“Turai 31–Aokati 6. Mwakuri 22–28: ‘Te Minita ao te Tia Kakoaua,’” Nakomai, Iriirai—Ibukin te Reirei n Tabati: Te Nu Tetemanti 2023 (2022)
“Turai 31–Aokati 6. Mwakuri 22–28,” Nakomai, Iriirai—Ibukin te Reirei n Tabati 2023
Turai 31–Aokati 6
Mwakuri 22–28
“Te Minita ao te Tia Kakoaua”
Wareka Mwakuri 22–28 ma te tataro inanom are e na kona te Tamnei ae Raoiroi ni kairiko nakon atakin te bwai ae ko kabanea am iango iaona ae na buokiia kaain am kiraati. Koroi bwaai aika a roko n am iango; a kona bwaai aikai n riki bwa moan am babaire ibukin am angareirei.
Kaunga te Tibwatibwa
Tuangiia kaain te kiraati bwa a na korea te kibu man booki aika tabu man Mwakuri 22–28 are e anai nanoia n te wiiki aei. Rikoi aia kaeka ao bootaki ni wareki tabeua kiibu. Tuangiia tabeman kaain te kiraati bwa a na tibwauaia bwa bukin tera a uaana kiibu aikai nakoia.
Reirei te Reirei
Te koaua bon kaotakin te koaua ae boboto iaon am taneiai ke am koaua.
-
Ana koaua Betero nakon Beteto ao te Uea Akeriba e kona n reke bwa te tai ni maroroakina nanon kaotan te koaua. Ko kona n tuangiia kaain te kiraati bwa a na rinanon Mwakuri 22:1–21 ke 26:1–29. Tera ae ti reiakinna man ana banna ni katooto Bauro iaon kaotakin te koaua? Tera reirei riki tabeua iaon kaotakin te koaua ae ti reiakinna man ana rongorongo Beretitenti M. Russell Ballard inanon “Bwaai n Ibuobuoki Riki Tabeua”? Anenean ke katangan te anene “Testimony” (Boki n Anene, nambwa. 137) e kona ni kaoa te tamnei nakon am marooro.
-
E ngae ngke e aki ukoukora te koaua n te tamnei Bauro iaon kawaina nako Tamateko, e kabanea nikiran maiuna ni mwakuri ni kateimatoa ao ni kamanoa ana koaua (taraa Mwakuri 22:10, 14–16; 26:19). Ana banna ni katooto Bauro e kona ni buoka am kiraati ni kaotaia bwa karekean te koaua e tangira te mwakuri ao te anganano. Ni moana te marooro iaon aei, a kona kaain te kiraati ni kabwarabwara ana kekeiaki teuanne ke neienne n riki bwa te tia katangitang, te tia korotamnei, ke te tia takakaro ae mwatai. E kanga karikirakean te aeka n rabakau anne n ti tebo ma karekean ao kakorakoraan te koaua? Tera mwakuri aika ti riai ni karaoi bwa ti aonga ni karekea ao ni kakorakora te koaua? (taraa naba Aramwa 5:46).
Iai tabera ni karaoa te mwakuri n ibuobuoki nakoia tabeman.
-
Te Uea e wetea Bauro bwa e na riki bwa “te tia taekini bwaika ko nori” (Mwakuri 26:16), ma tera ae nanonaki n te taeka aei? Ni buokiia kaain te kiraati bwa a na ukoria bwa a na kanga ni kona n ibuobuoki nakoia tabeman, ma ke n akea raoi te mwakuri ae baireaki, ko kona ni koroia iaon te burakibooti te titiraki n aron Tera ae nanonaki n te mwakuri n ibuobuoki? Tuangiia kaain te kiraati bwa a na ukeri kaeka inanon bwaai n ibuobuoki aikai: Mataio 20:25–28; Mwakuri 26:16–18; 3 Nibwaai 18:29–32; Jean B. Bingham, “Ibuobuoki n Aron are e Karaoia te Tia Kamaiu,” Riaona, Meei 2018, 104–7. Ngkai a tibwaua te bwai ae a kunea, kaungaia bwa a na maroroakin kawai aika ti kona ni bane iai ni karaoa te mwakuri n ibuobuoki nakoia tabeman, n raonaki ma nakoara n te Ekaretia. Ko kona naba n kaota te witeo “The Miracle of the Roof” (ChurchofJesusChrist.org).
