Paul ej katakin ioon bat eo

Juļae 24–30

Jerbal 16–21

“Irooj Ekar Kūr Kōj n̄an Kwaḷọk Gospel eo””

M̧okta jān lale unin tōl eo an wiik in, jar ilo riiti Jerbal 16–21 ippān ro uwaan kūlaaj ilo ļōmņak. Ļoor ļōmņak kein emaron̄ jipan̄ im̧we eo kwoj bōke jān Jetōb eo.

pija ej bōk jikin kwaļo̧k

Kajjitōk bwe ren Kwaļo̧k

Ļōmņak in kajjitōk ippān ro uwaan kūlaaj eo n̄an kwaļo̧k juon eoon jān Jerbal 16–21 me ekar kakeememej er kōn juon en̄jake ewōr ippāer ilo kwaļo̧k gsopel eo.

pija eo ej bōk jikin katakin

Katakin Katak eo

Jerbal 16–21

Āinwōt ro uwaan Kabun̄ eo an Rilo̧mo̧o̧r eo, jej kam̧ool kōn E im kwaļo̧k gospel eo An.

• Juon ennaan ekanooj aorōk ilo Jerbal 16–21 ej aorōk eo an Jetōb Kwojarjar ilo kwaļo̧k gospel eo. Kōn juon waanjon̄ak, ro uwaan kūlaaj eo remaron̄ riiti kōn ekōjkan an Jetōb Kwojarjar eo kar jipan̄ Paul im Silas ilo Jerbal 16:6–15. Etke jej aikuji Jetōb Kwojarjar eo n̄e jej kwaļo̧k gospel eo? (lale 2 Nipai 33:1; Katak im Bujen Ko 33:8–10; 42:14; 100:5–8). Bōlen ro uwaan kūlaaj eo remaron̄ kwaļo̧k en̄jake ko ke Jetōb Kwojarjar ekar tōl kijejeto ko aer n̄an kwaļo̧k gospel eo.

• Ekōjkan an en̄jake ko an Paul jipan̄ ro uwaan kūlaaj eo wōr peran n̄e rej im̧we n̄an kwaļo̧k naan in kam̧ool ko aer? Ļōmņak in kajjitōk ippān kajjojo ro uwaan kūlaaj eo n̄an etale juon iaan bwebwenato kein: Jerbal 16:16–34; 17:16–34; 18:1–11. Kajjitōk ippāer n̄an kwaļo̧k kein kam̧ool eo rej loe kōn peran eo im dipen eo an Paul. Ta m̧ool ko Paul ekar katakin (im meļeļe) eo me kar leļo̧k n̄an e lōke eo ilo ennaan eo an? Etke jet iien jej pere n̄an kwaļo̧k gospel eo, im ekōjkan an Rilo̧mo̧o̧r eo jipan̄ kōj? Kōketak ro uwaan kūlaaj eo n̄an ļōmņak kōn juon wāween remaron̄ ļoor waanjon̄ak eo an Paul im kwaļo̧k naan in kam̧ool eo aer kōn Kraist en emakijkijļo̧k ( pija in alooj eo “I’ll Go Where You Want Me to Go” [ChurchofJesusChrist.org] can help).

jerbal 17:16–34

Jej ro nejin Anij.

• Ioon Bat in Mars, Paul ekar katakin kōn Jemedwōj Ilan̄ n̄an juon kumi in armej ro me raar jeļā jidik kōn m̧ool in paotok eo an Anij. N̄an etale katakin kein, ro uwaan kūlaaj eo remaron̄ riiti Jerbal 17:24–31 im je ioon boot eo m̧ool ko rej loi kōn Jemedwōj Ilan̄, kadkad eo ad Ippān, im kadkad ko ad ippān doon. Innām remaron̄ kwaļo̧k en̄jake ko me raar en̄jaki m̧ool eo an ennaan eo an Paul bwe Anij ej “jab ettoḷọk jān kōj otemjej” (eoon 27).

