jet kōn ekōjkan aer keememej Rilo̧mo̧o̧r eo ilo iien kwojkwoj eo im ilo aolepān wiik eo (lale Luk 22:19–20; Katak im Bujen Ko 6:36–37). Bōlen kwomaron̄ kajjitōk ippāer n̄an kwaļo̧k ta eo ejipan̄ er im baam̧le ko aer keememej Rilo̧mo̧o̧r eo im kōjparok bujen ko aer. Remaron̄ barāinwōt kwaļo̧k ta eo rej kōm̧m̧ane n̄an kōm̧m̧an bwe kwojkwoj eo en juon en̄jake ekwojarjar.

Jon 13:1–17

Rilo̧mo̧o̧r eo ej ad waanjon̄ak kōn jerbal n̄an ro jet ilo ettā.

• N̄an jipan̄ ro uwaan kūlaaj eo kejekļo̧kjeņ kōn aorōk eo eļap an Jisōs kwaļ neen rikaļoor ro An, kwomaron̄ kajjitōk ippān juon uwaan kūlaaj eo n̄an bōk jerbal eo an Piter im intōrpiuk jān aolepān kūlaaj eo. Ro uwaan kūlaaj eo remaron̄ etale Jon 13:1–17 im ļōmņak kōn kajjitōk ko reļļap meļeļeier remaron̄ kajjitikin Piter n̄an ekkatak kōn en̄jake eo an. Ta eo jej ekkatak jān bwebwenato in me emaron̄ jelet ekōjkan ad jerbal n̄an ro jet?

Jon 13:34–35

Ad iakwe n̄an ro jet ej juon kakōļļe bwe jej rikaļoor ro rem̧ool an Jisōs Kraist.

• Ekōjkan am̧ maron̄ im̧we ro uwaan kūlaaj eo n̄an ļapļo̧k aer iakwe? Bōlen kwomaron̄ kajjitōk ippāer ta piktok ko rej kile n̄e rej ioon juon eo ej juon rikaļoor an Kraist. Kwomaron̄ kajjitōk ippāer n̄an etale Jon 13:34–35 n̄an ekkatak kōn ekōjkan an rikaļoor ro rem̧ool an Rilo̧mo̧o̧r eo maron̄ kile er. Ta eo jemaron̄ kōm̧m̧ane n̄an kōm̧m̧an bwe iakwe eo ej kōmeļeļeik m̧wil eo an rikaļoor eo ad? Bōlen kwomaron̄ ekōnono kōn ekōjkan an iakwe ro jet ej juon wāween kam̧ool kōn Jisōs Kraist. Ekōjkan ad maron̄ kōm̧m̧ane menin ilo baam̧le ko ad, ilo social media, im ilo jekjek ko jet?

• Āinwōt juon kūlaaj, kom̧wij aikuj kar ekkatak eļap kōn mour eo an Rilo̧mo̧o̧r eo ilo iiō in, ekoba elōn̄ waanjon̄ak ko kōn ekōjkan an kar kwaļo̧k iakwe eo An n̄an ro jet. Juon wāween n̄an jipan̄ ro uwaan kūlaaj eo kejekļo̧kjeņ kōn kien eo ilo Jon 13:34 maron̄ in je Āinwōt Iaar Iakwe Koṃ ioon boot eo im n̄an kajjitōk ippān ro uwaan kūlaaj eo n̄an laajrake waanjon̄ak ko rej keememej jān Kallim̧ur Ekāāl me rej kwaļo̧k iakwe eo an Jisōs. Innām kwomaron̄ je Kom̧win Iakwe Doon ioon boot eo im kajjitōk ippān ro uwaan kūlaaj eo n̄an laajrake wāween ko jemaron̄ ļoor waanjon̄ak eo An kōn iakwe. Ro uwaan kūlaaj eo remaron̄ lo ļōmņak ko ilo juon iaan pija in alooj ko kar kōllaajraki ilo“Kein Jipan̄ ko Jet.”

pija eo ej bōk jikin kein alooj eo

Kein Jipan̄ ko Jet

“Kadeļo̧n̄tok wāween mour ko rem̧m̧an im m̧wil ko an Kraist.”

Elder D. Todd Christofferson ekar katakin, “Bōk m̧ōttan ānbwiin in [Rilo̧mo̧o̧r] eo im idaak jān Bōtōktōkin [ej meļeļe in] n̄an kadeļo̧n̄tok wāween mour ko rem̧m̧an im m̧wil ko an Kraist, likūtļo̧k piktokin armej im erom̧ Rikwojarjar ro ‘kōn pinmuur eo an Kraist Irooj’ [Mosaia 3:19]. Ilo ad bōk m̧ōttan pilawā im dān kajjojo wiik, enaaj em̧m̧an ad mour n̄an ļōmņak kōn wāween ad aikuj in lukkuun kobaik kadkadin im jon̄ak ko an mour eo ejjeļo̧k an jerawiwi n̄an mour ko ad im kōj” (“Pilawā in Mour Eo Ekar Itok jān Lan̄,” Liaona, Nob. 2017, 37).

Pija in alooj ko kōn iakwe ilo ChurchofJesusChrist.org.

• “Love One Another”

• “Families Sacrifice, Give, and Love”

• “Preparation of Thomas S. Monson: He Learned Compassion in His Youth”

Kōkōm̧anm̧anļo̧k Ad Katakin

Reilo̧k kōn Māj ko Mejān Anij Kajjieon̄ n̄an lale ro uwaan kūlaaj eo am̧ āinwōt an Anij lale er, im Jetōb eo enaaj kwaļo̧k n̄an kwe tokjen ekwojarjar im jibadbad eo aer. Ilo am̧ kōm̧m̧ane menin, kwonaaj tōl ilo kijejeto eo am̧ n̄an jipan̄ er (lale (see Teaching in the Savior’s Way, 6).