Kraist im̧aan Pilate

Ecce Homo, jān Antonio Ciseri

Juun 19–25.

Matu 27; Mark 15; Luk 23; Jon 19

“Em̧ōj”

Jino m̧aanjabpopo eo am̧ n̄an katakin kōn jar ilo riiti Matu 27; Mark 15; Luk 23; im Jon 19. Pukōt n̄an mour erreo kōn Jetōb eo bwe kwon maron̄ kwaļo̧k kam̧ool ekajoor kōn Rilo̧mo̧o̧r eo im Pinmuur eo An.

pija ej bōk jikin kwaļo̧k

Kajjitōk bwe ren Kwaļo̧k

Kajjitōk ippān ro uwaan kūlaaj eo n̄an kāālet juon jepta jān kein riit ko an wiik in im joļo̧k jejjo minit ko waati, pukōt juon naan, juon eoon, ak juon kōmeļeļe emālij me ej katakin er juon me eļap meļeļe in kōn Rilo̧mo̧o̧r eo im mijen eo An. Leļo̧k n̄an er iien ko rem̧m̧an n̄an kwaļo̧k ta eo raar loe im kōmeļeļeik etke eļap meļeļe in n̄an er.

pija eo ej bōk jikin katakin

Katakin Katak eo

Matu 27; Mark 15; Luk 23; Jon 19

M̧ōņōņō eo an Jisōs Kraist n̄an en̄taan ej kwaļo̧k An iakwe n̄an Jemen im n̄an kōjwōj aolep.

• N̄an jipan̄ ro uwaan kūlaaj eo meļeļe ekōjkan an en̄taan eo im mej eo an Rilo̧mo̧o̧r eo ioon debwāāl eo kar kwaļo̧k An iakwe, kajjieon̄e juon m̧akūtkūt āinwōt in: Leļo̧k n̄an kajjojo ro uwaan kūlaaj eo juon peba jekjek in menono, im kajjitōk ippāer n̄an je ioon menono ko aer juon naan jān 1 Korint 13:4–7 me ej kōmeļeļeik iakwe eo an Kraist. Innām kajjitōk ippāer n̄an etale Matuw 27; Mark 15; Luk 23; ak Jon 19 im je ilo turejet eo juon in menono ko aer jejjo eoon ko me rej kwaļo̧k ekōjkan an Rilo̧mo̧o̧r eo kar kwaļo̧k iakwe eo kar kōmeļeļeik ilo eoon eo raar kāālete. Kōm̧m̧an bwe ren kwaļo̧k ta eo rej loe. Ta en̄jake ko rekar jipan̄ kōj meļeļe iakwe eo an Rilo̧mo̧o̧r eo?

  kūrauun lōklōk ko

  Rūtariņae ro “raar pirōk pāllin kālōklōk, im likūt e ioon bōran” (Mark 15:17).

• Jin̄a emaron̄ jipan̄ ro uwaan kūlaaj eo pijaikļo̧k jet iaan iien ko raar riit kaki ilo wiik in. Bōlen kwomaron̄ ajije kūlaaj eo n̄an kumi ko im leļo̧k juon pija n̄an kajjojo kumi (lale “Kein Jipan̄ ko Jet” kōn pija ko elmakoti). Ro uwaan kūlaaj eo remaron̄ riiti eoon ko me rej kōmeļeļeik iien ko kar jin̄aik ilo pija eo aer. Innām remaron̄ kwaļo̧k ļōmņak ko im en̄jake ko aer kōn iien kein—ekoba ekōjkan an pija eo jipan̄ er em̧m̧anļo̧k aer meļeļe Pinmuur eo an Rilo̧mo̧o̧r eo. Kwomaron̄ barāinwōt ļōmņak in kwaļo̧k pija in alooj ko “Jesus Is Condemned before Pilate” im “Jesus Is Scourged and Crucified” (ChurchofJesusChrist.org). Kōketak ro uwaan kūlaaj eo n̄an kwaļo̧k juon naan in kam̧ool kōn Rilo̧mo̧o̧r eo im Pinmuur eo An.

Matu 27:11–60

Rikanaan ro etto raar lo en̄taan im Debwāāl eo an Rilo̧mo̧o̧r eo.

