“Tuurai 10–16. Makuri 6–9: ‘Tera ae Ko Tangirai Bwa N na Karaoia?,’” Nakomai, Iriirai—Ibukin te Moanrinan: Nu Tetemanti 2023 (2022)
“Tuurai 10–16. Makuri 6–9,” Nakomai, Iriirai—Ibukin te Moanrinan: 2023
Rairaki ni kawain Tamateko, iroun Michelangelo Merisi da Caravaggio
Tuurai 10–16
Makuri 6–9
“Tera ae Ko Tangirai Bwa N na Karaoia?”
Waaki mani warekan Makuri 6–9. Te kanoa n reirei n te wiki aei n Nakomai, Iriirai—Ibukiia Aomata n Tatabemaniia ao Utu ni buokiko ni kamatebwai mwakoro aikai. Mwakuri ni kauring ibukiia ataei aika uarereke n te kanoa aei e kona ni bitaki ibukiia ataei ake a ikawai riki, ao ai arona naba.
Kaungaa te Tibwatibwa
Korei iaon te burakibooti araia aomata man Makuri 6–9, n aron Tauro, Tetebano, ao Tabita. Kaoiia ataei bwa ana tibwauai bwaai ae a atai iaoia aomata aikai.
Reirei te Reirei: Ataei aika a Uarereke Riki
I kona n Iriira Iesu Kristo nkgna I tei ibukin te eti.
Tera ae ti kona n reiakinna iroun Tetebano n te riki bwa te tia iriira Iesu Kristo?
Waaki ni Kakukurei aika a Kona ni Karaoaki
-
Buokiia ataei ni katea kain te kuna ae taekina rinean te eti n aron “Stand for the Right” (Aia Boki n Anene Ataei, 159). Kabonganaa Makuri 7:51–60 n reireiniia ataei bwa Tetebano e reirei taekan Iesu Kristo,e ngae ngke e kauniia taan kairiiri aika Iutaia (taraa naba “Mwakoro 57: Aomata aika Buakaka A Kamatea Tetebano,” n Karaki man te Nu Tetemanti, 150–51, ke te tamnei ae irekereke n ChurchofJesusChrist.org). Tera ae e karaoia Tetebano n tei ibukin te eti?
-
Tuangiia ataei bwa a na rinanon bwaai ake a na karaoi iai rinerine imarenan te eti ma te kairua. Tuangiia ataei bwa a na tei ibukin te eti.
Te Tamnei ae Raoiroi e kaungaai n tibwaa te euangkerio nakoia aomata.
Biribi e ira ana wirikiriki te Tamnei ao e buoka tei Itobia are e matoa irouna te oota n taian koroboki aika tabu. Tera te reirei man te karaki aei ibukiia ataei ake ko reireiniia?
E reirei Biribi nakon te Itobia, iroun Robert T. Barrett
Waaki ni Kakukurei aika a Kona ni Karaoaki
-
Katomai uoua kaintekateka ni karika te kaa. Kaoiia ataei bwa a na tekateka n te kaa, teuana e tei ibukin Biribi ao are temanna te mmwaane are tei Itobia. Karakina rongonrongon Biribi ngke e reirei te euangkeiro nakon te mmwane mai Itobia.
-
Tibwaa rongorongom ngke ko namakina te Tamnei ae Raoiroi n tibwaa te euangkerio nakon temanna te aomata. Kaota am koaua bwa e kona ni buokiira te Tamnei ae Raoiroi ni kinaa Iesu.
E kaoai Tamara are i Karawa bwa N na rairananou ao ni bitaki.
Ngke e tua Iesu nakon Tauro bwa e na toki man bwainikirinan ana Ekaretia te Uea, e waekoa Tauro n rairananona ao ni bitaki. E na kanga te rongoronngo aei ni buokiia ataei ake ko reirei n bitaki ni waekoa ngkana a karaoa te kairua?
Waaki ni Kakukurei aika a Kona ni Karaoaki
-
Kakimototoa karakinan rairakin Tauro, are koreaki n Makuri 9:1–20 (taraa naba “Mwakoro 59: Saul Learns about Jesus,” n Karaki man te Nu Tetemanti, 154–55, ke te tamnei ae irekereke n ChurchofJesusChrist.org).
-
Maroro ma ataei n aron bitakin bwaai, n aron te man ae uarereken te birakoki, are bitaki ngke e ikawai, ke te nimwatoi, are e bitaki nakon te bwebwe. Kaotii tamneia, ngkana iai. Tera bitakin Tauro ngke e kawaria Iesu Kristo?
-
Korea tamnein te kawai ae bwakeke iaon te burakibooti. Kaoiia ataei bwa a na atong taabo aika a kan roko iai, ao korei iaon te kawai anne. Tera ae e na riki ngkana a toua te kawai ae kairua? Kabotaua te rairanano ma kaetan kawaira.
-
Tuangiia ataei bwa a na kaoka ana taeka Tauro nakon te Uea: “Tera ae ko tangiria bwa N na karaoia?” (Makuri 9:6). Tera ae tangiria te Uea bwa tina karaoia?
