Tu e matai Pailato o Karisito

Ecce Homo, mai vei Antonio Ciseri

19–25 ni Jiune

Maciu 27; Marika 15; Luke 23; Joni 19

“Sa oti”

Tekivuna na nomu vakavakarau mo veivakavulici mo wilika kamasulaka na Maciu 27; Marika 15; Luke 23; and Joni 19. Vakasaqara mo bula kilikili kaya na Yalo me rawa kina ni mana na nomu vakadinadinataka na iVakabula kei na Nona Veisorovaki.

ivakatakilakila ni veiwasei

Sureta na Veiwasei

Sureti ira yadua na lewe ni kalasi mera digitaka e dua na wase mai na wiliwili ni macawa oqo ka vica na miniti me dikevi kina, me kunei e dua na vosa, malanivosa, se dua na ivakaraitaki e vakavulica vei ira na veika vakaibalebale cake baleta na iVakabula kei na Nona ilesilesi. Solia na madigi mera wasea na veika era sa raica ka vakamacalataka na vuna e vakaibalebale cake kina vei ira.

ivakatakilakila ni veivakavulici

Vakavulica na iVunau

Maciu 27; Marika 15; Luke 23; Joni 19

Na lomasoli i Jisu Karisito me vakararawataki ka vakaraitaka na Nona loloma vei Tamana kei keda kece.

• Me vukea nomu kalasi mera kila vinaka ni ivakaraitaki ni Nona loloma na iVakabula na nona vakararawataki ka mate ena kauveilatai, tovolea e dua na itaviqaravi vakaoqo: Solia vei ira yadua na lewe ni kalasi e dua na uto pepa, ka sureti ira mera vola ena utodra oqo e dua na malanivosa mai na 1 Korinica 13:4–7 ka vakamacalataka na loloma uasivi. Mo qai kerei ira mera vakasaqara ena Maciu 27; Marika 15; Luke 23; se Joni 19 ka vola ena yasana kadua ni utodra e vica na tikini ivolanikalou e vakaraitaka na loloma ni iVakabula e vakamacalataki tiko ena malanivosa era digitaka. Me ra wasea na veika era kunea. Na cava eso na ka eda sotava e vukei keda meda kila kina na loloma ni iVakabula?

  isala wavakavotona

  O ira na sotia “era sa talia e dua na isala e na veiwa-vakavotona, ka vakaisalataki koya kina” (Marika 15:17).

• Na iyaloyalo ena rawa ni vukei ira na lewe ni kalasi mera raitayalotalotaka na veika era wilika ena macawa oqo. Sa rawa mo wasea vakailawalawa na kalasi ka lesia ki na ilawalawa yadua e dua na iyaloyalo (raica na “iKuri ni iVurevure” me baleta na iyaloyalo vakaturi). Me ra wilika na lewe ni kalasi na tikina e vakamacalataka na veika e vakaraitaki ena iyaloyalo. Mera qai wasea na nodra nanuma kei na vakanananu me baleta na veika a yaco oqo—oka kina na sala e vukei ira kina na iyaloyalo mera kila vakavinaka cake kina na Veisorovaki ni iVakabula. Sa rawa talega mo vakaraitaka na vidio “Jesus Is Condemned before Pilate” kei na “Jesus Is Scourged and Crucified” (ChurchofJesusChrist.org). Vakayaloqaqataki ira na lewe ni kalasi me ra wasea nodra ivakadinadina me baleta na iVakabula kei na Nona Veisorovaki.

Maciu 27:11–60

Era sa raica oti tu mai na parofita ni gauna makawa na vakararawataki kei na Vakakoti e Kauveilatai ni iVakabula.