• Rikanaan ro etto raar kwaļo̧k elōn̄ iien ko lo awa ko āliktata an Rilo̧mo̧o̧r eo. Juon wāween n̄an jipan̄ ro uwaan kūlaaj eo lo menin ej n̄an leļo̧k n̄an kajjojo armej juon ak elōn̄ļo̧k eoon in jipan̄ ko an jeje ko rekwojarjar ilo “Kein Jipan̄ ko Jet” im kajjitōk ippāer n̄an pukōt eoon ko ilo Matu 27 me rej kwaļo̧k ekōjkan an eoon in jipan̄ ko an jeje ko rekwojarjar kar kūrm̧ool. Kwomaron̄ kōm̧m̧ane juon jaat me ej kajetjet naan in kanaan ko ippān kūrm̧ool ko aer. Ekōjkan an naan in kanaan kein kōkajoorļo̧k tōmak eo ad ilo Jisōs Kraist?

Matu 27:27–49; Mark 15:16–32; Luk 23:11, 35–39; Jon 19:1–5

Jum̧ae ejjab maron̄ kabōjrak jerbal eo an Anij.

• N̄an jipan̄ ro uwaan kūlaaj eo jelm̧ae jum̧ae ilo tiljek ilo aer mour m̧ool n̄an tōmak eo aer, kwomaron̄ kajjitōk ippāer n̄an riiti eoon ko rej kōmeļeļeik matōrtōr eo Rilo̧mo̧o̧r eo ekar jelm̧ae (lale Matu 27:27–49; Mark 15:16–32; Luk 23:11, 35–39; Jon 19:1–5). Ta eo jej ekkatak jān uwaak ko an Rilo̧mo̧o̧r eo me emaron̄ jipan̄ kōj jelm̧ae jum̧ae? Ta waanjon̄ak ko jet kōn jelm̧ae jum̧ae remaron̄ jipan̄ kōj? (Lale, n̄an waanjon̄ak, Josep Smith—Bwebwenato 1:24–25.)

Luk 23:34–43

Rilo̧mo̧o̧r eo ej letok n̄an kōj kōjatdikdik im jeorļo̧k bōd.

• Jekdo̧o̧n ilo iien ko An āliktata, Rilo̧mo̧o̧r eo ekar wōnm̧aanļo̧k wōt n̄an leļo̧k kōjatdikdik im jeorļo̧k bōd. Ļōmņak kōn wāween ko n̄an im̧we ro uwaan kūlaaj eo n̄an ļoor waanjon̄ak eo An. N̄an waanjon̄ak, kwomaron̄ kajjitōk ippān jimettan in kūlaaj eo n̄an riiti Luk 23:34–38 (ekoba eoon34, footnote c, eo ej letok kōļmenļo̧kjeņ eo jān Josep Smith Ukok) Luk 23:39–43. Ro uwaan kūlaaj eo remaron̄ kwaļo̧k ta eo rej ekkatak kake kōn Rilo̧mo̧o̧r eo jān eoon ko kar kappeik aer. Ekōjkan ad maron̄ ļoor waanjon̄ak eo an Rilo̧mo̧o̧r eo?

pija ej bōk jikin kein jipan̄ ko

Kein Jipan̄ ko jet

Pija ko kōn matōrtōr eo, en̄taan eo, im mej eo an Jisōs.

• Pilate Washes His Hands (ChurchofJesusChrist.org; Matu 27:11–25)

• Christ with a Crown of Thorns (ChurchofJesusChrist.org; Matu 27:26–31)

• Jesus Carries His Cross (ChurchofJesusChrist.org; Jon 19:13–18)

• Debwāāl Eo (ChurchofJesusChrist.org im Bok In Gospel Pija, nō 57; Luk 23:33–46; Jon 19:23–37)

• Kallūb eo an Jisōs (ChurchofJesusChrist.org im Bok In Gospel Pija, nō. 58; Jon 19:38–42)

Eoon in jipan̄ an jeje ko rekwojarjar me rej kōnono kōn mālijjjon̄ ko im mej ao an Jisōs Kraist

• Aiseia 53:5, 7

• 1 Nipai 19:9

• Aiseia 50:6

• Sam Ko 69:21

• Sam Ko 22:16

• 1 Nipai 19:10

• Sam Ko 22:18

• Aiseia 53:12

• Sam Ko 22:7–8

• Sam Ko 22:1

• Aiseia 53:9

Kōkōm̧anm̧anļo̧k Ad Katakin

Bōk kajoor jān Rilo̧mo̧o̧r. “Ilo kijejeto eo am̧ n̄an mour im katakin eļapļo̧k āinwōt Rilo̧mo̧o̧r eo, kojjāmin likjab n̄an tōpar kōttōpar eo am̧ ilo iien ko. Jab ebbwer; ijjeļo̧kin, kōtļo̧k bwe bōd ko im m̧ōjņo̧ ko am̧ ren ukōtļo̧k eok n̄an Jemedwōj Ilan̄ im Rilo̧mo̧o̧r eo” (Teaching in the Savior’s Way, 14).