Pol i stap tij antap long hil

24–30 Julae

Ol Wok 16–21

“God I Singaot Mifala, blong Talemaot Gud Nius blong Jisas”

Bifo yu lukluk long aotlaen we i stap, rid long Ol Wok 16–21 mo tingting long ol memba blong klas blong yu taem yu stap rid. Ol aedia we i stap oli save givim moa help long insperesen we yu kasem long Spirit.

serem pikja aekon

Invaetem Ol Memba blong Serem Wanem Oli Gat

Tingting blong invaetem ol memba blong klas blong serem wan ves long Ol Wok 16–21 we i rimaenem olgeta long wan eksperiens we oli gat taem oli stap serem gospel.

tijing aekon

Stap Tijim Doktrin

Ol Wok 16–21

Olsem ol memba blong Jos blong Sevya, yumi testifae long Hem mo serem gospel blong Hem.

• Wan ves we oli save gud long hem long Ol Wok 16–21 hem i we Tabu Spirit i impoten long wok ia blong serem gospel. Olsem wan eksampol, ol memba blong klas oli save rid abaot olsem wanem Tabu Spirit i bin helpem Pol mo Saelas long Ol Wok 16:6–15. ?From wanem yumi nidim Tabu Spirit taem yumi serem gospel? (luk long 2 Nifae 33:1; Doktrin mo Ol Kavenan 33:8–10; 42:14; 100:5–8). Maet ol memba blong klas oli save serem eksperiens blong olgeta taem Tabu Spirit i bin lidim olgeta taem oli traehad blong serem gospel.

• ?Olsem wanem nao ol eksperiens blong Pol i save helpem ol memba blong klas blong gat strong tingting blong serem testemoni blong olgeta taem oli filim spirit? Tingting blong askem wanwan memba blong klas blong luklukbak long wan blong ol stori ia: Ol Wok 16:16–34; 17:16–34; 18:1–11. Askem olgeta blong serem wanem nao oli faenem we i mekem Pol i no fraet mo gat strong paoa long tingting. ?Wanem trutok nao Pol i bin tijim (mo andastanem) we i givim strong paoa long tingting mo fasin blong no fraet long mesej blong hem? ?From wanem samtaem yumi fraet blong serem gospel, mo olsem wanem nao Sevya i stap helpem yumi? Leftemap tingting blong ol memba blong klas, blong tingting long wan wei blong save folem eksampol blong serem moa testemoni blong olgeta abaot Kraes (vidio ia “I’ll Go Where You Want Me to Go” [ChurchofJesusChrist.org] i save help).

Ol Wok 17:16–34

Yumi ol pikinini blong God.

• Long bigfala kaonsel blong ol man Aten, Pol i bin tijim olgeta abaot tru fasin blong Papa long Heven from we oli no save tumas abaot Hem. Blong save long ol tijing ia ol memba blong klas oli save ridim long Ol Wok 17:24–31 mo raetem long bod wanem oli faenem abaot, rilesensip blong yumi wetem Hem, mo rilesensip blong yumi wetem wanwan long yumi. Afta oli save serem eksperiens blong olgeta abaot taem we oli filim toktok ia we Pol i talem se God i “no stap longwe long yumi nating” (ves 27).

• Taem yufala i stap lukluk lon gol ves ia tugeta, tokbaot trutok we oli tijim long ves 29: “Yumi ol pikinini blong God.” Yu save raetem long bod From se yumi ol pikinini blong God, … mo Sapos yumi no save se yumi pikinini blong God, … Invaetem ol memba blong klas blong givim tingting long ol wei blong finisim sentens ia. Eksampol, ?wanem lesen yumi save lanem long ples ia se yumi ol pikinini blong God mo olsem wanem nao yumi mas tritim wanwan long yumi? ?Olsem wanem nao bae laef blong yumi i defren sapos yumi no save tru rilesensip blong yumi wetem God? ?Wanem nao toktok blong Presiden Dallin H. Oaks long “Sam Moa Risos” i ademap moa long ol toktok ia?

  oli holem wan bebi

  Wanwan long yumi i pikinini blong God.

risos pikja bokis

Sam Moa Risos

Yumi evriwan, yumi ol pikinini blong God.

“Famle: Wan Ofisol Toktok I Go long Wol” i serem ol trutok we i no save finis abaot rilesensip blong yumi long God: “Evri famli blong man—man mo woman—oli mekem olgeta folem imej blong God. Wanwan long olgeta hem i wan spirit pikinini boe o spirit pikinini gel blong papa wetem mama long heven we oli laekem olgeta tumas, mo from we oli olsem wan spirit, wanwan long olgeta i gat gudfala fasin mo oli gat bigfala janis blong save kam olsem God.” (ChurchofJesusChrist.org).

Presiden Dallin H. Oaks i bin givim toktok blong yumi lukluk long yumi faswan olsem ol spirit pikinini blong God:

“Stap lukluk gud long fasin blong yuwan. Yu no stap komperem gudfala fasin we yu gat long sam fasin we i blong wol ia nomo. Wan gudfala fasin ia nomo we yumi save komperem yumi long hem, i we yumi ol pikinini boe mo gel blong God. Trutok ia i katemaot evri nara fasin blong man, fasin blong komperem kala blong skin, wanem wok yu gat, ol defren saes yumi gat, fasin blong gat respek, iven ol defren relijin yumi gat. …

“Yumi gat paoa ia blong jusum wanem yumi wantem, mo yumi save jusum wanem yumi wantem komperem yumi wetem. Be, yumi nid blong save se taem yumi jusum blong komperem yumi o presentem yumi wetem sam fasin blong laef we i no go wetem fasin blong laef we i no save finis, yumi stap lusum wanem we i moa impoten abaot yumi, mo yumi stap leftemap wanem we i no impoten tumas long yumi. Hem ia i save lidim yumi i go daon long rong rod mo yumi save lusum progres blong yumi we i no save finis” (“Be Wise” [Brigham Young University–Idaho devotional, Nov. 7, 2006], byui.edu).

Kam Antap long Fasin blong Yumi blong Stap Tij

Invaetem ol yut blong oli stap pat blong lesen blong yu. Sapos yu tijim ol yut, tingbaot se oltaem oli save andastanem wanem ol fren blong olgeta oli stap go tru long hem. Taem wan yangfala i serem testemoni o tijim doktrin, bae i save tajem laef blong ol narawan long wan wei we yu no save talem. Givim ol janis long ol yut blong oli tijim wanwan long olgeta bakegen. (Luk long Teaching in the Savior’s Way, 28.)