plante pipol long saed blong reva mo oli stap kasem baptaes long reva

Dei blong Pentekos, i kam long Sidney King

3–9 Julae

Ol Wok 1–5

“Nao Bambae Yufala I Mas Go Talemaot Mi”

Sapos yu ridim Ol Wok 1–5 mo lisin blong voes blong Spirit, bae yu kasem insperesen abaot wanem trutok long ol japta ia, bae i helpem ol memba blong klas blong yu, blong oli dipen moa long Tabu Spirit mo stap ol fetful witnes blong Lod Jisas.

serem pikja aekon

Invaetem Ol Memba blong Serem Wanem Oli Gat

I gat plante ves mo ol prinsipol we oli gat mining insaed long Ol Wok 1–5. Wan gudfala wei blong faenemaot wanem i moa gud blong ol memba blong klas blong yu, i blong letem olgeta i talem long yu wanem nao oli fanemaot long stadi blong olgetawan. ?Olsem wanem nao bae yu save invaetem olgeta blong save serem wanem oli faenem? I save wan simpol samting olsem givim olgeta sam minit blong faenem mo serem wan ves long Ol Wok 1–5 we oli filim se voes blong Lod i stap toktok long olgeta.

tijing aekon

Stap Tijim Doktrin

Ol Wok 1:1–8; 2:37–39; 4:1–13, 31–33

Jisas Kraes i lidim Jos blong Hem tru long Tabu Spirit.

• Blong stap rid abaot ol eksperiens blong ol Aposol, i save helpem ol memba blong klas oli luk olsem wanem oli save kasem paoa blong spirit blong i lidim olgeta long ol koling mo wok blong Jos. Wan wei blong luklukbak long ol eksperiens we i stap long Ol Wok 1–5 raetem long bod Tabu Spirit i helpem ol Aposol blong lidim Jos tru long: mo afta, invaetem ol memba blong klas blong lukaotem long Ol Wok 1:1–8; 2:37–39; mo 4:1–13, 31–33, lukaotem o fanem wei blong finisim sentens. Ol memba blong klas oli save serem ol eksperiens we Tabu Spirit i helpem olgeta long ol wei ia. ?From wanem ol aposol oli nidim Tabu Spirit—mo from wanem yumi nidim Hem?

Ol Wok 1:15–26

Ol Aposol blong Jisas Kraes, God nao i singaotem olgeta tru long revelesen.

• Tingting blong invaetem ol memba blong klas blong eksplenem, olsem wanem wan bisnis i save wok, sapos oli jusum blong riplesem wan we i stap long posisen blong eksekutiv. ?Wanem kwalifikesen nao bae oli lukaotem? Askem ol memba blong oli komperem hemia wetem taem oli singaotem Aposol Mathias (luk long Ol Wok 1:15–26; luk tu long 1 Samuel 16:1–13) mo wetem toktok blong Presiden Gordon B. Hinckley long “Sam Moa Risos” i stap tokbaot olsem wanem oli singaotem ol Aposol long tudei. Olsem wanem fasin blong God blong singaotem ol lida i wok wetem fet blong yumi long ol lida ia we Hem i singaotem olgeta? Ol memba blong klas oli save serem olsem wanem oli kasem witnes blong olgeta se ol aposol mo profet blong tedei God nao i singaotem olgeta.

Ol Wok 2:37–47

Tabu Spirit i givim insperesen long yumi blong wok long wanem we yumi lanem.

• Taem ol memba blong klas oli stadi long skripja long hom mo tugeta long klas evri wik, bae oli oltaem filim “gud long hat blong olgeta” (Ol Wok 2:37). Yu maet fil gud blong helpem olgeta i go wan step moa mo askem, “Bae yumi mekem olsem wanem?” (Ol Wok 2:37). Rid long Ol Wok 2:37–47 tugeta, invaetem ol memba blong klas blong lukaotem ol samting we grup blong 3,000 pipol ia oli mekem olsem risal blong invitesen blong Pita. Maet oli save serem tu ol wei we oli bin wok folem insperesen aot long wanem oli lanem tru long tok blong God. Afta yu maet lego sam taem long en blong klas blong wanwan man i askem olgetawan kwestin ia “Wanem nao bae mi mekem?” mo raetemdaon ol filing blong olgeta.

Pita i stap smael mo stap prij wetem ol mak long fes blong hem

Nomata we oli arestem hem mo kilim hem, Pita i no fraet blong prijim gospel. .

Ol Wok 3; 4:1–21; 5:12–42

Taem yumi fulap wetem Tabu Spirit, bae yumi no fraet blong serem gospel.

• Ol memba blong klas oli save lukluk bak long Ol Wok 3; 4:1–21; 5:12–42, lukaotem ol eksampol blong Pita i testifae wetem paoa. O oli save wajem wan long ol vidio ia: “Peter Preaches and Is Arrested,” “Peter and John Are Judged,” o “Peter and John Continue Preaching the Gospel” (ChurchofJesusChrist.org). ?Wanem i mekem yumi no fraet blong serem gospel? (Ol Wok 4:31). ?Olsem wanem Tabu Spirit i mekem yumi no fraet blong serem gospel? Olsem wanem nao kaen fasin ia blong no fraet i defren long taem yumi kros o gat spirit blong raorao? Ol memba blong klas oli maet gat eksperiens blong serem, we olgeta o wan man we oli save long hem i no fraet blong difendem o testifae long gospel.

risos pikja bokis

Sam Moa Risos

Koling blong wan memba blong olgeta long Twelef.

Gordon B. Hinckley i tokbaot proses blong singaotem wan niu Aposol: “Fasin ia i oli praktisim nomo insaed long jos blong Lod. I no gat fasin blong stap lukaotem ofis, i no gat fasin blong trikim man mo traem blong tekem wan posisen wetem fos, i no gat fasin blong vot from wan man we i gat gud mo klin fasin. Komperem wei blong Lod wetem wei blong wol. Wei blong Lod i kwaet, i wei blong pis, i no popula mo i no gat spenem mane from. I no gat fasin blong folem tingting blong wan man nomo, o gat hae tingting, o strong tingting blong wantem tumas. Folem plan blong Lod, olgeta we oli gat responsabiliti blong jusum ol ofisa, i gat wan kwestin nomo we i rulum evriwan kwestin: ‘Huia nao bae Lod i gat? I gat fasin blong mekem samting wetem kwaet mo stret tingting. Mo i gat fulap prea blong kasem konfemesen blong Tabu Spirit se joes hem i stret” (“God Is at the Helm,” Ensign, May 1994, 53).

Kam Antap long Fasin blong Yumi blong Stap Tij

Invaetem hem we i stap lan blong tekem aksen. Tabu Spirit i givim insperesen oltaem long yumi blong save mekem folem wanem yumi stap lanem (luk long Ol Wok 2:37). Taem hemia i hapen long ol pipol we Pita i stap tijim, hem i invaetem olgeta (luk long Ol Wok 2:38). Afta, yu tingting long olsem wanem nao bae yu save folem eksampol blong Pita.