• Era tukuna taumada na parofita ni gauna makawa e vuqa na veika a yaco ena iotioti ni vica na iotioti ni Nona auwa na iVakabula. Dua na sala me ra vukei kina na kalasi me ra raica oqo sai koya me soli vei ira yadua e dua se sivia na ivolanikalou ena “iKuri ni iVurevure” ka kerei ira me ra raica na tikina ena Maciu 27 ka vakaraitaka na kena sa mai yaco na ivolanikalou oqo. Sa rawa mo cakava e dua na lavelave e veisotari kei na parofisai kei na kena sa mai yaco. Ena vaqaqacotaka vakacava na noda vakabauti Jisu Karisito na parofisai oqo?

Maciu 27:27–49; Marika 15:16–32; Luke 23:11, 35–39; Joni 19:1–5

Na veisaqasaqa ena sega ni tarova rawa na cakacaka ni Kalou.

• Me vukei ira na lewe ni kalasi mera sotava ena yalodina na veisaqasaqa ni ra bula dina tiko kina nodra vakabauta, sa rawa mo sureti ira mera wilika na tikina eso e vakamacalataka tiko na veivakacacani a sotava na iVakabula (raica na Maciu 27:27–49; Marika 15:16–32; Luke 23:11, 35–39; Joni 19:1–5). Na cava eda vulica mai na veika a tukuna kina na iVakabula ka rawa ni vukei keda me da vorata na veisaqasaqa? Na ivakaraitaki cava tale ni sotava na veisaqasaqa e rawa ni vukei keda? (Raica, me ivakaraitaki, Josefa Simici—Ai Tukutuku 1:24–25.)

Luke 23:34–43

E solia vei keda na iVakabula na inuinui kei na veivosoti.

• Ena iotioti sara mada ga ni Nona gauna, a tomana tikoga na iVakabula me solia na inuinui kei na veivosoti. Vakasamataka na sala eso me vakauqeti ira kina na lewe ni kalasi me ra muria na Nona ivakaraitaki. Sa rawa mo kerea na veimama ni kalasi me ra wilika na Luke 23:34–38 (oka kina na ivakamacala e botona ni tikina e 34,c , e veivakararamataki tiko kina na iVakadewa ni Josefa Simici) ka me wilika na ikarua ni veimama na Luke 23:39–43. Sa rawa mera wasea na lewe ni kalasi na veika era sa vulica baleta na iVakabula mai na nodra veitikina lesi. E rawa vakacava ni da vakamuria na ivakaraitaki ni Vakabula?

ivakatakilakila ni ivurevure

iKuri ni iVurevure

iYaloyalo ni nona vakacacani, vakararawataki, kei na mate i Jisu.

• Pilate Washes His Hands (ChurchofJesusChrist.org; Maciu 27:11–25)

• Christ with a Crown of Thorns (ChurchofJesusChrist.org; Maciu 27:26–31)

• Jesus Carries His Cross (ChurchofJesusChrist.org; Joni 19:13–18)

• The Crucifixion (ChurchofJesusChrist.org kei na Gospel Art Book, naba 57; Luke 23:33–46; Joni 19:23–37)

• Burial of Jesus (ChurchofJesusChrist.org kei na Gospel Art Book, naba 58; Joni 19:38–42)

Na ivolanikalou era a parofisaitaka na nona lewai kei na mate nei Jisu Karisito.

• Aisea 53:5, 7

• 1 Nifai 19:9

• Aisea 50:6 .

• Na Same 69:21

• Na Same 22:16

• 1 Nifai 19:10

• Na Same 22:18

• Aisea 53:12.

• Na Same 22: 7–8

• Na Same 22:1

• Aisea 53:9 .

Vakatorocaketaki ni Noda Veivakavulici

Vakaukauwataki mai vua na iVakabula. “Ni ko sasagataka tiko mo bula ka veivakavulici vakataka na iVakabula, ena dau yaco mo guce ena so na gauna. Kakua ni yalolailai; ia, me muataki iko na nomu caka cala kei na malumalumu oqo ki vua na Tamada Vakalomalagi kei na iVakabula” (Veivakavulici ena iVakarau ni iVakabula,, 14).