Kraes i stanap long fored blong Paelat

Ecce Homo, i kam long Antonio Ciseri

19–25 Jun

Matiu 27; Mak 15; Luk 23; Jon 19

“Olgeta Samting I Finis Nao”

Blong mekem yu rere blong tij, ridim gud Matiu 27; Mak 15; Luk 23; mo Jon 19. Lukaotem blong laef long wan klin laef blong Spirit i stap wetem yu blong yu save stap olsem wan witnes, we i gat paoa blong testifae abaot Sevya mo atonmen blong Hem.

serem pikja aekon

Invaetem Ol Memba blong Serem Wanem Oli Gat

Invaetem wanwan memba blong klas blong jusum wan japta long riding blong wik ia mo yusum sam minit blong lukluk tru long hem, lukaotem wan toktok, wan sentens, o sam infomesen we i gat mining abaot Sevya mo misin blong Hem. Givim janis long olgeta blong oli serem wanem oli faenem mo eksplenem wanem i minim long olgeta.

tijing aekon

Stap Tijim Doktrin

Matiu 27; Mak 15; Luk 23; Jon 19

Jisas Kraes i agri blong safa, i soem lav blong hem long Papa mo long yumi evriwan.

• Blong helpem klas blong yu i andastanem olsem wanem ded mo safaring blong Sevya long Kros i soemaot lav blong Hem, traem wan aktiviti we i olsem: Givim long wanwan memba blong klas wan pis pepa we i sep blong hat, mo invaetem olgeta blong raet long ol hat sep ia blong olgeta, wan sentens long 1 Korin 13:4–7 we i tokbaot jariti. Afta askem olgeta blong lukaotem long Matiu 27; Mak 15; Luk 23; o Jon 19 mo raetem long nara saed blong hat blong olgeta sam ves we i soem olsem wanem Sevya i soemaot lav ia we sentens we oli jusum i tokbaot. Invaetem olgeta blong serem wanem oli faenem. ?Wanem eksperiens nao oli bin helpem yumi blong andastanem lav blong Sevya?

  Hat blong King Wetem Ropnil

  Ol soldia “oli tekem rop we i gat nil, oli wokem wan hat long hem we i olsem hat blong king, nao oli putum long hed blong hem” (Mak 15:17).

• Art i save help blong ol memba blong klas blong luk stori long riding blong wik ia. Maet bae yu divaedem klas long ol grup mo givim wan pikja long wanwan grup (luk long “Sam Moa Risos” blong gat wanem pikja). Ol memba blong klas oli save ridim olgeta ves ia we i tokbaot ol samting we i tekem ples long ol pikja ia. Oli save serem ol filing mo tingting blong olgeta abaot ol stori ia—mo tu, olsem wanem pikja ia i helpem olgeta blong andastanem gud Atonmen blong Sevya. Maet yu save gat tingting ia tu blong soem ol vidio ia “Jesus Is Condemned before Pilate” mo “Jesus Is Scourged and Crucified” (ChurchofJesusChrist.org). Leftemap tingting blong ol memba blong klas blong serem testemoni blong olgeta abaot Sevya mo Atonmen blong Hem.

Matiu 27:11–60

Ol profet blong bifo oli bin luk safaring mo hang long kros blong Sevya.

• Ol profet blong bifo oli bin talem plante long ol samting we bae i tekem ples long ol lasfala aoa blong Sevya. Wan wei blong helpem ol memba blong klas blong luk hemia, givim long wanwan, wan o moa long wan skripja we i stap long “Sam Moa Risos” mo askem olgeta blong faenem ol ves we i stap long Matiu 27 we i soemaot se, wanem we ol skripja ia oli tokbaot, oli bin hapen finis. Maet yu save mekem wan jat we i majem ol profesi wetem ol samting we i hapen. ?Olsem wanem nao ol profesi ia oli mekem fet blong yumi long Jisas Kraes i kam strong moa?

Matiu 27:27–49; Mak 15:16–32; Luk 23:11, 35–39; Jon 19:1–5

Fasin blong go agens, i no save stopem wok blong God.

• Blong helpem ol memba blong klas blong stanap wetem fet agensem fasin blong go agens, invaetem olgeta blong ridim ol ves ia we i talemaot ol hadtaem we Sevya i bin fesem (luk long Matiu 27:27–49; Mak 15:16–32; Luk 23:11, 35–39; Jon 19:1–5). ?Wanem yumi lanem long ol ansa blong Sevya we i save helpem yumi fesem fasin blong go agens? ?Wanem sam narafala eksampol blong fasin blong go agens we i save helpem yumi? (Olsem eksampol, luk long Josef Smit—Histri 1:24–25.)

Luk 23:34–43

Sevya i givim long yumi hop mo fogivnes.

• Nomata long ol lasfala aoa blong hem, Sevya i gohed blong givim hop mo fogivnes. Tingting long ol wei blong givim insperesen long ol memba blong klas, blong oli folem eksampol blong Hem. Eksampol, yu save askem haf blong klas blong ridim Luk 23:34–38 (wetem ves 34 c, we i gat Josef Smit Translesen blong hem) mo nara haf blong ridim Luk 23:39–43. Ol memba blong klas oli save serem wanem oli lanem abaot Sevya long ol ves we oli givim long olgeta. ?Olsem wanem nao yumi save folem eksampol blong Sevya?

risos pikja bokis

Sam Moa Risos

Ol pikja blong givim hadtaem, safaring, mo ded blong Jisas.

• Paelat I Wasem Ol Han blong Hem (ChurchofJesusChrist.org; Matiu 27:11–25)

• Kraes wetem wan Hat blong King We I Gat Ol Nil (ChurchofJesusChrist.org; Matiu 27:26–31)

• Jisas I karem Kros blong Hem (ChurchofJesusChrist.org; Jon 19:13–18)

• Taem Oli Krusifaem Jisas (ChurchofJesusChrist.org and Gospel Art Buk, no. 57; Luk 23:33–46; Jon 19:23–37)

• Taem Oli Berem Jisas (ChurchofJesusChrist.org mo Gospel Art Buk, no. 58; Jon 19:38–42)

Ol Skripja we oli talem ol hadtaem mo ded blong Jisas Kraes bifo Hem i kam.

• Aesea 53:5, 7

• 1 Nifae 19:9

• Aesea 50:6

• Ol Sam 69:21

• Ol Sam 22:16

• 1 Nifae 19:10

• Ol Sam 22:18

• Aesea 53:12

• Ol Sam 22:7–8

• Ol Sam 22:1

• Aesea 53:9

Stap Kam Antap long Fasin blong Yumi blong Stap Tij

Karem paoa blong yu long Sevya. “Taem yumi stap traem bes blong laef mo tij moa olsem Sevya, bae yumi no save ronwe long hem, be samtaem, bae yumi foldaon. Yu no slakem tingting blong yu; be, yu letem blong ol mistek mo ol wiknes blong yu oli mekem se yu yu tanem yu i go long Papa long Heven mo long Sevya” (Teaching in the Savior’s Way,14).