Baro a Tulag 2023
Hunio 19–25. Mateo 27; Marcos 15; Lucas 23; Juan 19; “Natungpalen”

“Hunio 19–25. Mateo 27; Marcos 15; Lucas 23; Juan 19: ‘Natungpalen,’” Umaykayo, Sumurot Kaniak—Para iti Sunday School: Baro a Tulag 2023 (2022)

“Hunio 19–25. Mateo 27; Marcos 15; Lucas 23; Juan 19,” Umaykayo, Sumurot Kaniak—Para iti Sunday School: 2023

Ni Cristo iti sanguanan ni Pilato

Ecce Homo, ni Antonio Ciseri

Hunio 19–25

Mateo 27; Marcos 15; Lucas 23; Juan 19

“Natungpalen”

Rugiam ti panagsaganam a mangisuro babaen ti nainkararagan a panangbasam iti Mateo 27; Marcos 15; Lucas 23; ken Juan 19. Agbiag a maikari iti Espiritu tapno nabileg a makapagsaksika iti Mangisalakan ken iti Pannubbotna.

icon iti panagbibinninglay

Yawis ti Panagbibinninglay

Awisem ti tunggal miembro ti klase a pumili iti maysa a kapitulo manipud iti babasaen itoy a lawas ket mangbubos iti sumagmamano a minuto a mangamiris iti daytoy, a mangsapsapul iti maysa a balikas, maysa a ragup ti balikas [phrase], wenno maysa a detalye a mangisuro kadakuada iti maysa a banag a napnuan kaipapanan maipapan iti Mangisalakan ken ti misionna. Ikkam ida kadagiti gundaway a mangibinglay no ania ti nasarakanda ken mangilawlawag no apay a napnuan kaipapanan kadakuada daytoy.

icon iti panangisuro

Isuro ti Doktrina

Mateo 27; Marcos 15; Lucas 23; Juan 19

Ti kinatallugod ni Cristo nga agsagaba ti mangipakita iti ayatna para iti Ama ken para kadatayo amin.

  • Tapno matulongan a maawatan ti klasem no kasano a naipakita ti ayat ti Mangisalakan iti panagsagaba ken ipapatayna iti krus, padasen ti maysa nga aktibidad kas iti daytoy: Ikkam ti tunggal miembro ti klase iti papel a sinanpuso, ken awisem ida a mangisurat kadagiti sinanpusoda iti maysa a ragup ti balikas manipud iti 1 Taga Corinto 13:4–7 a mangiladawan iti ayat iti pada a tao [charity]. Kalpasanna kiddawem kadakuada a mangsukisok iti Mateo 27; Marcos 15; Lucas 23; wenno Juan 19 ken mangisurat iti sabali pay a bangir dagiti sinanpusoda ti sumagmamano a bersikulo a mangipakita no kasano nga impakita ti Mangisalakan ti ayatna a nailadawan iti ragup ti balikas a pinilida. Paibinglay kadakuada no ania ti nasarakanda. Ania dagiti padas a nakatulong a maawatantayo ti ayat ti Mangisalakan?

    balangat a siit

    Dagiti soldado ket “naglagada iti sisiit, nga imbalangatda daytoy iti ulona” (Marcos 15:17).

  • Makatulong ti arte kadagiti miembro ti klase a mangiladawan iti panunotda ti sumagmamano a pasamak a nabasada itoy a lawas. Nalabit a mabalinmo a bingayen ti klase iti kada grupo ket ikkam iti maysa a ladawan ti tunggal grupo (kitaen iti “Dagiti Nainayon a Resources” para kadagiti naisingasing a ladawan). Mabalin a basaen dagiti miembro ti klase dagiti bersikulo a mangiladawan iti pasamak a naiparang iti ladawanda. Mabalinda nga iburay dagiti kapanunotan ken kaririknada maipapan kadagitoy a pasamak—karaman no kasano a nakatulong kadakuada ti ladawan tapno nasaysayaat a maawatanda ti Pannubbot ti Mangisalakan. Mabalinmo pay nga ibilang ti panangipabuya kadagiti video a “Jesus Is Condemned before Pilate” ken “Jesus Is Scourged and Crucified” (ChurchofJesusChrist.org). Allukoyem dagiti miembro ti klase a mangiburay iti pammaneknekda maipapan iti Mangisalakan ken ti Pannubotna.

