Bauro ngke e reirei iaon te maunga

Turai 24–30

Mwakuri 16–21

“E boni Weteira te Atua bwa Ti na Tataekina te Euangkerio Nakoia”

Imwain tarakin te botoniango aei, tataro mwaaka wareka Mwakuri 16–21 n iangoia kain am kiraati. Iango aikai a kona n raona te wirikiriki are ko karekea mairoun te Tamnei.

te aikaon ibukin te tibwatibwa

Kaunga te Tibwatibwa

Iangoia ni kaoia kain am kiraati bwa a na tibwa te kibuntaeka man Mwakuri 16–21 are e kauringiia namakin are a tia ni karekea n tibwakin te euangkerio.

te aikaon ibukin te anga reirei

Reirei te Reirei

Mwakuri 16–21

Ngkai kain ana Ekaretia te Tia Kamaiu, ti kakoaua Ibukina ao ti tibwa Ana euangkerio.

• Teuana te rongorongo ae kakaawaki ni Mwakuri 16–21 bon kakaawakin te Tamnei ae Raoiroi n tibwaan te euangkerio. Teuana te katoto, kain te kiraati a kona ni wareka aron te Tamnei ae Raoiroi ni buoka Bauro ao Tira Mwakuri 16:6–15. Bukin tera ti kainnanoa te Tamnei ae Raoiroi ngkana ti tibwaua te euangkerio? (taraa 2 Nibwaai 33:1; Reirei ao Berita aika Tabu 33:8–10; 42:14; 100:5–8). Tao kain te kirati a kona n tibwa te taneiai ngke e kaira aia mwakuri te Tamnei ae Raoiroi n tibwa te euangkerio.

• E na kanga ana taneiai Bauro ni buokiia kain te kirati ni karekea te ninikoria ngkana a wirikirikinaki bwa a na tibwa aia koaua? Iangoia n tuangiia kain te kiraati bwa a na rinanon teuana man rongorongo aikai: Mwakuri 16:16–34; 17:16–34; 18:1–11. Tuangiia bwa a na tibwa te kakoaua are a kunea man ana ninikoria Bauro ao tatauraoina. Tera te koaua are e rerei iai Bauro (ao otana) are e anganna te tauraoi n ana rongorongo? Bukin tera ngaira n tabetai ti rawa n tibwa te euangkrio, ao e kanga te Tia Kamaiu ni buokiira? Kaungaia kain te kiraati bwa ana iangoa te kawai teuana are a kona iai n ira ana banna ni katoto Bwauro ao n tibwa aia koaua iroun Kristo n ae mwaiti riki (the video “I’ll Go Where You Want Me to Go” [ChurchofJesusChrist.org] e kona n ibuobuoki).

Mwakuri 17:16–34

Ngaira natin te Atua.

• Ni maungan Mati, Bwauro e reirei taekan Tamara are i Karawa nakoia te kurubu n aomata ake e karako ataakin raoi te Atua ni koaua irouia. N rinanon reire aikai, kain te kiraati a kona ni wareka Mwakuri 17:24–31 ao ni korei iaon te burakibooki koaua ake a kunei n taekan Tamara are i Karawa, ara reitaki ma Ngaia, ao ara reitaki imarenara. A kona ngkanne n tibwa te taneiai are a namakina iai te koaua are e taekinna Bauro are te Atua e “aki raroanako mai irouira n tatabemaniira” (kibu 27).

• Ngkai ko rinanon kiibu aikai n ikotaki, iangoia ni maroroakin koaua inanon kibu 29: “Ngaira natin te Atua.” Ko kona ni koreia iaon te burakibooti ibukina bwa ngaira natin te Atua, … ao Ngkana ti aki ataia ae ngaira natin te Atua, … Kaoia kain te kiraati bwa a na kona ni kaotinako kawai ake a na kabwanina iai taian tiententi aikai. Te katoto, tera koaua ae ngaira natin te Atua ae reireiniia n arora ao te kawai are ti riai ni karaoia bon imarenara? E na kanga ni bitaki maiura ngkan ti aki ata reitakira ni koaua ma te Atua? Tera te rongorongo mairoun Beretitenti Dallin H. Oaks n “Bwaai ni Ibuobuoki riki Tabeua” ae reitan te maroro aei?

  te ataei ae bwabwakoaki

  Bon natin te Atua ngaira n tatabemanira.

te aikaon ibukin bwaai n ibuobuoki

Bwaai n Ibuobuoki Riki Tabeua

Ngaira ni kabane bon natin te Atua.

“Te Utu: Te Katanoata nakon te Aonaaba” e tibwai koaua aika akea tokiia ibukin ara reitaki ma te Atua: “Aomata ni kabane—mwane ao aine—a karikaki ni katotongan te Atua. Ngaira n tatabemanira nako bon naati mwaane ao aine aika tamnei aika a tangiraki irouia ara karo ake i karawa, ao n aron anne, ngaira n tatabemanira iai arora ae moan te kakawaki ao ni kakannato n te aro n atua.” (ChurchofJesusChrist.org).

Beretitenti Dallin H. Oaks e taekina kakaawakin noorakira moa ao ae kakaawaki riki bwa natin te Atua n tamnei:

“Taratara raoi n aron kateim. Tai kabwarabwarako ke ni kaotiko n anua tabeua aika a kai kamaunaaki. Bon tii anua aika a na kabwarabwaraira bwa bon ngaira nati mwane ao nati aine aika natin te Atua. Te koaua anne e kabwarabwarai ni kabane anua ake tabeua, n raonaki ma reeti, nakoa, tein te rabwata, karinerine, ao bon kainakin te aro. …

“Iai inaomatara, ao ti kona n rinei anua nako ake a na kabwarabwaraira. Ma ti riai n ataia bwa ngkana ti rineia ni kabwarabwaraira ke ni kaotiira n anua tabeua aika aki teimaan ke memeere n taekana ae akea tokina, ti kamemerea aron kakaawakira, ao ti riaon kabwarabwarakira aika aki rang kakaawaki. Aio e kona ni kairiira nakon te kawai ae kairua ao ni kabaenikaia rikirakera ae akea tokina” (“Be Wise” [Brigham Young University–Idaho devotional, Nov. 7, 2006], byui.edu).

Kanakoraoan Ara Anga reirei

Kaoa te roronrikirake bwa e na riki bwa mwakoron am reirei. Ngkana ko reireiniia te roronrikirake, uringnga bwa n tabetai a kona n ota ni bwaai ake a rinanona aia roro. Ngkana te kairake e kaota ana koaua ke e reirei te koaua, kairake ake tabeman a kona n riingaki n te aro are ko aki kona ni manga karaoi. Angan te roronrikirake aia tai n reirei i bon imarenaia. (Taraa Teaching in the Savior’s Way, 28.)