Piter ej kōnono ippān Korniliōs

Juļae 17–23.

Jerbal 10–15

“A Naan in Anij ej Eddekḷọk im Orḷọk”

Jar ilo am̧ ekkatak Jerbal 10–15 m̧okta jān riiti unin tōl in enaaj jipan̄ eok bōk im̧we ko jān Irooj. Ļōmņak ko itulaļ rej elmakot wōt.

pija ej bōk jikin kwaļo̧k

Kajjitōk bwe ren Kwaļo̧k

Kajjitōk ippān ro uwaan kūlaaj eo n̄an kwaļo̧k ippān juon eo ej jijet iturin juon men Jetōb eo ekar katakin er ilo aer riiti Jerbal 10–15. Kajjitōk ippān jejjo n̄an kwaļo̧k ļōmņak ko aer ippān aolepān kūlaaj eo.

pija eo ej bōk jikin katakin

Katakin Katak eo

Jerbal 10; 11:1–18; 15:1–25

Jemedwōj Ilan̄ ej katakin kōj line im bar line kōn revelesōn.

• Jet ro uwaan kūlaaj eo emaron̄ wōr aer kōļmenļo̧kjeņ ko rebōd kōn jekjek eo an bōk revelesōn. Emaron̄ in jipan̄ er n̄an ekōnono kōn ekōjkan an revelesōn kar itok n̄an Piter im ekōjkan aer maron̄ wōnm̧aanļo̧k, “jab pere” (Jerbal 10:20), n̄e revlelesōn ejjab āinwōt dedeļo̧k ak jab alikkar. Ļōmņak in jin̄aik juon line ioon boot eo im je juon ilo jabōn line eo Gospel eo ej aikuj kwaļo̧k n̄an Riaelōn̄ ko. Āinwōt juon kūlaaj, etale Jerbal 10 im 11:1–18, Innām kobaik point ko ioon line eo me rej kwaļo̧k ekōjkan an Irooj kar kwaļo̧k n̄an Piter bun̄tōn illo̧k bun̄tōn bwe iien eo ekar itok n̄an kwaļo̧k gospel eo n̄an Riaelōn̄ ko. N̄an waanjon̄ak, kwomaron̄ jino kōn juon point kar je “Korniliōs ekar lo juon visōn” (Jerbal 10:1–6) ak em̧ool jino kōn kakien eo an Rilo̧mo̧o̧r eo n̄an ro Rikaļooran n̄an “kōm̧m̧an (katakin) ri aelōn̄ ko” ilo Matu 28:19. Ta eo jemaron̄ ekkatak kōn revelesōn eo jān en̄jake eo an Piter? Ta eo Nipai ej katakin kōn revelesōn ilo 2 Nipai 28:30 im katak ko jān Elder David A. Bednar ilo “Kein Jipan̄ ko Jet” ej kobaiktok n̄an meļeļe eo ad?

  leddik eo ej riiti jeje ko rekwojarjar

  Revelesōn eo an juon make emakijkij an itok ilo iien ko jān kijejeto eo ejjab bōjrak.

• Kom̧ maron̄ ekkatak waanjon̄ak ko ilo jeje ko rekwojarjar me Irooj ekar katakin armej ro line in bar line. Ilo kakobaba n̄an en̄jake eo an Piter ilo Jerbal 10, ro uwaan kūlaaj eo remaron̄ etale en̄jake eo an Nipai ilo (1 Nipai 18:1–3); Alma (Alma 7:8; 16:20); im Mormon (3 Nipai 28:17, 36–40). Ta waanjon̄ak ko jet ro uwaan kūlaaj eo remaron̄ ļōmņak kaki me armej ro raar bōk tōl ilo jetōb “ijin jidik im ijjuweo jidik”? (2 Nipai 28:30). Etke Irooj emaron̄ kāālet n̄an kwaļo̧k men ko ilo wāween in ijello̧kin letok n̄an kōj uwaak ko ilo juon wōt iien? (lale Katak im Bujen Ko 50:40; 98:12).

