iOtioti ni Vakayakavi

Na iOtioti ni Vakayakavi,, mai vei William Henry Margetson

5–11 ni Jiune

Joni 14–17

“Dou Tikoga ena Noqu Loloma”

Ni ko vulica ena masumasu na Joni 14–17, vakasamataka vakatitobu na sala vinaka sara mo lomani ira kina o vakavulica tiko. Ena soli vakasama mai na Yalo Tabu ni ko vulica na ivolanikalou, Lako Mai, Mo Muri Au—Baleta na Tamata Yadua kei na Matavuvale , kei na ituvatuva oqo.

ivakatakilakila ni veiwasei

Sureta na Veiwasei

Vola na naba 14 ki na 17 ena vava ni volavola, me matataka na wase ena Joni era a wilika na lewe ni kalasi ena macawa oqo. Sureta e vica na lewe ni kalasi mera vola, e yasa ni naba ni wase yadua, na tikina a vukei ira kina na Yalo Tabu mera kila vinaka se ra veiwaseitaka vakalasi.

ivakatakilakila ni veivakavulici

Vakavulica na iVunau

Joni 14:16–27; 15:26; 16:7–15

Sa vagumatuataki keda na Yalo Tabu meda cakava rawa na noda inaki vakatisaipeli i Jisu Karisito.

• Me vukei ira na lewe ni kalasi mera vulica na itavi duidui ni Yalo Tabu, vakasamataka mo sureti ira me ra wilika e dua se sivia na veimalanivosa oqo: Joni 14:16–27; 15:26; kei na 16:7–15. E rawa ni ra vola ena papa na veika era vulica me baleta na Yalo Tabu mai na veimalanivosa oqo. Sa rawa talega mera vakaraica na veivakararamataki me baleta na Yalo Tabu ena ivolanikalou kei na itukutuku era volai tiko ena “iKuri ni iVurevure.” E sa vakayacora vakacava na itavi oqo na Yalo Tabu ena noda bula? Sa rawa talega mo vakasamataka eso na iyaya se iyaloyalo o rawa ni kauta mai ki na kalasi me vukei ira na lewe ni kalasi mera kila eso na itavi oqo.

• Mo sureta taumada e vica na lewe ni kalasi me ra vulica mai e dua na vosa ni koniferedi raraba e tiko ena “iKuri ni iVurevure” (se dua tale na vosa ni koniferedi raraba era kila tu) e baleta na Yalo Tabu. Kerea mera wasea vakalekaleka ki na kalasi na ka era sa vulica. Na cava era sa kuria na itukutuku oqo ki na veika eda sa vulica baleta na Yalo Tabu mai na Joni 14–16?

O Jisu e vosa tiko vei ira na tisaipeli

Na iOtioti ni Kana Vata, mai vei Clark Kelley Price

Joni 15:1–12

Ni da tiko ga kei Karisito, eda na vuataka na vua vinaka ka reki.

• Sa rawa mo kauta mai e dua na kau lailai (se iyaloyalo ni dua) ki na kalasi ka vakayagataka me vukea na lewe ni kalasi mera raitayaloyalotaka na ivakavuvuli ni iVakabula me baleta na vaini kei na tabana. Ni wiliki oti vakalasi na Joni 15:1–12 sa rawa me veivosakitaki na ibalebale ni “dou tu vei [Karisito]” (Joni 15:4). Mo sureta e vica na lewe ni kalasi me ra wasea nodra raica na Joni 15:5 ni sa dina sara. (Raica talega na itukutuku nei Elder Jeffrey R. Holland ena “iKuri ni iVurevure.”)

Joni 17

Rau sa duavata vakavinaka sara na Tamada Vakalomalagi kei Jisu Karisito.

• Ena dredre beka mo vakavulica na dina bibi taucoko e tiko ena Joni 17 ena gauna ni veiwasei ni kalasi, ia oqo e dua na sala mera vukei na kalasi mera vakadikeva e vica vei ira. Vola ena vava ni volavola na vakasama mai na Joni 17, me vakaoqo:

  • Na noda veimaliwai kei Jisu Karisito

  • Na veimaliwai i Jisu Karisito kei na Tamana

  • Na noda veimaliwai kei ira e vuravura

  • Na noda veimaliwai vakai keda yadua na Nona tisaipeli

  Sureta na lewe ni kalasi yadua mera digitaka e dua na vakasama oqo ka wilika na Joni 17, ka vakasaqara na tikina e tukuna tiko. Kerea e vica na lewe ni kalasi mera wasea na ka era sa vulica.

  E vakayaco-ka vakacava na noda veimaliwai vata kei na Kalou ena noda veimaliwai vakai keda? E vakayaco-ka vakacava na noda veimaliwai vakai keda ki na noda veiwekani kei na Kalou?

ivakatakilakila ni ivurevure

iKuri ni iVurevure

Na Yalo Tabu.

• Cakacaka 2:37–38; Kalatia 5:22–23; 1 Nifai 10:17–19; 2 Nifai 32:3–5; Mosaia 3:19; 3 Nifai 27:20; Moronai 8:26; 10:4–5; Vunau kei na Veiyalayalati 8:2–3; 42:17

• Henry B. Eyring, “Me Tiko kei Kemuni na Yalona,” Liaona, Me 2018, 88.

• David A. Bednar, “Ciqoma na Yalo Tabu,” Liaona, Nove. 2010, 94–97

• Michelle D. Craig,“Rawaka Vakayalo,” Liaona, Nove. 2019, 19–21

Tiko Ga Kei Karisito

Me kilai tiko ni vosa na tiko ga e sema tiko ki na tudei kei na dinata, ka vakavulica kina o Elder Jeffrey R. Holland:

“Na vakasama ni [vosa] oqo sai koya na ‘tiko kina—ia na tiko vakadua Lako mai, ia lako mai mo mai tiko vakadua. Lako mai ena dina kei na gumatua.

“E kaya o Jisu, ‘Ke dou sa tawase tani vei au, dou sa sega ni rawata e dua na ka’ [Joni 15:5]. Au vakadinadinataka ni o ya na dina ni Kalou. O Karisito sa veika taucoko ena noda bula, meda ‘tiko ga’ vakadua, tudei, sega ni yavalati, kaukauwa, ka tawamudu kei Koya. Ni gadrevi me buroro ka vakalougatataki keda na vua ni kosipeli, e dodonu meda sema kaukauwa Vua, na noda iVakabula kece, kei na Nona Lotu oqo, sa vakatokai ena Yacana tabu. Sai Koya na vaini ni noda ivurevure dina ni kaukauwa kei na ivurevure duadua ga ni bula tawamudu. Mai Vua eda na sega walega ni gumatua kina ia eda na rawa-ka ka qaqa ena inaki tabu oqo eda na sega ni vakadrukai kina” ” (“Mo Ni Tu Vei Au,” Liaona, Me 2004, 32).

Vakatorocaketaki ni Noda Veivakavulici

Sureta na Yalo Tabu. “Ia sa rawa meda iyaya ni cakacaka ena liga ni Kalou meda vukei ira na Luvena mera vuli mai vua na Yalotabu. Me caka oqo, eda na sureta na veivakauqeti ni Yalotabu ki na noda bula ka vakayaloqaqataki ira eda vakavulica mera cakava vakakina. … Na sere ivakatagi vakalou, na ivolanikalou, nodra vosa na parofita edaidai, na vakaraitaki ni loloma kei na ivakadinadina, kei na veigauna ni vakanananu vakatitobu sa rawa kece me sureta mai na Yalo” (Veivakavulici ena iVakarau ni iVakabula,,10).