Te Rairaki iaon te Kawai nako Tamateko, iroun Michelangelo Merisi da Caravaggio

Turai 10–16

Mwakuri 6–9

“Tera aeTangiria bwa N na Karaoia?”

Moanna man warekan Makuri 6–9. Te katautau n te kamataata aio e na kona ni buokiko ni kinai tabeua reirei aika a kakawaki inanon mwakoro aikai, e ngae ngke ko kunei tabeua n oin am kamatebwai.

Korei Am Namakin

Ngkana iai temanna te aomata ae taraa n tuai n rairaki, tao aikan titebo ma Tauro—te Bwaritaio are iai anuana ni kan bwainikiriniia Kiritian. Ngaia are ngke te Uea e tuanga te reirei ae arana Anania bwa e na kakaea Tauro ao n anganna te kakabwaia, iai ana atatai Anania ma e rawa. “Te Uea,” e taku, “I ongo taekan te aomata arei irouia aomata aika bati bwa e kabatia bwainikirinakia am aomata ake a itiaki” (Makuri 9:13). Ma te Uea e ataa nanon Tauro ma ana konabwai, ao iai Ana mwakuri inanona ibukin Tauro: “Bwa au bwai ae rineaki teuarei, bwa e na uota arau nako mataia Tientaire, ma uea ao tibun Iteraera” (Makuri 9:15). Ngaia are e a ongeaba Anania, ao ngke e kunea te tia bwainikirinia aomata ngkoa, e weteia “Tauro ae Tariu” (Makuri 9:17). Ngkana e na kona ni bitaki Tauro n ae bwanin e na kona ni butimwaeaki raoi iroun Anania, ngkanne ti na iangoa te aomata temanna ae taraa n tuai n rairaki—n ikotaki ma ngaira?

Iango ibukin te Kamatebwai i bon Iroum ni Koroboki aika Tabu

Mwakuri 6-8

E riai nanou n “eti i matan te Atua.”

Te ekaretia ae rikirake nanona iai te rikirake ae kainnanoaki ibukiia kairake ni beku n te abanuea. Ni kaineti ma Makuri 6:1–5, tera taian anua ae a ukoukoria Abotoro ake Tengaun ma Uoman irouia naake a mwakuri ma ngaiia? Ngkai ko wareka Makuri 6–8, ataia bwa a kanga anaua aikai, ao ake tabeua a kaotaki inanoia aomata n aron Tetebano ao Biribi. Tera ae aki kororaoi iai Timon, ao tera ae ti kona n reiakinna man te tatauraoi ni bitaki?

Iai te bwai teuana ae ko namakinna bwa ko na bitia ni kakoaua bwa nanom “eti i matan te Atua”? (Makuri 8:21–22). E kanga karaoan te bitaki aei ni kakabwaiako ngkai ko beku ibukin te Atua?

Mwakuri 6–7

Totokoan te Tamnei ae Raoiroi e kona ni kairiko bwa ko naaki butimwaea te Tia Kamaiu ao Ana toro.

Taan kairiiri aika Iutaia a bukintaeka ibukin katauraoaia aomata ibukin okin te Meetia. Ao irarikina a kairua n aki kinaa te Meetia ao aki butimwaea. E kanga n riki aio? Mwakoron te kaeka e kuneaki n ana taeka Tetebano: “Kam aki totoki n rawa nakon te Tamnei are Raoiroi” (Makuri 7:51). N am iango tera ae nanonaki n te raarawa nakon te Tamnei ae Raoiroi? Totokoan te Tamnei ae Raoiroi e na kairiko n aki butimwaea te Tia Kamaiu ao Ana toro?

Ngkai ko wareka Makuri 6–7, kakaei tabeua riki rongorongo are a reireinaki iai Iutaia iroun Tetebano. Baikara anua are e anga ana kauring iaona? Iai anua aika ti te arona ma aikai aika ko kunei iroum? Tera ae ko reiakinaki n ana taeka Tetebano mai imwiin totokoan te Tamnei ae Raoiroi? Ko na kanga ni kai kanamakin riki ao ni kaeka nakon ana wirikiriki te Tamnei ae Raoiroi inanon maium?

Taraa naba “The Martyrdom of Stephen” (video), ChurchofJesusChrist.org.

Mwakuri 8:26–39

E na buokai te Tamnei ae Raoiroi ni kairiia aomata nakon Iesu Kristo.

Tera ae ti reiakinna n taekan tibwaan te euangkerio man te rongorongo n Makuri 8:26–39? E na kanga te Tamnei ae Raoiroi ni buoka Biribi? E kanga tibwauaan te euangkerio ma aomata n titebo ma te kairi? (taraa Mwakuri 8:31).

