« ថ្ងៃទី ១២–១៨ ខែ មិថុនា ។ លូកា ២២; យ៉ូហាន ១៨ ៖ ‹ កុំតាមចិត្តទូលបង្គំឡើយ សូមតាមតែព្រះហឫទ័យទ្រង់វិញ › » ចូរមកតាមខ្ញុំ—សម្រាប់សាលាថ្ងៃអាទិត្យ ៖ ព្រះគម្ពីរសញ្ញាថ្មី ឆ្នាំ ២០២៣ ( ឆ្នាំ ២០២២ )

« ថ្ងៃទី ១២–១៨ ខែ មិថុនា ។ លូកា ២២; យ៉ូហាន ១៨ » ចូរមកតាមខ្ញុំ—សម្រាប់សាលាថ្ងៃអាទិត្យ ៖ ឆ្នាំ ២០២៣

សួនច្បារគែតសេម៉ានី ដោយ ឌេរេក ហិចស្ទេដ

ថ្ងៃទី ១២–១៨ ខែ មិថុនា

លូកា ២២; យ៉ូហាន ១៨

« កុំតាមចិត្តទូលបង្គំឡើយ សូមតាមតែព្រះហឫទ័យទ្រង់វិញ »

សូមពិចារណាពីអ្វីដែលបងប្អូននឹងធ្វើ ដើម្បីយាងអញ្ជើញព្រះវិញ្ញាណឲ្យគង់នៅក្នុងថ្នាក់រៀនរបស់បងប្អូន នៅពេលបងប្អូនពិភាក្សាអំពីព្រឹត្តិការណ៍ពិសិដ្ឋនានានៅក្នុងជំពូកទាំងនេះ ។ សូមអធិស្ឋានស្វែងរកវិធីនានា ដើម្បីជួយដល់សមាជិកក្នុងថ្នាក់ឲ្យបង្កើនសេចក្ដីស្រឡាញ់របស់ពួកគេចំពោះព្រះអម្ចាស់ និងចម្រើនសេចក្ដីជំនឿរបស់ពួកគេទៅលើទ្រង់ ។

អញ្ជើញឲ្យចែកចាយ

សូមអញ្ជើញសមាជិកក្នុងថ្នាក់បីបួននាក់ឲ្យចែកចាយអារម្មណ៍របស់ពួកគេ នៅពេលពួកគេអាននៅសប្ដាហ៍នេះ និងខគម្ពីរអ្វីដែលបានជួយពួកគេឲ្យមានអារម្មណ៍ដូច្នេះ ។

បង្រៀនគោលលទ្ធិ

លូកា ២២:៣៩–៤៦

យើងប្រែក្លាយកាន់តែដូចជាព្រះគ្រីស្ទ នៅពេលយើងជ្រើសរើសចុះចូលឆន្ទៈរបស់យើងតាមព្រះឆន្ទៈរបស់ព្រះវរបិតា ។

គំរូរបស់ព្រះអង្គសង្គ្រោះក្នុងការចុះចូលតាមព្រះឆន្ទៈរបស់ព្រះវរបិតា អាចជួយដល់សមាជិកក្នុងថ្នាក់បាន នៅពេលពួកគេចាំបាច់ត្រូវធ្វើរឿងដូចគ្នានេះ ។ ដើម្បីចាប់ផ្ដើមការពិភាក្សាមួយ បងប្អូនអាចអញ្ជើញសមាជិកក្នុងថ្នាក់ឲ្យចែកចាយអំពីបទពិសោធន៍នានា នៅពេលពួកគេបានចុះចូលតាមអ្វីមួយ ដែលពួកគេបានដឹងថា ព្រះសព្វព្រះទ័យឲ្យពួកគេធ្វើ ។ សូមឲ្យពួកគេចែកចាយរបៀបដែលពួកគេបានដឹងថា ព្រះបានសព្វព្រះទ័យឲ្យពួកគេធ្វើអ្វី និងរបៀបដែលពួកគេមានពរជ័យដែលប្រតិបត្តិតាមព្រះទ័យរបស់ទ្រង់ ។ សូមអញ្ជើញសមាជិកក្នុងថ្នាក់ឲ្យអាន លូកា ២២:៣៩–៤៦ ហើយនិយាយអំពីហេតុផលដែលព្រះហឫទ័យរបស់ព្រះអង្គសង្គ្រោះបានព្រមចុះចូលតាមព្រះហឫទ័យរបស់ព្រះវរបិតាទ្រង់ ។ តើយើងអាចធ្វើតាមគំរូរបស់ព្រះអង្គសង្គ្រោះដោយរបៀបណា ?
បន្ថែមពីលើទង្វើរបស់ព្រះអង្គសង្គ្រោះក្នុងការប្រតិបត្តិតាមព្រះហឫទ័យរបស់ព្រះនៅក្នុង លូកា ២២:៤២ តើមានគំរូផ្សេងទៀតណាខ្លះអំពីការប្រតិបត្តិតាមរបស់ទ្រង់ ដែលយើងរកឃើញនៅក្នុង លូកា ២២ និង យ៉ូហាន ១៨ ? តើព្រះអង្គសង្គ្រោះបានប្រតិបត្តិតាមព្រះហឫទ័យរបស់ព្រះវរបិតាទ្រង់ពេញមួយព្រះជន្មរបស់ទ្រង់ដោយរបៀបណា ? តើយើងអាចធ្វើអ្វីខ្លះដើម្បីកាន់តែក្លាយដូចជាទ្រង់ ? សេចក្ដីថ្លែងការណ៍មកពីអែលឌើរ នែល អេ ម៉ាក់ស្វែល នៅក្នុង « ធនធានបន្ថែមទាំងឡាយ » អាចជួយបំផុសគំនិតសមាជិកក្នុងថ្នាក់ឲ្យពិចារណាពីរបៀប ដែលពួកគេអាចចុះចូលឆន្ទៈរបស់ពួកគេតាមព្រះហឫទ័យរបស់ព្រះ ។

