Las Sapa

Blong Tingbaot Mi, i kam long Walter Rane

29 Mei–4 Jun

Matiu 26; Mak 14; Jon 13

“Blong Tingbaot”

Ridim Matiu 26; Mak 14; mo Jon 13, mo tingting hevi long ol tingting mo filing we i kam long maen blong yu. ?Wanem mesej i save blesem ol memba blong klas blong yu?

serem pikja aekon

Invaetem Ol Memba blong Serem Wanem Oli Gat

Invaetem ol memba blong klas blong serem samting we oli lanem long wik ia we i helpem olgeta oli faenem moa mining long sakramen. ?Wanem nao oli bin mekem, mo olsem wanem nao i helpem olgeta long eksperiens blong olgeta taem oli tekem sakramen?

tijing aekon

Stap Tijim Doktrin

Matiu 26:20–22

Yumi mas lukluk gud long laef blong yumiwan blong save talem olsem wanem ol toktok blong Lod i kam long yumi.

• Yumi harem plante gospel lesen long laef blong yumi, be samtaem yumi gat temtesen ia blong tingting se ol lesen ia oli blong ol narafala pipol nomo oli yusum. Wan storian long Matiu 26:20–22 i save helpem yumi winim kaen tingting olsem. ?Wanem lesen yumi save lanem, long olsem wanem ol disaepol oli laef folem ol toktok blong Sevya? Sapos eni memba blong klas i bin ridim mesej blong Presiden Dieter F. Uchtdorf “Lord, Is It I?,” oli save serem sam lesen we oli lanem (Liahona, Nov. 2014, 56–59).

Matiu 26:26–29

Sakramen i wan taem blong tingbaot Sevya.

• ?Olsem wanem ol memba blong klas oli save eksplenem odinens blong sakramen long wan we i no save gud abaot sakramen? Maet yufala i save krietem wan lis tugeta blong ol kwestin we sam man bae oli save gat abaot sakramen, olsem “?From wanem Sevya i givim sakramen long yumi? ?From wanem bred mo wota oli ol simbol we oli gat paoa blong ripresentem Jisas Kraes? ?Wanem promes blong yumi taem yumi tekem sakramen? ?Wanem promes nao yumi kasem?” Ol memba blong klas oli save lukaotem ol ansa long ol risos ia: Matiu 26:26–29; Doktrin mo Ol Kavenan 20:75–79; mo Gaed long Ol Skripja, “Sakramen” (ChurchofJesusChrist.org). Maet yu wantem blong serem toktok we i kam long Elda D. Todd Christofferson long “Sam Moa Risos.”

  woman i tekem sakramen

  Sakramen i helpem yumi blong tingbaot Jisas Kraes.

• I gud blong ol memba oli harem tingting blong wanwan long olgeta abaot olsem wanem blong tingting long Sevya taem oli stap tekem sakramen mo truaot long wik (luk long Luk 22:19–20; Doktrin mo Ol Kavenan 6:36–37). Yu save invaetem olgeta blong serem wanem i helpem olgeta mo ol famli blong olgeta, oli tingbaot Sevya mo obei ol kavenan blong olgeta. Oli serem tu wanem oli mekem, blong mekem sakramen i wan tabu eksperiens.

Jon 13:1–17

Sevya i eksampol blong yumi, blong gat tingting i stap daon blong givim seves long ol nara man.

• Blong helpem ol memba blong klas oli tingting hevi long long mining blong Jisas i wasem ol leg blong ol disaepol blong Hem, yu save invaetem wan long ol memba blong klas blong i stap olsem Pita mo ol narawan oli save intaviu hem. Ol memba blong klas oli save lukaotem long Jon 13:1–17 mo oli tingting long ol kwestin we i gat mining blong save askem Pita long hem blong lanem abaot eksperiens blong hem. ?Wanem nao yumi lanem long stori ia we i save tijim yumi olsem wanem blong givim seves long ol narafala man?

Jon 13:34–35

Lav blong yumi long narafala man i wan saen blong soem se yumi ol tru disaepol blong Jisas Kraes.

• ?Olsem wanem yu save givim insperesen long ol memba blong klas blong oli gat moa lav? Yu save askem olgeta wanem kwaliti nao oli luk taem oli mitim wan man we i stap folem Kraes. Yu save invaetem olgeta blong lukaotem long Jon 13:34–35 blong lanem olsem wanem blong oli luksave ol tru disaepol blong Sevya. ?Wanem yumi save mekem tru long lav, we i save soem tru fasin blong yumi olsem wan disaepol? Maet yufala i save toktok raon long taem yumi lavem ol nara man hem i wan wei blong testifae abaot Jisas Kraes. ?Olsem wanem yumi save mekem hemia long famli blong yumi, long sosol media, mo long ol narafala eria?

• Olsem wan klas, yu lanem plante samting abaot laef blong Sevya long yia ia, wetem plante eksampol blong olsem wanem hem i soem lav blong hem long ol narafala man. Wan wei blong helpem ol memba blong klas blong tingting hevi long ol komanmen we i stap long Jon 13:34 maet i gud blong raetem Olsem we mi mi lavem yufala long bod mo askem ol memba blong klas blong mekem wan lis long bod long ol eksampol we oli save tingbaot long Niu Testeman we i soemaot lav blong Jisas. Mo afta raetem Lavlavem Yufala long bod mo askem ol memba blong klas blong mekem lis blong ol wei blong folem eksampol blong Hem blong lav, long bod. Ol memba blong klas oli save faenem ol aedia insaed long ol vidio we oli listim i stap long “Sam Moa Risos.”

risos pikja bokis

Sam Moa Risos

“Mekem ol kwaliti mo fasin blong Kraes i kam pat blong laef blong yu.”

Elda D. Todd Christofferson i bin tijim, “Toktok ia blong kaekae mit blong bodi blong [Sevya] mo dring blad blong Hem i [minim] blong wok long ol kwaliti mo fasin blong Kraes insaed long yumi, tekemaot man we i folem fasin blong wol, mo kam niu Sent ‘tru long atonmen blong Kraes we i Lod’ [Mosaea 3:19]. Taem yumi tekem bred blong sakramen mo wota evri wik, yumi mas mekem gud blong tingting long olsem wanem yumi mas mekem fasin blong Hem mo paten blong laef blong Hem we i no gat sin i tekem ples insaed long laef blong yumiwan” (“The Living Bread Which Came Down from Heaven,” Liahona, Nov. 2017, 37).

Ol vidio abaot lav i stap long ChurchofJesusChrist.org.

• “Love One Another”

• “Families Sacrifice, Give, and Love”

• “Preparation of Thomas S. Monson: He Learned Compassion in His Youth”

Stap Kam Antap long Fasin blong Yumi blong Stap Tij

Luk tru long ae blong God. Traehad blong luk ol memba blong klas blong yu olsem we God i stap luk olgeta, mo Spirit bae i soem long yu sapos oli klin inaf mo oli gat rum blong mekem moa. Taem yu stap mekem hemia, bae oli lidim yu long ol wok blong yu blong helpem olgeta (luk long Teaching in the Savior’s Way, 6).