Bauro ngke e bwaka iaontano

Te Rairaki iaon te Kawai nako Tamateko, iroun Michelangelo Merisi da Caravaggio

Turai 10–16

Mwakuri 6–9

“Tera ae Ko Tangiria Irou?”

Kamatebwaia Mwakuri 6–9 ao korea am namakin. Aio e na buokiko ni karekea te kaotioti are e na buokiiia kain am kiraati ni kaniiko riki nakon Iesu Kristo rinanona aia kamatebwai ni mwakoro aikai.

te aikaon ibukin te tibwatibwa

Kaunga te Tibwatibwa

Iaon te burakibooti, korei araia tabeman aomata ake a taekinaki n Mwakuri 6–9, n aron Tetebano, Tauro, Biribo, Anania, Betero, ao Tabita ke Toreka. Kaoia kain te kiraati tabeman n tibwa te bwai are a tia n reiakinna man teuana mairouia aomata n aia kamatebwai n te wiiki aei.

te aikaon ibukin te anga reirei

Reirei te Reirei

Mwakuri 7

Aki butimwaean te Tamnei ae Raoiroi e kona ni kairi nakon aki butimwaean te Tia Kamaiu ao Ana toro.

• Ko kona ni waakina te maroro iaon te bwai are e rinanona Tetebano man kaoakiia kain te kiraati bwa a na rinanona ana taeka Tetebano n Mwakuri 7:37–53. Baikara kauring ake e taekini ibukira ni boong aikai? Kona bae ni kamwataua ana taeka Tetebano ake e taekini n Mwakuri 7:51. Tera ae nanonaki n “aki totoki n rawa nakon te Tamnei ae Raoiroi”? Ni matata raoi n taeka aikai n ae nano riki, kain te kiraati a kona ni maroroakina teuana ke e mwaiti riki man kibuntaeka aikai: 2 Nibwaai 28:3–6; 33:1–2; Motiaea 2:36–37; Aramwa 10:5–6; ao Aramwa 34:37–38. Bukin tera n tabetai ti “aki totoki n rawa nakon te Tamnei ae Raoiroi”? Tera ae ti kona ni karaoia ni katamaroa riki ni kinaa ao n iriira ana wirikiriki te Tamanei ae Raoiroi?

Mwakuri 8:9–24

Nanora e kainnanoia bwa e “raoiroi riki i matan te Atua te ongo i roumi.”

• Ni kamatebwaia rongorongon Timon n te kiraati, ko kona ni koreia iaon te burakibooti te titiraki Antai Timon? Tera ae e tangiria? ao E kanga ni kataia ni karekea? Katabeia kain te kiraati n tatabemaniia bwa a na wareka Mwakuri 8:9–24, n taratarai kaekan titiraki aikai. Tera te koaua ae e tuai ni matata raoi iai Timon? Tera ae ti kona n reiakinna man ana taneiai Timon? Tina kanga ni kakoaua bwa nanora a “e raoiroi riki imatan te Atua”? (kibu 21).

• N aia tai ni kamatebwai ibon irouia, tabeman kainte kiraati a kona ni korei anua ake a reke iroun Tetebano ao Biribo ake a tuai n reke iroun Timon (taraa kamatata n te wiiki aei n Nakomai, Iriirai—Ibukiia Aomata n Tatabemaniia ao Utu). Ngkana iai, ko kona ni kaoiia bwa a na tibwauai baike a kunei. Kain te kiraati a kona n tibwai tabeua katoto man Mwakuri 6–9 irouia aomata ake eti nanoia imatan te Atua, n aron Biribo ao te mwaane mai Ethiopia (taraa Mwakuri 8:26–40), Tauro (taraa Mwakuri 9:1–22), aoTabita (taraa Mwakuri 9:36–39).

  Betero e kateirakea Tabita man te mate

  Tabitha Arise, iroun Sandy Freckleton Gagon

Mwakuri 8:26–39

Te Tamnei ae Raoiroi e na buokiko ni kairiia aomata nakon Iesu Kristo.

• Ni buokiia kain te kiraati ni matata bwa a na kanga ni kairiia tabeman nakon Iesu Kristo (taraa Mwakuri 8:31), ko na bae ni kaoia uoman kain te kiraati bwa a na tekateka ni kaitara ao ni wareka ana taeka Biribo ao te mwaane mai Itiobia n Mwakuri 8:26–39. Te kateniman are kain te kiraati e kona ni wareka te mwakoro are e aki koreaki taekana. Tera ae ti reiakin man ana katoto Biribo ibukin reiakinaia tabeman taekan te euangkerio?

• N noori katoto n tai aikai n te rongorongo n Mwakuri 8:26–39, kain te kiraati a kona n tibwa aia taneiai are a tia ni karekea n tibwaan te euangkerio ke ni kaainakin te Ekaretia. E kanga te Tamnei ae Raoiroi ni buokiia? E kanga temanna n riki bwa te tia kairiia? Kaoia kain te kiraati bwa a na iangoia bwa antai ae a na kairia nakon te euangkerio.

Mwakuri 9

Ngkana ti butimwaea ana kantaninga te uea, ti kona n riki bwa ana bwai ni mwakuri ni baina.

• Kain te kiraati a kona n reiakina te koaua ae korakora n rairakiia man kamatebwaian ana taneiai Tauro, n raonaki ma te koaua are aomata nako a kona n raira nanoia ao ni bitaki ngkana a tangiria. Ko kona n tuangiia kain te kiraati bwa a na kabotaua ana taneiai Tauro ma ana taneiai Aramwa (taraa Motiaea 17:1–4; 18; 26:15–21) ao Antaai-Nibwaai-Riaai (taraa Aramwa 24:7–12). Tera ae e karaoia te Uea ni buokiia aomata aikai bwa a na rairaki? A kanga ni kaota nanoia ni kan bitaki? Tera te rongorongo ae ti kunea ibukin oin maiura man rongorongo aikai?

• Ni katauraoa raoi te maroro iaon ana taneiai Tauro, kona bae ni kaoia tabeman kain te kiraati bwa ana roko n tauraoi n tibwai bwaai ake a reiakin mai irouia imarenaia man mwakoron ana rongorongo Beretitenti Dieter F. Uchtdorf’ “Tataninga iaon te Kawai nako Tamateko” (Riaona, Meei 2011, 70–77). Ti kanga n tabetai n tataninga iaon kawaira nako Tamateko? Ni kaineti ma Beretitenti Uchtdorf, tera ae e kona ni buokiira n ongo ni bwanaan te Atua? Ko na bae ni iangoia ni mataku n te witeo “The Road to Damascus” (ChurchofJesusChrist.org). Tao kain te kiraati a kona n tibwa aia taneiai ma ukoukoran ao iriiran ana kantaninga te Atua.

Kanakoraoan Ara Anga reirei

Kaota am koaua iroun Iesu Kristo. Ngkai te tia reirei, ko kona ni buokiia kain te kiraati ni katea aia onimaki iroun te Tia Kamaiu, n aron are e karaoia Biribo nakon te mwaane mai Itiobia ngke e reireinna mai iroun Itaia (taraa Mwakuri 8:26–37). Ni karaoan aei, ko riai ni kaman karekea te taneiai ni katean am onimaki iaon koroboki aika a tabu. Te kakoaua are ko tibwaia e kona n riki bwa te kairoro ae mwakaroiroi ni buokiia kain te kiraati ni kakorakoran aia kakoaua iroun Iesu Kristo.