លូកា ២២:៣៩–៤៦

ព្រះយេស៊ូវគ្រីស្ទបានធ្វើដង្វាយធួនដ៏និរន្តរមួយសម្រាប់យើង ។

លូកា ២២:៣៩–៤៦ ពិពណ៌នាអំពីអ្វីដែលបានកើតឡើងនៅក្នុងសួនច្បារគែតសេម៉ានី ។ ដើម្បីជួយសមាជិកក្នុងថ្នាក់ឲ្យយល់ពីសារៈសំខាន់នៃព្រឹត្តិការណ៍ដ៏ពិសិដ្ឋនេះផ្ទាល់ខ្លួន ប្រហែលបងប្អូនអាចសរសេរសំណួរដូចនេះដាក់លើក្ដារខៀន តើមានអ្វីបានកើតឡើងនៅក្នុងសួនច្បារគែតសេម៉ានី ? និង ហេតុអ្វីបានជាវាសំខាន់ចំពោះខ្ញុំ ? សមាជិកក្នុងថ្នាក់អាចរកមើលចម្លើយនៅក្នុង លូកា ២២:៣៩–៤៦; អាលម៉ា ៧:១១–១៣; គោលលទ្ធិ និង សេចក្ដីសញ្ញា ១៩:១៦–១៩ និងវីដេអូ « The Savior Suffers in Gethsemane » ( នៅលើគេហទំព័រ ChurchofJesusChrist.org ) ។ បងប្អូនក៏អាចរកឃើញចម្លើយនៅក្នុងសារលិខិតរបស់ប្រធាន ថាត អរ ខាលីស្ទើរ « The Atonement of Jesus Christ » ( Liahona ខែ ឧសភា ឆ្នាំ ២០១៩ ទំព័រ ៨៥–៨៧ ) ផងដែរ ។
នៅក្នុងព្រះគម្ពីរមរមន យ៉ាកុបហៅដង្វាយធួនរបស់ព្រះយេស៊ូវគ្រីស្ទថាជា« ដង្វាយធួនដ៏និរន្តរ » ( នីហ្វៃទី២ ៩:៧ ) ។ ដើម្បីជួយសមាជិកក្នុងថ្នាក់ឲ្យយល់អំពីអត្ថន័យនេះ បងប្អូនអាចចែកចាយការបង្រៀនរបស់ប្រធាន រ័សុល អិម ណិលសុន នៅក្នុង « ធនធានបន្ថែមទាំងឡាយ » ហើយសូមឲ្យសមាជិកក្នុងថ្នាក់សរសេរនូវរបៀបនានា ដែលឥទ្ធិពលនៃពលិកម្មរបស់ព្រះអង្គសង្គ្រោះអាចចាត់ទុកថាមានភាពនិរន្តរបាន ។ ពួកគេក៏អាចអានបទគម្ពីរដូចតទៅនេះផងដែរ ហើយដាក់បន្ថែមទៅក្នុងបញ្ជីរបស់ពួកគេ ៖ ហេព្រើរ ១០:១០; អាលម៉ា ៣៤:១០–១៤; គោលលទ្ធិ និង សេចក្តីសញ្ញា ៧៦:២៤ និង ម៉ូសេ ១:៣៣ ។ តើយើងអាចបង្ហាញការដឹងគុណរបស់យើងចំពោះអ្វីៗដែលព្រះអង្គសង្គ្រោះបានធ្វើសម្រាប់យើងតាមរបៀបណា ?