Ngkana ti ongora nakoia ana burabeti te Uea, E na kairiira ao ni kamanoira man te buakaka.
-
Tuangiia kaain te kiraati bwa a na taetae iaon ana kaeka are mataniwiin are tebubua ngke e taetae ni burabeti Bauro ae te mwananga aei e na “kamamate” ao e na kabua ni bwai (taraa Mwakuri 27:10–11). Bukin tera e a tia mataniwiia are tebubua ni kaeka n te kawai aei? A kona kaain te kiraati n tibwaua te bwai are a na kaman tia n taekinna nakon mataniwiia are tebubua bwa e na buokia ni kakoaua a na taetae ni burabeti Bauro. Tera reirei riki tabeua aika ti kona n reiakin man Mwakuri 27 iaon irakiia ana toro te Uea? Tabeman kaain te kiraati a na kaman tia n reke aia taneiai ngke a ira a na kawai te burabeti e ngae ngke e kaokoro man aia iango aomata irarikiia. Tuangiia tabeman kaain te kiraati bwa a na tibwauai aia taneiai.
Bwaai n Ibuobuoki Riki Tabeua
Te Kaoti Koaua.
E taetae Beretitenti M. Russell Ballard iaon ana koaua Bauro imwain te Uea Akeriba ao e reirei te bwai ae nanonaki ibukira bwa ti na kaota ara koaua:
“Ara bootaki ni kaoti koaua e kainnaoaki bwa e na boboto iaon te Tia Kamaiu, reirein te euangkerio, kakabwaia iaon Kaokan bwaai, ao te angareirei iaon booki aika tabu. Ti kainnanoia n onoi karaki, kabwarabwaraan te mwananga, ao te anga reirei ma koaua aika itiaki. Naake a onimakinaki bwa a na taetae ao n angareirei n ara bootaki a kainnanoaki bwa a na karaoia ma mwaakan taian reirei ake a na ongoraeaki ao n namakinaki, tabekarake te tamnei ao n reireiniia ara aomata. …
“… Ngkai e bon raoiroi kaotakin te tangira ao te kakaitau, kaotan naano aikanne akea inanoia te aeka ni koaua ae na kaunga te onimaki ni maiuia ake tabeman. Kaotan te koaua bon ‘kaotan te koaua man mwaakan te Tamnei ae Raoiroi; ni karaoa te katanoata ae mimitong iaon te koaua ae boboto iaon oin ara atatai ke ara onimaki’ [Kairi nakon booki aika tabu, “Testify,” scriptures.ChurchofJesusChrist.org]. Katanoataan n te koaua ae itiaki e karaoa te kaokoro ni maiuia aomata. Anne te bwai ae bitii naano. Anne te bwai ae kona te Tamnei ae Raoiroi ni kamatoa inanoia natin te Atua” (“Pure Testimony,” Liahona, Nob. 2004, 41).
Kanakoraoan Ara Anga reirei
Katauraoi Imwain te Tai. “Ngkai ko iangoa aron te reirei n te euangkerio are ko reirei iaona bwa e na kakabwaiaiia kaain am kiraaki, iango ao namakin a na roko rinanon nako maium ni katoa bong—ngkai ko mwananga nako ni mwakuri, karaoi am mwakuri ni mweengam, ke reitaki ma am utu ao raoraom. Tai iangoia ae am katauraoi ni maiun tamneim bwa kanga te bwai ae ko karekea taina ma te bwai ae kanga ko kakaraoia n tainako” (Anga Reirei n Ana Kawai te Tia Kamaiu, 12).