Turai 17–23

Mwakuri 10–15

“E Rikirake Ana Taeka te Atua ao E Kabatiaki”

Wareka Mwakuri 10–15 ma te karaurau, angan ana tai te Tamnei bwa e na wirikirikin am iango ao am namakina. Tera ae ko na reiakinna inanon mwakoro aikai?

Korei Am Namakin

Inanon Ana tai ni mwakuri iaon te aba, Iesu Kristo e aki toki ni kaewenakoia aomata n aia katei ao onimaki are a maan-taua. E aki toki aio imwin Rierake nako karawa, ngkai E bon reitinako ni kairiiri nakon Ana Ekaretia man kaotioti. Ibukin te katooto, inanon maiun Iesu ao Ana reirei a kabutaa te euangkerio ti nakoia raoia Iutaia. Ma imwiin maten te Tia Kamaiu ao e riki Betero bwa te tia kairiiri n te Ekaretia iaon te aba, Iesu Kristo e kaotia nakon Betero bwa e a roko te tai ibukin te euangkerio ni taetaekinaki nakoia aika tiaki-Iutaia. Te iango n tibwauan te euangkerio ma Tientaire e aki kakuba n te bong aei, ngaia are tera te reirei inanon te rongorongo aei ibukira? Tao teuana te reirei are e bon mena inanon te Ekaretia ngkoa ao ngkai, te Tia Kamaiu ae tatangira e kairiia Ana taan kairiiri (taraa Amota 3:7; Reirei ao Berita Aika Tabu 1:38). Reitinakon te kaotioti bon te kanikina ae bongana ibukin koauan te Ekaretia ae maiu iroun Iesu Kristo. N aron Betero, ti riai ni kukurei n kariaia reitinakon te kaotioti ao ni maiuakinna “man ana taeka ni kabane te Atua” (Ruka 4:4), n ikotaki “ni kabane are [E] tia ni kaotia, ni kabane ma ake E karaoi a kaotaki ngkai,” ao “mwaitin korakoran ao kakawakin bwaai” E na kaotii riki aika“kaineti nakon Abanuean te Atua” (Taekan te Onimaki 1:9).

Iango ibukin te Kamatebwai i bon Iroum ni Koroboki aika Tabu

Mwakuri 10

“Te Atua e bon aki nanonano n tarakin aroia aomata.”

Inanon rooro nako, Iutaia a tia ni kakoaua bwa ngkai ngaiia “kanoan Aberaam,” ke kanoan raoi Aberaam, e nanonaki iai bwa te aomatae kariaiakaki ao n rineaki iroun te Atua (taraa Ruka 3:8). A iangoia bwa ake a “aki itiaki” bon Tientaire ake a bon aki kariaiakaki iroun te Atua. Ni Mwakuri 10, tera ae reireinaki iai Betero iroun te Uea bwa antai “ae kariaiakaki ma ngaia”? (Makuri 10:35). Tera te kakoaua ae ko kunea n te mwakoro aei bwa maiun Korenerio e butimwaeaki iroun te Uea? Iangoia bwa tera ae nanonaki man te kibu n taeka ae “Te Atua e aki nanonano n tarakin aroia aomata” (kibu 34; taraa naba 1 Nibwaai 17:35). Bukin tera e kakawaki ataakin te koaua aei iroum?

N aroia Iutaia ake a buakaka aia taratara nakoia te koraki ake aki nako man ana kanoa Aberaam, ko a tia ni karaoa te bwai teuana ae e ribuaka ke katautau aika akea etiia ibukin temanna ae e kaokoro ma ngkoe? Ko na kanga n tokanikai iaon aroaro aikai? E na bon kakukurei kataakin te waaki ni kakukurei ae beebete ibukin tabebong riki: Ngkana ko reitaki ma temanna, kataia iangoia , “Te aomata aio bon natin te Atua.” Ngkai ko karaoa aei, tera bitaki are ko noori n arom n iango ao n reitaki ma tabeman?

Taraa naba 1 Tamuera 16:7; 2 Nibwaai 26:13, 33; Russell M. Nelson, “Let God Prevail,” Riaona, Nob. 2020, 92–95; “Peter’s Revelation to Take the Gospel to the Gentiles” (witeo), ChurchofJesusChrist.org.

Mwakuri 10; 11:1–18; 15

Tamara are i Karawa e reireinai teutana imwin teutana rinanon kaotioti.

Ngke e noora te mii ni burabeti Betero are e taekinaki n Mwakuri 10, e keiaki ni kan oota iai ma e „“mwaninga nanona “n aki ata [are] nanonaki iai” (kibu 17). Ma te Uea e angan Betero te atatai ae korakora ngkai Betero e ukoria. Ngkai ko wareka Mwakuri 10, 11, ao 15, kinaa bwa e kanga ana atatai Betero ni miina ni burabeti n rikirake teutana imwin teutana. Ko kanga n tia ni ukoria ao ni karekea te atatai ae korakora mairoun te Atua ngkana iai am titiraki?

