“Aokati 14–20. I-Rom 7–16: ‘Kataea ana Kai te Buakaka n te Raoiroi,’” Nakomai, Iriirai—Ibukin te Reirei n Tabati: Te Nu Tetemanti 2023 (2022)
“Aokati 14–20. I-Rom 7–16,” Nakomai, Iriirai—Ibukin te Reirei n Tabati: 2023
Aokati 14–20
I-Rom 7–16
“Kataea ana Kai te Buakaka n te Raoiroi”
Wareka I-Rom 7–16, ao korei namakin ake ko karekei iaon aron buokakiia kaain am kiraati n reireiaki man koroboki aika a tabu. Ngkai ko iangoa am namakin, a kona ni kairiko nakon reiakinan waaki ni kakukurei aika kakaawaki.
Kaunga te Tibwatibwa
Iangoia ni wareka I-Rom 10:17 ao 15:4 ao n tuangiia kain am kiraati bwa a na tibwai koroboki aika a tabu man I-Rom 7–16 ake a katea aia onimaki iroun Iesu Kristo ke n anganiia te kantaninga.
Reirei te Reirei
Ti kona n riki bwa “taan uaia ni bwaibwai ma Kristo.”
-
Ngkai Aomata aika Itiaki ni Boong aika Kaitira, ti kakoaua bwa kiibuntaeka aikai n aron “taan ababa iroun te Atua” ao “taan uaia n ababa ma Kristo” nanona bwa man ana ibuobuoki Iesu Kristo, ti kona n riki n ai aron Tamara are i Karawa aon karekei ni kabane ake iai irouna (I-Rom 8:17; taraa naba Reirei ao Berita aika Tabu 132:20–21). Ni buokiia kain te kiraati n nooria bwa e kanga te reirei aei n reiakinaki rinanon nako koroboki aika a tabu, ko kona ni kaoia bwa a na ikatoatoa ke inanon kurubu aika a uarereke ao ni kamatebwai tabeua man koroboki aika a tabu ake a karinanaki inanon “Bwaai ni Ibuobuoki riki Tabeua.” Ngkanne kain te kiraati a kona n tibwa te bwai are a tia n reiakinna ao ni maroroakinna bwa bukin tera e rang kakaawaki te reirei aei.
-
Te kabootau are e anga Beretitenti Dallin H. Oaks n “Bwaai ni Ibuobuoki riki Tabeua” e kona ni buokiia kain te kiraati ni maroroakina arora ni kona ni katauraoi n riki bwa “taan ababa iroun te Atua” (I-Rom 8:17). Tera tabeua “tuua ao reirei” are nanonna Beretitenti Oaks? Tera te bitaki ae e na karikia nakon maiura n atakina bwa ti kona n riki bwa “taan ababa iroun te Atua ao taan uaia n ababa ma Kristo”? (I-Rom 8:17).
“Ai antai ae e na karaureira ma tangirara iroun Kristo?”
-
Te ikotaki I-Rom 8 ni maroro e kona ni karekea te tai ni buokiia kain te kiraati n namakina ana tangira te Tia Kamaiu. Iangoia ni katekea tamnein Iesu Kristo (taraa bwaai aika a kakaawaki n te wiiki aei n Nakomai, Iriirai—Ibukiia Aomata n Tatabemaniia ao Utu) ngkai ko wareka I-Rom 8:18, 28, 31–39 n te kiraati. Ko kona ni kaoia kain te kiraati bwa a na tibwai iango nako ake a tia ni karekei imwiin warekan kiibu aikai. Tabeman a bae n ingainga ni kan tibwaia bwa a kanga ni karekea aia koaua ni koaua ake a kunei ni kiibu aikai.
Ni kabane ana tua te Atua a kaonaki n tua n tangira.
-
Ni buokiia kain te kiraati n nooria bwa a kanga tua ni kabane “ni beebete ni kamatataakiia n” te tua n tangira raom (I-Rom 13:9), kaoia bwa a na karaoia rinanin ni kabane tua ake a kona n iangoia. Ikotaki wareka I-Rom 13:8–10 ao Mataio 22:36–40, ao maroroakinna n te kiraati te reitaki imarenan tangiran te Atua ao kain rarikira ao te ongeaba nakon tua nako ake a karinanaki iaon te burakibooti. E kanga te koaua aei ni bita aron ara iango iaon tua ao te ongeaba? Te katoto, tera ae e nanonaki n te koaua iaon te kantaninga ibukin tua nako?
“Ma ngaia ae … ti na tai kabuakaka.”
-
N anganiia tabeua kanoan I-Rom 14, ko na bae ni kamatata bwa aika Itiaki i Rom a kairirbai imarenaia ibukin kateia tabeua, n aron aroia n amwarake ao karaoan bong ni motirawa. Tera aekakin aro aikai aika ti kaitarai ni bong aikai? Tao kain te kiraati a kona n rinanon I-Rom 14 ao n anganiia teuana te kabwarabwara ae uarereke n ana reirei Bauro. Tera te reirei ae ti kona n tibwaia imarenara n aron totokoan te kabuakaka? Tao kain te kiraati a kona ni karekei iango man ana rongorongo Beretitenti Dieter F. Uchtdorf “Taan Nanoanga A Karekea te Nanoangaki,” Riaona, May 2012, 70–77.
Bwaai n Ibuobuoki Riki Tabeua
Karekean “ni kabane ake iroun [te] Tama” (Reirei ao Berita aika Tabu 84:38).
-
“Becoming Like God” (Gospel Topics, topics.ChurchofJesusChrist.org)
Beretitenti Dallin H. Oaks e taekina te kaikonaki aei:
“Te karo ae kaubwai e ataia bwa ngkana e angan natina kaubwaina ao e tuai ni karekea te rabakau ao n ikawai, bwaai ake e karekei a na bon aki boongana. E taku te karo nakon natina:
“‘Ni kabane bwaai ake I tangiria n anganiko—tiaki tii kaubwaiu, ma bon nakoau ao kinakiu ibuakoia aomata. Bwaai ake I karekei I kakai anganiko, ma bwaai ake I irou ko riai ni karekei ibon iroum. Ko na tau ni bwaibwai man reiakinan bwaai ake I a tia n reiakin ao man maiuakinan ake I a tia ni maiuakin. N na anganiko tua ao reirei ake Ia tia ni karekea iai rabakau ao ikawaiu. Kakairi irou, ao karekei bwaai ake I a tia ni karekei, ao ko na riki n ai arou, ao au bwaai ni kabane a na riki bwa am bwai ’” (“The Challenge to Become,” Ensign, Nov. 2000, 32).
Kanakoraoan Ara Anga Reirei
Kakaei bwaai n ibuobuoki ni boutokaa te tua. N raonaki ma iango n angareirei ake a taekinaki ikai, ko kona ni karakai waaki ni kakukurei man bwaai aika a kakaawaki n te wiiki aei n Nakomai, Iriirai—Ibukiia Aomata n Tatabemaniia ao Utu ni kabonganai n am kiraati. (Taraa naba Teaching in the Savior’s Way, 17–18.)