ការបដិសេធរបស់ពេត្រុស ដោយ ខាល ហេនរីក ប្លក់

លូកា ២២:៥៤–៦២

យើងអាចស្មោះត្រង់ចំពោះព្រះយេស៊ូវគ្រីស្ទបាន មិនថាយើងភ័យខ្លាច និងទន់ខ្សោយប៉ុណ្ណានោះទេ ។

ដើម្បីជួយសមាជិកក្នុងថ្នាក់ឲ្យស្រមៃឃើញព្រឹត្តិការណ៍នៅក្នុង លូកា ២២:៥៤–៦២ បងប្អូនអាចបង្ហាញរូបភាពមួយ ដូចជាការបដិសេធរបស់ពេត្រុស ( នៅលើគេហទំព័រ ChurchofJesusChrist.org ) ឬវីដេអូ « Jesus Is Tried by Caiaphas, Peter Denies Knowing Him » ( នៅលើគេហទំព័រ ChurchofJesusChrist.org ) ។ សមាជិកក្នុងថ្នាក់អាចចែកចាយអ្វី ដែលពួកគេបានរៀនមកពីបទពិសោធន៍របស់ពេត្រុស ដែលបំផុសគំនិតពួកគេឲ្យស្មោះត្រង់នឹងព្រះយេស៊ូវគ្រីស្ទ ។

ធនធានបន្ថែមទាំងឡាយ

ការចុះចូលឆន្ទៈរបស់យើងតាមព្រះវរបិតា ។

អែលឌើរ នែល អេ ម៉ាក់ស្វែល បានបង្រៀនថា « នៅពេលបងប្អូនចុះចូលឆន្ទៈរបស់បងប្អូនតាមព្រះ នោះបងប្អូននឹងថ្វាយដល់ទ្រង់នូវរបស់ តែមួយគត់ ដែលបងប្អូនពិតជា អាច ថ្វាយទៅទ្រង់បាន ជាអ្វីៗគ្រប់យ៉ាងដែលបងប្អូនអាចថ្វាយទ្រង់បាន ។ សូមកុំរង់ចាំយូរពេក ដើម្បីស្វែងរកទីអាសនា ឬ ដើម្បីចាប់ផ្ដើមដាក់អំណោយនៃឆន្ទៈរបស់បងប្អូននៅលើនោះ ! » ( « Remember How Merciful the Lord Hath Been » Liahona ខែ ឧសភា ឆ្នាំ ២០០៤ ទំព័រ ៤៦ ) ។

ដង្វាយធួនដ៏និរន្តរ ។

ប្រធាន រ័សុល អិម ណិលសុន បានបង្រៀន ៖

« ដង្វាយធួនរបស់ [ ព្រះយេស៊ូវគ្រីស្ទ ] គឺនិរន្តរ—គ្មានទីបញ្ចប់ ។ វាក៏ជានិរន្ដរដែលមនុស្សជាតិទាំងអស់នឹងត្រូវបានសង្គ្រោះពីសេចក្ដីស្លាប់ដែលមិនចេះចប់ ។ វាជានិរន្ដរក្នុងន័យការរងទុក្ខដ៏ខ្លាំងមហិមារបស់ទ្រង់ ។ វាមានទំហំនិរន្ដរក្នុងពេលវេលា ដោយការបញ្ចប់គំរូដើមពីមុននៃយញ្ញបូជាសត្វ ។ វាមានទំហំអនន្ដ—វាត្រូវធ្វើតែម្ដងសម្រាប់មនុស្សទាំងអស់ ។ ហើយសេចក្ដីមេត្តាករុណានៃដង្វាយធួនពង្រីកមិនត្រឹមតែដល់ចំនួនមនុស្សដ៏ច្រើនមហិមាប៉ុណ្ណោះទេ ប៉ុន្ដែវាថែមទាំងដល់ចំនួនដ៏អនន្ដនៃពិភពលោកទាំងឡាយដែលទ្រង់បានបង្កើតផងដែរ ។ វាមានចំនួនអនន្ដលើសពីទំហំនៃរង្វាស់ ឬការយល់ដឹងខាងសាច់ឈាមណាមួយរបស់មនុស្សទៅទៀត ។

« ព្រះយេស៊ូវគឺជាអង្គតែមួយគត់ ដែលអាចផ្ដល់នូវដង្វាយធួនជានិរន្ដរមួយបែបនោះបាន ដោយសារទ្រង់បានប្រសូតពីម្ដាយជាសាច់ឈាមម្នាក់ និង ពីព្រះវរបិតាខាងវិញ្ញាណមួយអង្គ ។ ដោយសារតែអំណាចមរតករបស់បងច្បងតែមួយគត់នោះ ព្រះយេស៊ូវគឺជាអង្គដ៏រន្ដរ » ( « The Atonement » Ensign ខែ វិច្ឆិកា ឆ្នាំ ១៩៩៦ ទំព័រ ៣៥ ) ។

ការកែលម្អការបង្រៀនរបស់យើង

ធ្វើជាឧបករណ៍ដ៏រាបសារបស់ព្រះវិញ្ញាណ ។ « គោលបំណងរបស់បងប្អូននៅក្នុងនាមជាគ្រូបង្រៀន គឺមិនមែនដើម្បីធ្វើបទបង្ហាញដ៏គួរចាប់អារម្មណ៍មួយនោះទេ ប៉ុន្តែគឺដើម្បីជួយអ្នកដទៃទៀតឲ្យទទួលឥទ្ធិពលនៃព្រះវិញ្ញាណបរិសុទ្ធ ដែលជាគ្រូបង្រៀនដ៏ពិត » ( ការបង្រៀនតាមរបៀបរបស់ព្រះអង្គសង្គ្រោះ ទំព័រ ១០ ) ។