• Ilo ami etale eoon kein ippān doon, ļōmņak in ekōnono kōn m̧ool eo kar katakin ilo eoon 29: “Kōj ro nejin Anij.” Kwomaron̄ je ioon boot eo Kōnke jej ajri ro nejin Anij, … im Eļan̄n̄e jej jab jeļā jej ajri ro nejin Anij … Kajjitōk ippān ro uwaan kūlaaj eo n̄an elmakote wāween ko n̄an kadedeļo̧k jāntōj kein. N̄an waanjon̄ak, ta m̧ool eo me kōj ajri ro nejin Anij rej katakin kōj kōn kōj make im kōn wāween eo jej aikuj kōm̧m̧an n̄an ro jet? Ekōjkan an mour ko ad naaaj kar oktak eļan̄n̄e jejjab jeļā kōn kadkad eo ad em̧ool ippān Anij? Ta ennaan eo an Būreejtōn Dallin H. Oaks ilo “Kein Jipan̄ ko Jet” ej kobaitok n̄an iien ekōnono eo?

  nin̄nin̄ eo rej kotake

  Kajjojo iaad ej juon ajri nejin Anij.

pija ej bōk jikin kein jipan̄ ko

Kein Jipan̄ ko jet

Jej aolep ajri ro nejin Anij.

“Baam̧le Eo: Juon Naan in Kean̄ n̄an Laļ in” ej kwaļo̧k m̧ool ko indeeo kōn kadkad eo ad n̄an Anij: “Aolep armej otemjej—em̧m̧aan im kōrā—kōm̧anm̧an ilo nememein wōt Anij. Kajjojo ej juōn jetōb jitōnbōro likao im jiron̄ nejin jined im jemed ilan̄, im, ilo āinwōt, kajjojo ewōr juōn mour kwojarjar im jipadpad ippān” (ChurchofJesusChrist.org).

Būreejtōn Dallin H. Oaks ekar kōnono kōn aorōk eo an lo kōj make m̧oktata im aorōk tata āinwōt ajri in jetōb ro nejin Anij:

“Kanooj mejmej karuo kōn ekōjkan am̧ watōk eok make. Jab watōk ak kwaļo̧k kadkad eo am̧ make kōn jet m̧ōnja ko an jidik wōt iien. Bōnja eo de eo me aikuj watōk kōj ej bwe jej juon ļaddik ak leddik nejin Anij. Bwe m̧ool eo eļapļo̧k jān aolep piktok ko jet, ekoba armej rōt, jerbal, piktok in ānbwin ko, nōbar ko, ak em̧ool jekdo̧o̧n kabun̄ ta. …

“Ewōr ad anemkwoj in kāālet, im jemaron̄ kāālet jabdewōt piktok n̄an kwaļo̧k kadkadid. Bōtaab jej aikuj in jeļā bwe n̄e jej kāālet n̄an kwaļo̧k kadkadid make ak n̄an jutak kōn kōj make kōn jet piktok ko me an jidik wōt iien ak eo ejjab aorōk ilo jekjek ko an indeeo, jej kōjaorōkļo̧k ta eo eļap tata an aorōk kōn kōj, im jej kakilepļo̧k ta eo ej bwe an jaorōk. Menin emaron̄ in tōl laļļo̧k kōj n̄an iaļ eo ebōd im kankekeikļo̧k eddōkļo̧k eo ad indeeo” (“Be Wise” [Brigham Young University–Idaho devotional, Nov. 7, 2006], byui.edu).

Kōkm̧anm̧anļo̧k Ad Katakin

Kajjitōk ippān jodikdik ro bwe ren m̧ōttan katak eo am̧. Eļan̄n̄e kwoj katakin jodikdik ro, keememej bwe emakijkij aer maron̄ meļeļe men ko ro m̧ōttaer rej dibuki. N̄e juon armej edik ej kwaļo̧k naan in kam̧ool ak ej katakin katak eo, jodikdik ro jet remaron̄ in m̧weiur ilo juon wāween me kwojjab maron̄ bar kōm̧m̧ane. Leļo̧k iien ko rem̧m̧an n̄an jodikdik ro n̄an katakin doon. (Lale Teaching in the Savior’s Way, 28.)