Reirei te Reirei: Ataei aika a Ikawai Riki
N na riki bwa te tia kakouaa Iesu Kristo.
Ko na kanga ni buokiia ataei ake ko reireiniia n reirei man ana katooto Tetebano n tei bwa te tia kakoaua iroun Iesu Kristo?
Waaki ni Kakukurei aika a Kona ni Karaoaki
-
Wareka Makuri 6:5–15 ao 7:51–60 ma ataei. Bukin tera ngkai Tetebano bon te tia kakoaua ae korakora iroun Iesu Kristo? Kaoa temanna ke raka riki te ataei bwa angkoa a na riki bwa Tetebano ao tibwaia bwa bukin tera a kakoauaa Iesu Kristo.
-
Kaoiia ataei bwa a na wareka Makuri 6:3–10, kakaei anuan Tetebano are e buokia bwa e na rikirake.
-
Buokiia ataei bwa a na buokiko n iangoi bwaai ake a kona iai n tei bwa taan kakoaua iroun Iesu Kristo ao Ana euangkerio. Buokiia bwa a na karaoa te kaotioti ni bwaai aikai. Tuangiia ataei bwa a na wareka Motiaea 18:9. Katebenako bwa te riki bwa te tia kakoaua ibukin Iesu Kristo bon te berita naba are ti karaoia n te bwabetito.
Te nakoanibonga bon te bwaintangira ae akea kabotauana mairoun te Atua.
Tatan e katanoataa te rongorongo bwa bwain te aonnaba e karika te kukurei. Ko na kanga ni kabongana rongorongon Timon ni buokiia ataei bwa a na ataa kakawakin bwaai aika tabu n aron te nakoanibonga ma kakabwaia?
Waaki ni Kakukurei aika a Kona ni Karaoaki
-
Kakimototoa karakinan Timon, are koreaki n Makuri 8:9–24 (taraa naba “Mwakoro 58: Simon and the Priesthood,” n Karaki man te Nu Tetemanti, 152–53, ke te tamnei ae irekereke n ChurchofJesusChrist.org). Bukin tera ti aki kona ni kabooa te nakoanibonga? E na kanga ni karekea te kariaiakaki n te nakoanibonga te aomata? (taraa Taekan te Onimaki 1:5).
-
Kaota tamnein te bootaki n toa, te tembora (are tei ibukin kakabwaia), te bwabetito, ao tabeua riki kakabwaia ake ti na karekei rinanon te nakoanibonga. Bukin tera bwaintangira mairoun te Atua e aki kona ni kaboaaki n te mwane. Bukin tera kai a kakawaki riki nakon te bwai ae ti kona ni kabooa? Ti na kanga ni karekei kakabwaia aikai?
E kaoai Tamara are i Karawa bwa N na rairananou ao ni bitaki.
Ngke e tua Iesu nakon Tauro bwa e na toki man bwainikirinan ana Ekaretia te Uea, e waekoa Tauro n rairananona ao ni bitaki. E na kanga te rongoronngo aei ni buokiia ataei ake ko reirei n bitaki ni waekoa ngkana a karaoa te kairua?
Waaki ni Kakukurei aika a Kona ni Karaoaki
-
Kaoiia ataei a na rukuma te beeba bwa uoua iterana. Tuangiia bwa a na korea Imwaain ao n iterana are teuana Imwiina n itera. Wareka ma ataei Makuri 8:1–3; 9:1–2; ao 9:17–22, ao tuangiia bwa a na korei taeka ke botantaeka ake a kabwarabwara Tauro imwaain are e noora te Uea.
-
Kaoa temanna kaain te uoote bwa e na tibwaa moan rairakina ao bitakina man rikina bwa kaain te Ekaretia, n aron bitakin maiun Tauro.
-
Korea “kawain Tamateko” n te burakibooti. Kaoiia ataei bwa a na wareka Makuri 9:6, 11, 18, 20–22, ni kakaea bwa tera ae karaoia Tauro ae riai n rairananona n rairaki nakon Kristo, ao korei mwakuri aikai n tamnein te kawai. Tera ae ti reiakinna iroun Taura n aron rikira n ai aron Kristo?
-
Kaoiia ataei bwa a na korei mwakoron te karaki are a mate nanoia iai n rongorongon rairakina ao n tibwaa aia tamnei ma aia kiraati.
Kaungaa te Kamatebwai n te Mweenga
Kaungaia ataei bwa a na tuangiia aia utu aia waaki ni kukurei ae a mamate nanoia iai man te kiraati n te bong aei ao tera reireiaia.
Kanakoraoan Ara Anga reirei
Buokiia ataei n reirei man koroboki aika tabu. Ataei aika a uarereke e na aki bati ae a na kona ni warekia, ma ko kona ni kairiia n te kamatebwai man koroboki aika tabu. Te katooto, ko kona ni wareka mwakoron te kibu ao kaoiia bwa a na teirake n katea baia ngkana a ongo te taeka ke botantaeka aika ana tarai.