“Masta. ?Hu ya? ?Mi?”
I Kam long PresidenDita F. Ukdof
Seken Kaonsela longFas Presidensi
Ol brata. Yumi mas putum long saed hae tingting blong yumi, lukluk i gobitim ol filing nating blong yumi, mo wetem tingting i stap daon, askem: “Masta. ?Hu ya, mi?
Hem i las naet blongSevya we yumi lavem long wol ia, naet bifo we bae Hem i givim Hemwan olsem praes fromevri kaen man. Taem Hem i brekem bred wetem ol disaepol blong Hem, Hem i talem wansamting we i mas fulumap hat blong olgeta wetem fraet mo harem nogud. “Wan long yufalabae i letem mi go long han blong enemi blong mi,” Hem i talem long olgeta.
Ol disaepol oli nokwestinim trutok ia o wanem Hem i talem. Mo oli no luk raon, o poenem fingga long naraman mo askem: “?Huia, Hem?”
Be, “oli wari tumas, moolgeta wanwan oli stap askem long hem se : ‘Masta. ?Hu ya? ?Mi?”1
Mi wantem save wanemwanwan long yumi bae i mekem sapos Sevya i askem kwestin ia. ?Bae yumi luk long olgetaraon long yumi mo talem long hat blong yumi: “Ating i tokbaot Brata Jonson ia. Mi gat tutingting long hem,” o “Mi glad se Brata Braon i stap ia. Hem i rili nidim blong haremmesej ia”? O, bae yumi mekem olsem ol disaepol blong bifo, yumi lukluk insaed long yumimo askem bigfala kwestin ia: “Hu ya, mi?”
Long ol simpol toktokia: “Masta. ?Hu ya, Mi?” i gat stat blong waes tingting,mo rod blong jenisim laef blong yuwan, mo jenis we bae i stap oltaem.
Parabol blong Flaoa blong Rabis Gras
Wan taem, i gatwan man we i laekem blong wokbaot long naet long ples we hem i stap long hem. Hem ilaekem blong wokbaot long fored blong haos blong neiba blong hem. Neiba ia ilukaotgud long yad blong hem, i katem gud gras, flaoa i givim flaoa oltaem, ol trioli helti mo givim sed. I klia se neiba ia i wokhad blong gat wan naes gras moyad.
Be wan dei, taemman ia i wokbaot long fored blong haos blong neiba, hem i luk long medel blong naesgras ia, wan bigfala yelo flaoa blong rabis gras.
I luk se i no plesblong flaoa ia, mekem se hem i sapraes. ?From wanem neiba ia i no pulumaot? ?Hem ino luk? ?Hem i no save se rabis gras ia i save sakem sid we i save givim rus longplante moa rabis gras?
Flaoa ia we i staphemwan, i spolem tingting blong hem tumas, mo hem i wantem mekem wan samting from.?Bae i go pulumaot? ?O bae i sprei long hem wetem meresin blong rabis gras? Atingbae i go sloslo long naet i save pulumaot long sikret.
Ol tingting ia oliwok strong long maen blong hem taem hem i stap wokbaot i go long haos blong hem. Hemi go long haos blong hem mo i no lukluk nating long yad blong hem—we fulap yeloflaoa blong rabis gras oli stap long hem.
Smol Doti mo Pis Wud
?Stori ia i mekemyufala i tingbaot toktok blong Sevya?
“From wanem yustap tokbaot smol doti ia we i stap long ae blong brata blong yu be yu no save lukbigfala wud ya … long ae blong yu? …
“… Fastaem yu mastekemaot bigfala wud ia we i stap long ae blong yu, nao bae yu save luklukgud blongtekemaot smol doti ia … long ae blong brata blong yu.”2
Stori ia blongsmol doti mo pis wud, i luk olsem i tokbaot fasin blong yumi blong no save luk klialong yumiwan bakegen. Mi no sua from wanem yumi save faenem mo talem meresin blongsik blong ol nara pipol, we plante taem, yumiwan yumi faenem i had blong luk hemiablong yumi bakegen.
Sam yia i pas,i bin gat wan nius stori blong wan man we i bin biliv se sapos hem i rabem lemonjus long fes blong hem, bae i mekem se kamera i no save luk hem. Mekem se, hem iputum lemon jus long ful fes blong hem, i go, i stil long tufala bank. I nolongtaem afta, oli arestem hem taem oli brodkastem fes blong hem long nius. Taempolis i soem ol vidio blong sekiuriti kamera long man ia, hem i no save bilivimwanem hem i luk. Hem i talem: “!Be mi putum lemon jus long fes blong mi!”3
Taem wan manblong saens long Konel Yunivesiti i harem stori ia, hem i sapraes se wan man ino save luksave nating se hem i no save mekem samting. Blong faenemaot sapos iwan jeneral problem, tu man blong stadi i invaetem ol studen blong tekpat longsam tes long saed blong defren skil blong laef, mo afta, askem olgeta blongmakem olgetawan se oli gud o no. Ol studen ia we oli no mekem gud, oli no savemakem gud wok blong olgeta—sam long olgeta, oli putum se mak blong olgeta i faeftaem moa hae bitim wanem oli mekem.4
Stadi ia, olimekem bakegen long plante defren wei, mo i konfemem, bakegen mo bakegen, semfalarisal: plante long yumi oli gat hadtaem blong luk yumiwan olsem huia yumi tru; moiven ol pipol wetem sakses oli makem olgeta hae moa mo oli putum nogud man long wokblong ol narawan.5
Maet i no impotenblong makem yumi hae long olsem wanem nao yumi draevem trak, o se yumi save sakemgolf bol longwe o no. Be taem yumi stat blong biliv se kontribusen blong yumi longhom, wok, mo long Jos oli moa bigwan bitim wanem we i stap, yumi kam blaen long olblesing mo janis blong mekem yumi kam antap moa long plante wei.
