aomata aika mwaiti i mataniwin te karaanga ao bwabetitoaki inanon te karaanga

Bongin te Bentekota, iroun Sidney King

Turai 3–9

Mwakuri 1–5

“Kam Na Riki Bwa Taan Kaotioti Ibukiu”

Ngkana ko kamatebwaia Mwakuri 1–5, te Tamnei ae Raoiroi e kona n kaungako ni kunei koaua are ana ibuobuoki ibukin maium. Korei kiibu are a kakureireko, ao tarai taai ake ko na tibwaia bwa tera ae ko reiakinna.

Korei Am Namakin

Ko a tia n iangoia bwa tera ae e a tia n iangoia ao n namakinna Betero ngke ngaia, ma Abotoro ake tabeman a, “tararake nako karawa” ngke e waerake Iesu nakon Tamana? (Mwakuri 1:10). Te Ekaretia are bon kateaki iroun Natin te Atua ngkai e tiku n ana tararua Betero. Te tabe ibukin kairan te mwakuri “ni kakiritianiia botanaomata ni kabaneia” ngkai a bane irouna(Mataio 28:19). Ma ngkana e namakina te aki tau ke maaku, ti aki kunea kakoauaan anne inanon te boki ae Mwakuri. Tera ae ti kunea bon katooto man kakoaua n akea te maaku ao te rairaki, kamaiuaki man taian kakai, kaotakin maiuakinan te tamnei, ao te rikirake ae kakaawaki n te Ekaretia. Aio bon ana Ekaretia te Tia Kamaiu naba, e teimatoa ni kairaki Irouna. Ni koauana, te boki ae Mwakuri mairouia Abotoro e kona naba n atongaki bwa Ana Mwakuri Iesu Kristo rinanoia Ana Abotoro. Kairaki man kaotinakoana mairoun te Tamnei, Betero ai tiaaki te tia akawa ae akea reireiana are e kunea Iesu irarikin naman Kariraia. Tiaki bon ngaia te mwaane ae korakai rabwatana ngke wiiki mai imwaina e bon tang ni korakai bwa e a tia ni kakea are e bon rang kinaa Iesu mai Natareta.

N te boki ae Mwakuri, ko na wareki taekan Iesu Kristo ao Ana euangkerio. Ko na nooria naba bwa e kanga te euangkerio ni bitiia aomata—ikotaki ma ngkoe—inanon nanomatoaia ana reirei te Atua ae e ataiia a kona n riki iai.

te aikaon ibukin te kamatebwai i bon iroum

Iango ibukin te Kamatebwai i bon Iroum ni Koroboki aika Tabu

Mwakuri 1:1–8, 15–26; 2:1–42; 4:1–13, 31–33

Iesu Kristo e kaira Ana Ekaretia rinanon te Tamnei ae Raoiroi.

Te boki ae Mwakuri e kaotaki inanona aia mwakuri Abotoro ni katea ana Ekaretia Iesu Kristo imwin waeraken te Tia Kamaiu. E ngae ngke Iesu Kristo ai akea iaon te aba, E kaira te Ekaretia man kaotioti rinanon te Tamnei ae Raoiroi. Iangoia bwa e kanga te Tamnei ae Raoiroi ni kairiia taan kairiiri aika boou n ana Ekaretia Kristo ngkai ko rinanon wareware aika imwina: Mwakuri 1:1–8, 15–26; 2:1–42; 4:1–13, 31–33.

Ngkai kaain ana Ekaretia Kristo n te bong aei, ngaira n tatabemanira nako iai katabeara ni mwakurian te kamaiu ao te karietataaki—ni maiuakinan ana euangkerio Iesu Kristo, buokiiaake a kainnano, kaoakiia ni kabane bwa ana nakon Kristo, ao katiteuanaia utu bwa ana a akea tokina (taraa Aeniboki ni Kabuta, 1.2). Tera ae ko reiakinna mairouia Abotoro ake ngkoa ibukin arom bwa ko na kona ni katine iroun te Tamnei ae Raoiroi ni kairan am mwakuri?

Taraa Bible Dictionary, “Tamnei ae Raoiroi.”

Makuri 2:36–47; 3:12–21

Reirei ao otenanti man te euangkerio e buokai n nakon Kristo.

Ko a tia n namakinna “ewaraki [nanom],” n ai aroia Iutaia n tain bongin te Bentekota? (Mwakuri 2:37). Tao ko karaoa te bwai teuana ae ko uringaaba iai, ke tao ko bon ti tangira te bitaki nakon maium. Tera ae ko na karaoia ngkana ko karekei namakin aikai? Ana Betero reirei nakoia Iutaia e kona ni kuneaki n Mwakuri 2:38. Taraia bwa e kanga moan reirei ao otenanti man te euangkerio (ikotaki ma te onimaki, rairannano, bwabetito, ao ana bwaintangira te Tamnei ae Raoiroi—ke tera n taai tabetaia atongaki bwa ana reirei Kristo) n rootia taan rairaki aikai, n aron ae koreaki n Mwakuri 2:37–47.