3:19
4:49

Mateo 27:11–60

Nasirmata dagiti nagkauna a propeta ti panagsagaba ken Pannakailansa ti Mangisalakan iti krus.

  • Impadto dagiti nagkauna a propeta dagiti adu a pasamak iti maudi nga oras ti Mangisalakan. Maysa a wagas tapno matulongan a makita dagiti miembro ti klase daytoy ket ti panangted iti tunggal tao iti maysa wenno ad-adu pay kadagiti nasantuan a kasuratan iti “Dagiti Nainayon a Resources” ket idawat kadakuada a mangsapulda kadagiti bersikulo iti Mateo 27 a mangipakita no kasano a naipatungpal dagiti nasantuan a kasuratan. Mabalinmo ti agaramid iti tsart a kapada dagiti padto kadagiti pannakaipatungpal dagitoy. Kasano a papigsaen dagitoy a padto ti pammatitayo ken ni Jesucristo?

Mateo 27:27–49; Marcos 15:16–32; Lucas 23:11, 35–39; Juan 19:1–5

Saan a mapasardeng ti oposision ti aramid ti Dios.

  • Tapno matulongan dagiti miembro ti klase a sipupudno a sanguenda ti oposision bayat ti panangibiagda a napudno ti pammatida, mabalinmo nga awisen ida a mangbasa kadagiti bersikulo a mangiladladawan iti pannakaparparigat ti Mangisalakan (kitaen iti Mateo 27:27–49; Marcos 15:16–32; Lucas 23:11, 35–39; Juan 19:1–5). Ania ti masursurotayo manipud kadagiti sungbat ti Mangisalakan a makatulong kadatayo a mangsango iti oposision? Ania pay dagiti dadduma a pagarigan ti panangsango iti oposision a makatulong kadatayo? (Kitaen, kas pagarigan, iti Joseph Smith—Pakasaritaan 1:24–25.)

Lucas 23:34–43

Idiaya ti Mangisalakan kadatayo ti namnama ken pammakawan.

  • Uray kadagiti maudi a kanitona, intuloy ti Mangisalakan ti nangidiaya iti namnama ken pammakawan. Panunotem dagiti wagas a mangparegta kadagiti miembro ti klase a mangsurot iti pagwadanna. Kas pagarigan, mabalinmo nga idawat iti kagudua ti klase a mangbasa iti Lucas 23:34–38 (agraman ti bersikulo 34, footnotec, a mangted iti nalawag a pannakaammo ken pannakaawat [insight] manipud iti Patarus ni Joseph Smith) ken iti sabali pay a kagudua a mangbasa iti Lucas 23:39–43 Mabalin nga ibinglay dagiti miembro ti klase no ania ti masursuroda maipapan iti Mangisalakan manipud kadagiti naituding a bersikuloda. Kasano a masurottayo ti pagwadan ti Mangisalakan?

resources icon

Dagiti Nainayon a Resources

Dagiti ladawan ti pammarparigat, panagsagaba, ken ipapatay ni Jesus.

Dagiti nasantuan a kasuratan a nangipadto maipapan iti pannakausig ken ipapatay ni Jesucristo.

Panangpadur-as iti Panangisurotayo

Mangala iti pigsa manipud iti Mangisalakan. “Kadagiti panagkagumaanmo nga agbiag ken mangisuro nga ad-adda a kas iti Mangisalakan, saanmonto a maliklikan nga agkurangka sagpaminsan. Saanka a mapukawan iti namnama; ketdi, bay-am a dagiti biddut ken pagkapsutam ti mangyasideg kenka iti Nailangitan nga Ama ken iti Mangisalakan” (Panangisuro iti Wagas ti Mangisalakan, 14).