Ol Ples blong Kam Blaen long Saed blong Spirit
Wan we mi savehem i stap laef long wan wod wetem sam hae gud namba long Jos—atendens i hae,namba blong hom tijing i hae, ol pikinini blong Praemeri oli gat gud fasin, oldina blong wod oli gat gudfala kaekae mo memba no mekem kaekae foldaon longfloa, mo mi ting se i neva gat raorao long danis blong Jos.
Fren blong mimo waef blong hem, oli singaotem tufala long wan misin. Taem tufala i kambak triyia afta, kapol ia i sapraes blong lanem se long taem we oli stap long misin, 11mared i en long divos.
Nomata wod ia isoem se oli fetful mo strong, wan samting nogud i bin stap hapen long hat mo laefblong ol memba. Mo samting we i nogud i we situesen ia i hapen long ples ia nomo. Olsamting we oli nogud mo oli no nid oli hapen taem ol memba blong Jos oli no wantemsave long ol prinsipol blong gospel. Aotsaed, oli luk se oli disaepol blong JisasKraes, be insaed long hat blong olgeta, oli seperet long Sevya blong olgeta mo oltijing blong Hem. Sloslo, oli tanem olgeta oli go longwe long ol samting blongSpirit mo muv i go long ol samting blong wol.
Ol prishud man weoli bin klin inaf oli stat blong talem long olgetawan se Jos i wan gud samting blongol woman mo ol pikinini be i no blong olgeta. O, sam oli gat strong tingting se bisitaem tebol blong olgeta o spesel situesen blong olgeta i mekem se oli no nid blongmekem ol gud wok mo seves evri dei we bae i mekem oli stap kolosap long Spirit. Longtaem ia blong faenem eskius mo lavem olgeta bigwan, hem i isi blong kamap wetem oleskius blong no kam kolosap long God long prea, pusumbak stadi blong ol skripja, mostap longwe long ol miting blong Jos mo ol famle haos naet, o pem wan ones taetingmo ofring.
Ol dia brata blongmi. ?Plis bae yufala i luk insaed long hat blong yufala mo askem simpol kwestin ia:“Masta. ?Hu ya, mi?”
?Yu yu golongwe—iven smol nomo—long ol “gud nius [blong God] we Hem i putum long han blongyu”?6 ? Yu yu letemgod blong wol ia i mekem maen blong yu i tudak i nomo luk “laet we i kamaot long gudnius blong Jisas Kraes.”?7
Ol fren blong miwe mi lavem, ol dia brata blong mi. Askem yufalawan: “?Wehem ol rij samting blongmi?”
?Hat blong yu istap long ol gud samting blong wol ia, o hem i stap long ol tijing blong Jisas Kraeswe i stap wok wetem strong tingting? “Long weples ol gudgudfala samting blong yufalai stap long hem, be oltaem tingting blong yufala i stap long ples ya.”8
?Spirit blong Godi stap long hat blong yufala? ?Yu gat rus mo hang strong long lav blong God mo longlav long ol narafala man? ?Yu stap givim inaf taem blong tekem hapines long mared mofamle blong yu? ?Yu givim inaf paoa long bigfala gol blong andastanem mo laef folem“bigwan, longfala, hae, mo dip”9 blong gospel we i kambak blong Jisas Kraes.
Ol brata. Saposhem i bigfala tingting blong hat blong yu blong trenem yu long ol fasin olsem hemiablong Kraes, blong gat “fet, gud fasin, save, [kontrol long yuwan], save wetlongtaem, mekem kaen fasin, fasin olsem hemia blong god, bigfala hat, fasin blonggat tingting i stap daon, mo [seves],”10 bae Papa long Heven i mekem yu kam wan tul long hanblong Hem blong sevem plante sol.11
Laef we Oli Luklukgud Insaed long Hem
Ol brata. I no gatwan long yumi we i laekem blong talem se hem i stap aot long stret rod. Plante taem,yumi traem blong no lukluk dip long sol blong yumi, mo fesem ol fasin we yumi nostrong long olgeta, ol limit, mo ol fraet blong yumi. From hemia, taem yumi stapluklukbak long laef blong yumi, yumi lukluk tru long ol net blong giaman, eskius, mostori we yumi talem long yumiwan blong save faenem risen from ol tingting mo aksenwe oli no stret.