• Jet iien membōr ro emaron̄ wōr aer kajjitōk ko ak n̄ūrbōktak ko kōn oktak ko ilo kakien ko im būrookraam̧ ko ilo Kabun̄ in. Emaron̄ in jipan̄ er n̄an ekōnono kōn ekōjkan an revelesōn eo n̄an jino kwaļo̧k gospel eo n̄an Riaelōn̄ ko (lale Jerbal 10) kar bōk jikin naan in kōmeļeļe ko an Irooj m̧oktakļo̧k n̄an ro Rikaļooran (lale Matu 10:1, 5–6). Kwomaron̄ kwaļo̧k pija in alooj eo “The Jerusalem Conference” (ChurchofJesusChrist.org). Ekōjkan an ro uwaan kūlaaj eo maron̄ uwaake juon ilo tōre eo an Piter me ekar jab errā kōn tōl eo an Piter kōnke ekar ainjuon jān iminene ko m̧oktaļo̧k? Ekōjkan an revelesōn eo ilo Jerbal 10 maron̄ jipan̄ kōj ron̄jake wōnm̧aanļo̧k in revelesōn an Irooj kōn rikanaan eo An?

Jerbal 10:9–48

“Anij e jab ļōmņak kōn okōtan armej.”

• Ro uwaan kūlaaj eo am̧ renaaj ke jeraam̧m̧an jān juon iien ekōnono kōn ta meļeļe in n̄an “jab lōm̧ņak kōn okōtan armej”? Kwomaron̄ jino kōn kajjitōk ippān kūlaaj eo n̄an riiti eoon jipan̄ ko an jeje ko rekwojarjar me rej katakin bwe Anij ejjab ļōmņak kōn okōtan armej, ko āinwōt Rom 2:1–11; 1 Nipai 17:34–40; 2 Nipai 26:32–33; Alma 5:33; Moronai 8:12; im Katak im Bujen Ko 1:34–35. Kajjitōk ippān ro uwaan kūlaaj eo n̄an je bōlen meļeļe ko kōn “jab ļōmņak kōn okōtan armej,” pedped ioon ta eo rej riiti, innām kwaļo̧k ta eo raar je. Ekōjkan an iien ko im pedped in katak ko ilo Jerbal 10:34–48 kwaļo̧k bwe Anij ejjab ļōmņak kōn oktak armej ro? Ekōjkan an ro rejim̧we maron̄ in “bōke” im “em̧m̧an ippān” jān Anij em̧ool jekdo̧o̧n E ejjab ļōmņak kōn oktan armej ro? (lale Jerbal 10:34–35; 1 Nipai 17:35).

  Kwomaron̄ aikuj in jipan̄ ro uwaan kūlaaj eo meļeļe bwe “jab ļōmņak kōn okōtan armej” ejjab meļeļe in bwe Anij ej kōjeraam̧m̧an aolep jon̄an wōt juon jekdo̧o̧n ta jerbal ko ad. E ekōņaan bwe aolep ajri ro Nejin ren bōk gospel eo An, bōtaab tarlep in kōjeraam̧m̧an ko an gospel eo rej kakuni n̄an ro me rej kōm̧m̧an im kōjparok bujen ko Ippāņ.

pija ej bōk jikin kein jipan̄ ko

Kein Jipan̄ ko jet

Bōk revelesōn line im bar line.

Elder David A. Bednar ekar katakin: “Elōn̄ iaad emakijkij ad ļōmņak jenaaj bōk juon uwaak ak juon im̧we n̄an jar ko im jab nejej ko ad rem̧o̧ol. Im ilo an barāinwōt emakijkij ad kōtmene bwe kain uwaak eo ak im̧we eo enaaj itok ilo iien eo em̧ōkaj tata im ilo juon wōt iien. Kōn menin, eitok wōt bwe jen tōmak Irooj enaaj letok n̄an kōj juon uwaak kileplep ilo iien eo em̧ōkaj im aolep ilo juon wōt iien. Ijo wōt ke, jon̄ak eo āliji im bar āliji kar kōmeļeļeik ilo jeje ko rekwojarjar ej elmakote bwe jej bōk ‘lain im bar lain, naan in kain̄i im bar naan in kain̄i,’ ak ilo bar juon wāween, elōn̄ uwaak ko reddik ilo juon tōre in iien. Kile im meļeļe jon̄ak in ej juon ki aorōk n̄an bōk im̧we eo im jipan̄ eo jān Jetōb Kwojarjar” (“Line upon Line, Precept upon Precept,” New Era, Sept. 2010, 3–4).

Kōkōm̧anm̧anļo̧k Ad Katakin

Jino kōn jeje ko rekwojarjar. M̧okta jān am̧ oktakļo̧k n̄an kein jipan̄ ko, tiljek ekkatak jeje ko rekwojarjar etto im raan kein. Jar ilo ekkatak naan eo an Anij enaaj kōtļo̧k an Jetōb eo jipan̄ eok pedped ioon ta eo kwar ekkatak ilo am̧ katakin. (Lale Teaching in the Savior’s Way, 12.)