E taku Unimwaane Ulisses Soares bwa te rongorongo aio bon te kauring ibukin te kaetieti mai karawa ni bane ni ukora te reirei ao n reiakina ana euangkerio Iesu Kristo i bon imarenara. … N tabetai ao titebo ngaira ma te Itiobia—ti kainnanoa ana ibuobuoki te tia reirei ae kakaonimaki ao ni kairaki iroun te tamnei; ao n tabetai titebo ngaira ma Biribi—ti riai n reireiniia ao ni kakorakoraia aomata inanon aia tai n rairaki (“How Can I Understand?,” Riaona, Meei 2019, 6). Iangoia kabanea wareka nikiran ana maroro Unimwaane Soares ao iangoia raoi e kanga te Tamnei ae Raoiroi ni buokiko n riki bwa te tia kamatebwai ao te Tia reirei n te euangkerio.

Mwakuri 9

Ngkana I anga Ngai nakon ana kantaninga te Uea, I kona n riki bwa te bwai ni mwakuri i Baina.

Rairakin Tauro taraan ae karina; e waekoa n nako man kamatawarikaia Kiritian nakon taetaekina Kristo n te tinekaoke. Ngkai ko wareka ana karaki, iangoia raoi bukin tera ngkai e rangi n tauraoi nanona ni kan bitaki. (Ni wareka kabwarabwaraan oin rairakin Tauro, Taraa Makuri 22:1–16 ao 26:9–18. Ataia bwa inanon rongorongo aikai, Tauro e aranaki n te ara ae Bauro [taraa Makuri 13:9].)

Ngkai e koaua bwa e aki taneiai te aba n te bwai are e rinanona Tauro—ibukin angiina aomata, te rairaki bon te waaki ae reitinako—iai te bwai ae ko kan reiakinna man rairakin Tauro? Tera ae ko reiakinna man ana mwakuri Anania ao reirei ake tabeman nakon rairakin Bauro? Tera ae kona karaoia ni maiuakin reirei aikai inanon maium? Ko kona ni waaki n titiraki inanon am tataro, n aron ae karaoia Tauro, “Tera ae Ko Tangiria bwa N na KaraoiaI?”

Ngkai ko wareka Makuri 9:36–42, iangoia e kanga Tabita n riki bwa te bwai ni mwakuri i bain te Atua. Tera ae kaungaa nanom ibukin ana katooto?

Taraa naba Dieter F. Uchtdorf, “Waiting on the Road to Damascus,” Liahona, May 2011, 70–77; “The Road to Damascus” (witeo), ChurchofJesusChrist.org.

Iango ibukin Kamatebwai ni Koroboki aika Tabu n te Utu ao te Bootaki n te Tairiki

Makuri 6:8; 7:51–60.Kabotaua rongorongon Tetebano n Makuri 6:8 and Makuri 7:51–60 nakon rongorongon te Tia Kamaiu n Ruka 23:1–46. E kanga Tetebano n ira ana banna ni katooto te Tia Kamaiu?

Makuri 7:51–60.E kanga te Tamnei ae Raoiroi ni kakabwaia Tetebano ngke e bwainikirinaki? Nningai ae ti karekea te korakora mairoun te Tamnei ae Raoiroi inanon taai aika a kanganga?

Mwakuri 9:5.Te prick bon te kainiwai ae bane kakangina ae kabonganaki ibukin te kaeman. N tainako ao taian man a na kona ni bwaka ao n tekeoki ngkana a ewaraki, ike e na karika rinnakon riki te kainiwai inanon irikoia. E kanga te taetae ni kabotau aei ni kaineti nakoira n taai tabetai? Tera ae ti kona ni karaoia ni butimwaea raoi te kaetaki mairoun te Uea?

Tabita Teirake, iroun Sandy Freckleton Gagon

Mwakuri 9:32–43.Iangoia kaoia kaain am utu bwa a na korei tamnein taian karaki n Makuri 9:32–43. Tera ae ti reiakinna n riki bwa ana reirei man taian karaki aikai? E kanga temanna “ae bati ana mwakuri aika raraoi,” n aron Neie Tabita, ni buokiia aomata bwa a na kakoaua te Uea? (taraa Makuri 9:36; “Mwakoro 60: Betero ngke e Kaoka Maiun Tabita” (n Karaki man te Nu Tetemanti, 156–57, ke te witeo ae irekereke mangaia iaon ChurchofJesusChrist.org).

Ibukin iango aika a mwaiti riki ibukiia ataei, taraa te kamataata n te wiiki aei n Nakomai, Iriirai—Ibukin te Moanrinan.

Te anene ae rineaki: “Tao Tiaki Iaon Te Maunga,” Anene n Taromauri, nambwa 270.

Kanakoraoan Am Kamatebwai

Kauaai koroboki aika tabu nakon maium. Ngkai ko wareware, iangoia bwa a kanga karaki ao reirei ni koroboki aika tabu ni uaana nakon maium. N aron te katoto, tera tibwanga aika ko karekei ni beku ibukiia tabeman, n aron are e karaoia Tabita n Makuri 9:36–39?

“Ao a karebana Tetebano, ao ngaia e wetea te Uea, ao e kangai, te Uea ae Iesu, ko na ana tamneiu” (Ana rairairi Iotebwa Timiti, Makuri 7:59 [n Makuri 7:59, bwaai aika a na taraaki mai inano c]).