Mwakuri 10, 11, ao 15 e taekinaki iai taai are ea tia te Uea n kairiia Ana toro rinanon te kaotioti. E na bon ibuobuoki korean bwaai ae ko a tia n reiakin n taekan te kaotioti ngkai ko wareki mwakoro aikai. N aanga raa are te Tamnei e taetae nakoim?

Taraa naba Atuun Rongorongon te Euangkerio, “Kaotioti,” topics.ChurchofJesusChrist.org; Quentin L. Cook, “Kakabwaia n Reitinakon Kaotioti nakon te Buarabeti ao Kaotioti I Bon Iroura Ni Kairi Maiura,” Riaona, Meei 2020, 96–100; “The Jerusalem Conference” (witeo), ChurchofJesusChrist.org.

Mwakuri 11:26

Ngai bon te Kiritian bukina bwa I kakoaua ao I ira Iesu Kristo.

Tera kakawakin taekan te aomata ae e atongaki bwa te Kiritian? (taraa Mwakuri 11:26). Tera ae nanonaki iroum bwa kona kinaaki bwa te Kiritian? Iangoa kakawakin aara. Ibukin te katooto, tera nanon aran am utu iroum? Bukin tera aran te Ekaretia e kakawaki nakoim? (taraa Reirei ao Berita aika Tabu 115:4). Tera ae nanonaki iroum ni katoka iaom aran Iesu Kristo man berita aika tabu? (taraa Reirei ao Berita aika Tabu 20:77).

Taraa naba Motiaea 5:7–15; Aramwa 46:13–15; 3 Nibwaai 27:3–8; Russell M. Nelson, “Aran te Ekaretia ae Eti,” Riaona, Nob. 2018, 87–90.

Iango ibukin Kamatebwai ni Koroboki aika Tabu n te Utu ao te Bootaki n te Tairiki

Mwakuri 10:17, 20.Ti a tia ni karekea te taneiai ni maiuakina te tamnei ao nimanga nanououa n te bwai are ti namakinna ke reiakinna? Tera te ibuobuoki are ti kona n anganiia tatabeman are e na kona ni buokiira n tokanikai n ara nanououa? (Taraa Neil L. Andersen, “Spiritually Defining Memories,” Riaona, Meei 2020, 18–22.)

Mwakuri 10:34–35.Ko na kanga n reireiniia am utu bwa te “Atua e aki inanonano n tarakin aroia aomata”? (Mwakuri 10:34). Tao ko kona ni kaotii tamneiia aomata man aroia aika a kakaokoro ao kateiia ngkai am utu a tabe ni wareki kiibu. A na kanga koaua inanon kiibu aikai ni kanakoraoi ara mwakuri? (taraa, ibukin te katooto, “I’ll Walk with You” [Aia Boki n Anene Ataei, 140–41]).

Mwakuri 12:1–17.Am utu a kona ni karaoa te takakaro n rongorongon Betero ngke e teweaki nako inanon te karabuti ao kaain te Ekaretia a ikotaki ao a tataro ibukina. Ningai ae ko a tia ni kakabwaiaaki man te tataro? Iai temanna ae ti namakinna bwa ti na tataro ibukina, n aron te tia kairiiri n te Ekaretia ke ake ti tangiriia? Tera ae nanonaki n tataro “n aki toki”? (Mwakuri 12:5; taraa naba Aramwa 34:27).

Betero e Kaotinakoaki man te Karabuti, iroun A. L. Noakes

Mwakuri 14.Ngkana ko wareka te mwakoro aei n ikotaki, tabeman kaain am utu kam kona n taui mwiin kakabwaia are a roko nakoia ana reirei ao te Ekaretia. Kain te utu ake tabeman a kona taui mwiin kakaitara ke kataakiia ana reirei are a rinanona. Bukin tera te Atua e kariaia bwaai aika a kangaanga bwa ana riki nakoia aomata aika raoiroi?

Mwakuri 15:1–21.Kiibu aikai a kabwarabwara te aki boraoi inanon te Ekaretia ibukin taekaia ake a rairaki ibukin kainnanoan kawakinan ana tua Mote, n ikotaki ma te korotobibiaki. Tera ae a karaoia Abotoro n taekan te aki boraoi aei? Tera ae ti kona n reiakinna man te katooto aei ibukin aroia taan kairiiri n te Ekaretia ni kaira mwakurin te Ekaretia?

Ibukin riki iango tabeua ibukin reireinakiia ataei, taraa te kamataata n te wiiki aei n Nakomai, Iriirai—Ibukin te MoanrinanI.

Te anene ae e rineaki: “I’ll Walk with You,” Aia Boki n Anene Ataei, 140–41.

Kanakoraoan Ara Anga Reirei

Korea te tamnei. Taian tamnei a kona ni buokiia kaain te utu ni katamnei reirei ao karaki man koroboki aika tabu. Ko kona ni kaoiia kaain te utu ni korea tamnein te bwai are ko warekia, n aron miin ni burabeti Betero n Mwakuri 10.

Aia taneiai Betero ao Korenerio ni kaotaki bwa te “Atua e aki inanonano n tarakin te aomata” (Mwakuri 10:34).