Ko bon kaman tia ni bwabetitoaki ao ni karekea ana bwaintangira te Tamnei ae Raoiroi, ngkanne ko na kanga n reitinako ni maiuakina ana reirei Kristo? Iangoi taeka aikai mairoun Unimwaane Dale G. Renlund: “Ti kona ni kakororaoaki man kaokiokan … kamwakuran te onimaki iroun [Kristo], rairannano, ti na toa ni kaboui berita aika tabu ao kakabwaia man te bwabetito, ao karekean te Tamnei ae Raoiroi bwa raom n taainako nakon te mwaneka ae tamaroa riki. Ngkana ti karaoia, ti na riki n aekakin Kristo ao ni kona n teimatoa ni karokoa te toki, ni kabane ma ake a kainnanoaki” (“Latter-day Saints Keep on Trying,” Riaona, Meei 2015, 56).

Mwakuri 3:19–21

Tera “taai ni kaboui” ao taai ni kaetakin bwaai”?

“Taai ni kaboui” e kaineti nakon te Mereniam, ngkana e na manga oki Iesu Kristo nakon te aonaaba. “Taai ni kaetii bwaai” e kaineti nakon manga Kaokakin te euangkerio, are e na katauraoa te aonaaba ibukin te Mereniam ke te teuana ni ngaa n ririki.

Mwakuri 3; 4:1–31; 5:12–42

Ana reirei Iesu Kristo a anganaki te mwaaka ni karaoi kakai n Arana.

Te mwaane ae mwaaku e kantaningaia ni karekei mwaane mairouia koraki ake a roko nakon te tembora. Ma ana toro te Uea a anganna riki ae raka. Ngkai ko wareka Mwakuri 3; 4:1–31 ao 5:12–42, iangoia bwa e kanga te kakai are imwiina n rootia aomata aikai:

• Te Mwaane ae Mwaaku

• Betero ao Ioane

• Taan kakoaua n te tembora

• Ibonga aika rietaata ao taan tautaeka

• Tabeman aika Itiaki

Betero e kamaiua te mwaane

Ma ae Iai Irou ao I Anganiko, iroun Walter Rane

te aikaon ibukin te kamatebwai n te utu

Iango ibukin Kamatebwai ni Koroboki aika Tabu n te Utu ao te Bootaki n te Tairiki

Mwakuri 1:21–26.Warekan Mwakuri 1:21–26 e konaa ni buokiia am utu ni maroroakin kakabwaia are a roko ibukina bwa iai Abotoro iaon te aba n boong aikai. Kaain te utu a kona n tibwaia bwa a kanga ni karekea te kakoaua bwa abotoro n te bong aei ao burabeti a bon weteaki iroun te Atua. Bukin tera e kakawaki karekean te kakoaua aei?

Mwakuri 2:37.Tera nanon te kibu n taeka ae “ewaraki inanoia”? Ningai ae ti karekea iai namakinan te bwai teuana ae ai aron aei? Bukin tera e kakawaki n taekinan “Tera ae ti na karaoia?” ngkana ti karekei aekaki n namakin aikai?

Mwakuri 3:1–10.Am utu a na kukurei ni karaoa te takakaro n rongorongo inanon kiibu aikai. Ke ko kona ni mataku n te witeo “Peter and John Heal a Man Crippled Since Birth” (ChurchofJesusChrist.org). E kanga te mwaane n te tembora ni karekea te kakabwaia ae okoro ma are e kantaningaia? Ti kanga n noora ana kakabwaia Tamara are i Karawa n roko nakoira n angaa aika aki kantaningaaki?

Mwakuri 3:12–26; 4:1–21; 5:12–42.Tera ae kakukureiko ibukin taekan aia kakaonimaki Betero ao Ioane? (taraa naba te witeo “Peter Preaches and Is Arrested” on ChurchofJesusChrist.org). Ti na kanga n ninikoria n ara koaua iroun Iesu Kristo? Iangoa buokaia ataei aika kairake ni kataneiaia n tibwaua aia koaua.

Makuri 4:31–5:4.Ti na kanga ni kona ni buokiia ara utu, uoote, ke kaawa bwa a na riki n aron are kabwarabwaraaki n Mwakuri 4:31–37? Tera ae nanonaki bwa te riki “n teuana nanoia ao teuana tamneia”? Tera baika ti kakaraoi n tabetai “[taui] mwakorona iroura” man ara angabwai? Bukin tera karaoan anne ti tebo ti “[kewe] nakon te Atua”? (Mwakuri 5:2, 4). E na kanga te aki kokoaua n roota maiura n tamnei?

Ibukin iango aika a mwaiti riki ibukin reireinakiia ataei, taraa te kamataata n te wiiki aei n Nakomai, Iriirai—Ibukin te Moanrinan.

Anene n Taromauri aika rineaki: “Let the Holy Spirit Guide,” Anene n Taromauri, nambwa 143.

Kanakoraoan Ara Anga reirei

Rinea atuun te reirei. Tuangiia kaain te utu bwa a na ikaruoruo n rinei atuun reirei man Mwakuri 1–5 ni kamatebwaia ni bootaki.

Abotoro a tei irarikiia uoman anera ni kotea karawa

Te Rierake, iroun Harry Anderson