Pol i foldaon long graon

Laef i bin jenis long rod blong go long Damaskes, i kam long Michelangelo Merisi da Caravaggio

10–16 Julae

Ol Wok 6–9

“?Wanem Nao Yu Yu Wantem Mi blong Mekem?”

Stadi long Ol Wok 6–9 mo raetemdaon ol filing mo tingting blong yu. Hemia bae i helpem yu blong kasem revelesen, blong olsem wanem blong save helpem ol memba blong klas blong yu, kam moa kolosap long Jisas Kraes tru long stadi blong olgeta long ol japta ia.

serem pikja aekon

Invaetem Ol Memba blong Serem Wanem Oli Gat

Raetem long bod sam long ol nem blong olgeta ia we oli talem insaed long Ol Wok 6–9, olsem Stiven, Sol, Filip, Ananaeas, Pita, mo Tabita o Dokas. Invaetem sam memba blong klas blong serem wanem oli lanem long wan long ol pipol ia long stadi blong olgeta long wik ia.

tijing aekon

Stap Tijim Doktrin

Ol Wok 7

Taem yu stap blokem Tabu Spirit i save lid i go blong sakemaot Sevya mo ol wokman blong Hem.

• Yu save statem wan storian abaot eksperiens blong Stiven mo invaetem ol memba blong klas blong luklukbak long toktok blong Stiven long Ol Wok 7:37–53. ?Ol toktok blong hem oli gat ol wanem woning long yumi tedei? ?Yu maet wantem blong lukluk nomo fastaem long toktok blong Stiven we i stap long Ol Wok 7:51. Wanem i minim blong “blokem Tabu Spirit”? blong andastanem ol toktok ia i go moa dip, ol memba blong klas oli save toktok raon long moa long ol ves blong ol skripja we i stap ia: 2 Nifae 28:3–6; 33:1–2; Mosaea 2:36–37; Alma 10:5–6; mo Alma 34:37–38. ?From wanem sam taem yumi “blokem Tabu Spirit”? Wanem yumi save mekem blong haremsave smol voes blong Tabu Spirit mo folem?

Ol Wok 8:9–24

OL hat blong yumi i nid blong stap “stret long fes blong God.”

• ?Blong stadi long stori blong Saemon olsem wan klas, yu save raetem kwestin ia long bod Huia I Saemon? ?Wanem nao hem i wantem? mo olsem wanem nao hem i stap traem blong kasem samting ia? Givim long wanwan memba blong klas blong rid long Ol Wok 8:9–24, mo faenem ol ansa blong ol kwestin ia. ?Wanem trutok nao Saemon i no andastanem yet? ?Wanem nao yumi save lanem long eksperiens blong Saemon? ?Olsem wanem yumi save meksua se hat blong yumi oli stap “stret long fes blong God”? (ves 21).

• Long taem blong stadi blong olgetawan, sam memba blong klas maet oli luksave ol kwaliti we Stiven mo Filip i gat we Saemon hem i nogat long hem (luk long aotlaen blong wik ia long Kam Folem Mi—Blong Wanwan Man, Woman mo Famli,). Sapos i olsem, yu save invaetem olgeta blong serem wanem oli faenem. Ol memba blong klas oli save serem tu ol nara eksampol we i stap long Ol Wok 6–9 abaot ol pipol we hat blong olgeta i stap stret long fes blong God, olsem Filip mo man Itiopia (luk long Ol Wok 8:26–40), Sol (luk long Ol Wok 9:1–22), mo Tabita (luk long Ol Wok 9:36–39).

  Pita i mekem Tabita i laef bakegen long ded

  Tabitha Arise [Tabita yu girap], i kam long Sandy Freckleton Gagon

Ol Wok 8:26–39

Tabu Spirit bae i helpem yumi blong lidim ol narawan i go long Jisas Kraes.

• Blong helpem ol memba blong klas oli andastanem olsem wanem oli save lidim ol narawan i go long Jisas Kraes, (luk long Ol Wok 8:31), yu save invaetem tu memba blong klas blong sidaon wan fesem narawan mo ridim toktok blong Filip mo man Itiopia we i stap long Ol Wok 8:26–39. Wan namba tri memba blong klas i save ridim ol pat we i no toktok blong tufala ia. ?Wanem yumi lanem long eksampol blong Filip abaot tijim gospel long ol narafala man?

• Blong lukluk moa long eksampol blong tedei abaot stori we i stap long Ol Wok 8:26–39, ol memba blong klas oli save serem ol eksperiens we oli gat taem oli serem gospel o taem oli joenem Jos. ?Olsem wanem nao Tabu Spirit i helpem olgeta? ?Olsem wanem nao wan i bin stap olsem man blong lidim olgeta? Invaetem ol memba blong klas blong tingting hevi long huia oli save lidim hem i go long gospel.

Ol Wok 9

Taem yumi givim yumi blong mekem samting folem tingting blong Lod, yumi save kam olsem ol tul long han blong Hem.

• Ol memba blong klas oli save lanem ol trutok we oli gat abaot fasin blong jenisim laef blong olgetawan, taem oli stadi long eksperiens blong Sol, wetem trutok ia we evriwan i save sakem sin mo jenis sapos oli wantem. Maet yu save askem ol memba blong klas blong save komperem eksperiens blong Sol wetem eksperiens blong Alma (luk long Mosaea 17:1–4; 18; 26:15–21) mo blong ol man blong Anti-Nifae-Lihae (luk long Alma 24:7–12). ?Wanem Lod i bin mekem blong helpem ol pipol ia oli jenisim laef? ?Olsem wanem nao oli soemaot se oli wantem blong jenis? ?Wanem mesej yumi faenem blong laef blong yumiwan insaed long ol stori ia?

• Blong statem storian abaot eksperiens blong Sol, yu save invaetem sam memba blong klas blong rere bifo, blong oli kam serem wanem oli lanem long wanwan seksen long mesej blong Presiden Dieter F. Uchtdorf “Waiting on the Road to Damascus” (Liahona, May 2011, 70–77). ?Olsem wanem nao yumi stap wet samtaem long rod blong yumiwan long Damaskes? Folem toktok blong Presiden Uchtdorf, ?wanem i save helpem yumi blong harem gud voes blong Lod? Maet yu wantem blong wajem vidio ia tu “The Road to Damascus” (ChurchofJesusChrist.org). Maet ol memba blong klas oli save serem eksperiens blong olgeta taem oli stap lukaotem mo folem wil blong God.

Stap Kam Antap long Fasin blong Yumi blong Stap Tij

Testifae abaot Jisas Kraes. Olsem wan tija yu save helpem ol memba blong klas blong bildimap fet blong olgeta long Sevya, olsem we Filip i mekem blong man Itiopia blong tijim hem wetem tijing blong Aesea (luk long Ol Wok 8:26–37). Blong mekem hemia, yu mas gat fet blong yuwan we i stanap strong long ol eksperiens blong ol skripja. Ol witnes we yu stap serem i save stap olsem wan paoa blong helpem ol testemoni blong ol memba blong klas abaot Jisas Kraes i kam moa strong.