Be blong save lukyumiwan klia i wan mas blong save gro long saed blong spirit mo gat gudlaef. Saposol samting we yumi no strong long olgeta mo ol sot maen blong yumi oli stap haed istap, nao paoa blong Sevya blong pemaot man i no save hilim olgeta mo mekem oli kamol samting we yumi strong long olgeta.12 I fani from, fasin blong yumi blaen long ol samtingwe yumi no strong long olgeta i mekem yumi blaen long tabu paoa we Papa i wantemfidim yumi wetem.
So, ?olsem wanemnao yumi save saenem klin laet blong trutok blong God insaed long sol blong yumiblong luk yumiwan olsem we Hem i stap luk yumi?
Bae mi talem se oltabu skripja mo ol toktok we oli givim long jeneral konfrens oli wan gudfala mira weyumi save holem blong luk yumiwan bakegen.
Taem yu stap haremo ridim ol toktok blong ol profet blong bifo mo tedei, holemtaet yu blong tingtingse ol toktok ia oli gud blong huia narafala man, mo askem simpol kwestin ia: “Masta. ?Hu ya, mi?”
Yumi mas kam longfes blong Papa we I No Save Finis wetem hat we i stap daon mo ol maen we i wantemkasem tijing. Yumi mas wantem lanem mo wantem jenis. Mo bae yufala i luk hamas yumikasem taem yumi komitim yumiwan blong laef folem laef we Papa long Heven i wantemyumi blong kasem.
Olgeta we olino wantem blong lanem samting mo jenis, maet bae oli no mekem, mo maet bae oli stat blong askemolgetawan sapos Jos i gat eni samting blong givim long olgeta.
Be olgeta we oliwantem kam antap mo progres, olgeta we oli lanem abaot Sevya mo wantem blong kamolsem Hem, olgeta we oli putum tingting blong olgeta i stap daon olsem wan smolpikinini mo lukaot blong mekem tingting mo aksen blong olgeta i stret folem hemiablong Papa we i stap long Heven—bae oli gat eksperiens long merikel blong Atonmenblong Sevya. Yes, bae oli filim Spirit blong God we i saen strong. Bae oli testembigfala glad ia we i frut blong no stap flas mo gat wan hat we i stap daon. Bae oligat blesing blong wantem mo disiplinim laef blong olgeta blong kam ol tru disaepolblong Jisas Kraes.
Paoa blong Mekem Gud
Long rod blonglaef blong mi, mi bin gat janis blong wok wetem sam long ol man mo woman we oli savewok gud mo oli waes gud long wol ia. Taem mi yangfala, mi sapraes tumas long olgetawe oli skul gud, mekem samting, gat sakses, mo wol i klapem han long olgeta. Be ovalong ol yia, mi kam blong luksave se mi sapraes moa long olgeta gudfala sol we oligat blesing, we oli gud tumas mo oli stap ones.
?Mo yufala i noting se hemia nao gospel mo wanem hem i mekem long yumi? Hem i gud nius, mo i helpemyumi blong kam gud.
Ol toktok blongAposol Jemes i blong yumi tu, tedei:
“God i agensemolgeta we oli praod, [be i givhan long olgeta we tingting i stap daon. ]…
“Long fes blongHae God, yufala i mas mekem tingting blong yufala i stap daon, nao hem bae ileftemap yufala.”13
Ol brata. Yumi masputum long saed hae tingting blong yumi, lukluk i go bitim ol filing nating blongyumi, mo wetem tingting i stap daon, askem: “Masta. ?Hu ya,mi?
Mo sapos i hapense ansa blong Lod i: “Yes, boe blong mi, i gat ol samting we yu mas kam antap longolgeta, ol samting mi save helpem yu blong winim,” mi prea se bae wetem tingting istap daon bae yumi luksave ol sin blong yumi mo ol sot maen blong yumi, mo afta,jenisim fasin blong yumi mo kam ol moa gud hasban, ol moa gud papa, mo ol moa gudboe. Bae, stat naoia i go, yumi lukaotem wetem evri strong paoa blong yumi blongwokbaot stret long rod blong blesing blong Sevya—from se taem yumi luk yumiwan klia,hemia i stat blong waes tingting.
Taem yumi mekemolsem, God we i gat fulap samting bae i holem han blong yumi blong lidim yumi; God imekem yumi kam strong, mo oli kasem blesing we i kam long heven.14
Ol fren blong miwe mi lavem yufala. Wan fas step long bigfala mo gudfala rod ia blong stap ol trudisaepol, i stat taem yumi askem yumiwan simpol kwestin ia:
“Masta. ?Hu ya? ?Mi?”
Long hemia, mitestifae mo livim blesing blong mi wetem yufala, long nem blong Jisas Kraes,amen.