Iesu ngke e taetae nakon Ioane irarikin taari

Kamwarakeia au Tiibu, iroun Kamille Corry

Tuun 26–Turai 2

Mataio 28; Mareko 16; Ruka 24; Ioane 20–21

“E A Uti”

Imwain neweabakin iango n angareirei ake a taekinaki n te kamatata aei, wareka Mataio 28; Mareko 16; Ruka 24; ao Ioane 20–21, ao iangoia bwa a kanga mwakoro aikai ni kona ni kabonganaaki ni kakorakora aia onimaki naake ko reireiniia.

te aikaon ibukin te tibwatibwa

Kaunga te Tibwatibwa

Ni buokiia kain te kiraati n tibwa te bwai are a reiakinna ibon irouia ao n aia kamatebwai n utu, tuangiia bwa a na korea te koaua man katabeaia n te wareware n te wiiki aei are a namakinna bwa ana tibwaia ma “te aonaaba ni kabane” (taraa Mareko 16:15). N tokin te kiraati, tuangiia ngkana iai rakan koaua aika a kunei ake a tangirai n tibwaia.

te aikaon ibukin te anga reirei

Reirei te Reirei

Mataio 28; Mareko 16; Ruka 24; Ioane 20

Ibukina bwa e mangauti Iesu, ngaira naba tina mangauti.

• Kona bae n anganiia kain te kiraati tabeua te mininti n rinanon katabeaia n te wareware n te wiiki aei ao “Te Mangauti” n te Rikitionari n te Baibara ao korei koaua ake a reiakinna ibukin te Mangauti. Anganiia tabeman bwa a tibwa te bwai are a koreia, ao kaungaia kain te kiraati bwa ana katei baia ngkana a ongo bwa temanna e tibwa te koaua are e titebo ma are a koreia. Bukin tera a kakaawaki koaua aikai ibukira? A kanga ni bita ara reitaki? A kanga ni bita ara rinerine?

Ruka 24:13–35

Ti kona ni kaoa te Tia Kamaiu bwa e na “tiku iroura.”

• Ni buokiia kain te kiraati n noora te reitaki imarenan aia taneiai ao aia taneiai ana reirei iaon te kawai nako Emauti, korea tamnein te kawai iaon te burakibooti, ao kaoia kain te kiraati bwa a na korei bwaai ake a kabwarabwaraaki man te rongorongo n Ruka 24:13–35 n iteran te kawai are teuana. Ngkanne, n iteran te kawai are teuana, a kona ni korei kaikonaki ake a noori ibon irouia ngkai taan iriira Iesu Kristo. Te katoto, a kona ni korea “A tauaki mataia” (Ruka 24:16) iaon iteran te kawai are teuana ao N tabetai ti aki kina ana bitaki te Uea inanon maiura n iterana are teuana. Tina kanga ni kaoa te Tia Kamaiu bwa e na tiku iroura?

Kristo are mangauti e kaoti nakoia Abotoro

Iesu e reireina Tooma, “Tai rawa n onimaki, ma kona onimaki” (Ioane 20:27).

Ioane 20:19–29

“A kabwaia akana onimaki ngkana a tuai n norai.”

• Am kiraati n te Reirei n Tabati e kona n riki bwa te tabo ibukiia kain am kiraati ni kakorakoraia imarenaia n aia onimaki ni bwaai ake aki kona n nori. Tao ko kona ni waaki man tuangiia bwa ana kauarerekea te bwai are e rinanona Toma n Ioane 20:19–29. Ko kona naba ni kaota te witeo “Blessed Are They That Have Not Seen, and Yet Have Believed” (ChurchofJesusChrist.org). Kain te kiraati akona naba ni karinani iaon te burakibooti bwaai tabeua ake e tuangiia te Atua bwa a na kakoaua ao a tuai n nooria. Ngkanne ko kona n tuangiia bwa a na tibwa te taneiai are e a tia ni kakorakora aia koaua ni bwaai aikai ao ni kakabwaia ake a tia n roko nakoia ngkai a kamwakura te onimaki.

Ioane 21:1–17

Te Uea e kaoiira bwa ti na kamwarakeia Ana tiibu.

• Tera ae e na kona ni buokiia kain am kiraati ni butimwaea ana kakao te Tia Kamaiu ni “kamwarakeia [Ana] tiibu”? Kona bae ni waaki ni kaoia bwa a na wareka Ioane 21:15–17 ni kainabwabu, n onea mwiin aran Timon ma araia ao “au tibu te teei” ao “au tiibu” ma araia aomata ake a namakinna bwa e tangiiria te Uea bwa a na buokiia—te katoto, aomata ake a buokiia, kain rarikiia, ke aomata ake a kinaia n te mwakuri ke n te reirei. Imwiin tabeua te miniti, kain te kiraati akona n tibwa te namakin are a karekea. Tera ae a reiakinna iroun te Tia Kamaiu man Ana mwakuri n Ioane 21:4–13? Tera ae ti kona ni karaoia ni kamwarakeia ana tibu te teei ao ana tibu te Tia Kamaiu? Te marooro mairoun Unimwaane Neil L. Andersen n “Bwaai ni Ibuobuoki riki Tabeua” ni kona ni kaeka nakon te titiraki aei.

te aikaon ibukin bwaai n ibuobuoki

Bwaai n Ibuobuoki Riki Tabeua

Tina Kanga ni “kamwarakeia [Ana] tiibu”?

Unimwaane Gary E. Stevenson e kabwarabwara bwa tina kanga ni kakoroa bukin ana tua te Uea ni kamwarakeia Ana tibu:

“Antai te tia kawakin tiibu? Bon mwaane, aine, ao ataei n abanuean te Atua taan kawakin tiibu. Akea te wewete ae kainnanoaki. Man te tai are ti waerake man te ran ni babetito, tia anganaki te kariaia nakon te mwakuri. Ti kawariia aomata ma te tangira ibukina bwa anne are e tua te tia Kamaiu bwa ti na karaoia. … Tao ningai are a rotaki kain rarikira ni kangangan te maiu aio ke n tamneia, ti na waekoa ni karekea buokaia. Ti na katoka i aora rawawataia raora, bwa aonga ni beebete. Ti na tang ma ake a tang. Ti karaui nanoia naake a kainnanoa karauan nanoia [taraa Motiaea 18:8–9]. Te Uea n ana tangira e kainanoa aio mai iroura. Ao e na roko te bong are tina bukintaeka iai ibukin tararuakiia Ana Nanai n tiibu [taraa Mataio 25:31–46]” (“Shepherding Souls,” Riaona, Nobembwa 2018, 111).

Kanakoraoan Ara Anga reirei

Kaokoroa aia tai taan kamatebwai bwa a na tibwatibwa. “Ngkana a tia taan kamatebwai n tibwauai bwaai aika a tia ni kamatebwai, a aki tii namakina te Tamnei ao ni kakorakorai aia koaua, ma a kaungaiia naba kain te kiraati tabeman ni kunei koaua i bon ibukiia. … Kaokoroa aia tai ataein te reirei n tibwatibwa ni katoa reirei—inanon tabeua keiti, ko na bae ni kunea bwa marooro aikai bwa te reirei” (Teaching in the Savior’s Way,30).