laj Pablo naq naxtz’iib’a jun li hu

7–13 agosto

Romanos 1–6

“A’an xnimal xwankil li Dios re xkolb’al chixjunileb’ ”

Il ru rik’in tijok Romanos 1–6, ut k’oxlaheb’ li komon sa’ laa tzoleb’aal. A’in tatxtenq’a re tat-ab’inq chiru lix yaab’ xkux li Musiq’ej naq nakakawresi aawib’ chi k’utuk.

reetalil li wotzok

Xkanab’ankileb’ chi wotzok

Naru taak’eheb’ xhoonal li komon re naq te’ril Romanos 1–6 ut te’xtaw junaq raqal li xe’xtaw ru chi us rik’in xtenq’ li Santil Musiq’ej. Chirix a’an, te’ruuq chixwotzb’al li raqal xe’xsik’ ru rik’in li ani chunchu chixk’atq.

reetalil li k’utuk

Xk’utb’al li tzolʼlebʼ

Romanos 1:16–17

“Ink’a’ ninxutaanak rik’in lix evangelio li Kristo.”

• Naab’aleb’ li kristiaan neke’majewaak xb’aan lix paab’aaleb’. Re xtenq’ankileb’ li komon chirixeb’ li hoonal a’in, naru taapatz’ reheb’ naq te’ril Romanos 1:16–17 ut te’xk’oxla b’ar sa’ li hu Hechos kixk’ut laj Pablo naq ink’a’ naxutaanak rik’in li evangelio. Naru te’xye k’a’ut naq eb’ a’an ink’a’ neke’xutaanak rik’in lix evangelio li Jesukristo. Malaj ut te’xwotz xnumsihomeb’ b’ar wi’ naq eb’ a’an malaj jalan chik kristiaan xe’xk’ut naq ink’a’ neke’xutaanak rik’in lix evangelio li Jesukristo.

  eb’ li komon sa’ jun tzoleb’aal neke’xtaqsi li ruq’

  Naru naqak’ut naq ink’a’ nokoxutaanak chixwotzb’al xnawom qach’ool chirix li evangelio.

Romanos 2:28–29

Li qawanjik choq’ tzolom natawman sa’ lix anchalil qach’ool, ink’a’ yal rik’in li qab’aanuhom.

• Chan ru naqak’e reetal li qawanjik jo’ tzolom? Li na’leb’ kixk’e laj Pablo reheb’ laj Romano naru nokoxtenq’a chixjultikankil naq tento taqak’e reetal li na’uxk sa’ “li ch’oolej ut sa’ li musiq’ej” (Romanos 2:29) sa’ xna’aj li nab’aanuman. Re xtenq’ankileb’ li wankeb’ sa’ laa tzoleb’aal chixtawb’al ru li na’leb’ kixk’e laj Pablo, naru taatz’iib’a li aatin sa’ Romanos 2:28–29chiru li pizarron. Ruuchil li aatin Judio taak’e aj Santil Paab’anel sa’ Roso’jikeb’ li Kutan, ut ruuchil li aatin sirkunsisyon taak’e li aatin li sumwank. Chan ru naq a’in naxjal chan ru naq naqataw ru li kixk’ut laj Pablo? Naru ajwi’ tex’aatinaq chirix li k’a’aq re ru naqab’aanu jo’ komon sa’ li Iglees, li wan wi’chik xwankil wi b’aanunb’il “sa’ li qach’ool ut xb’aan li Musiq’ej” (Romanos 2:29).

Romanos 3–6

“B’ar wi’ kinumtaak li maak, k’a’jo’ chik naq kinumtaak li rusilal li Dios.”

• Chan ru taatenq’aheb’ li komon chixtawb’al ru lix k’utum laj Pablo chirix li paab’aal, li b’aanuhom, ut li usilal? Naru taawoksi li wiib’ chi esil a’in re xtenq’ankileb’ li komon chixtawb’al ru naq ink’a’ us naq taqil li qachaab’il b’aanuhom jo’ xk’utb’al xyaalal li qatiikilal, chi moko us naq taqak’oxla naq xb’aan li rusilal li Kristo maak’a’ reek’ li qamajelal ut li qamaak. Eb’ li komon naru nekex’sik’ li na’leb’ sa’ Romanos 3:20–31; 5:1–2; 6:1–2, 21–23 li naru chixtenq’ankil li xGloria ut laj Joaquin. K’a’ chik ru li na’leb’ sa’ “Xkomon chik li k’anjeleb’aal” naru tixtenq’aheb’ chixnawb’al naq aajel ru xb’aanunkil li chaab’il k’anjel, ut aajel ru li rusilal li Kristo?

  Esilal 1

  Jun laa wamiiw, xGloria xk’ab’a’, nareek’a naq k’a’jo’ xch’a’ajkilal li wank choq’ chaab’il tzolom. Naxyal xq’e chixb’aanunkil chixjunil li tento sa’ xb’een, a’ut kok’ aj xsa’ nareek’a naq moko tz’aqal ta xb’aanuhom. “Ma tz’aqal inchaab’ilal?” naxk’oxla. “Ma tinixk’ulub’a li Qaawa’?”

  Esilal 2

  Wan jun aawamiiw, aj Joaquin xk’ab’a’, li ink’a’ mas naxk’oxla xsik’b’al ru li k’a’ru tiik. A’an naxpaab’ li Jesukristo, nawulak sa’eb’ li ch’utam re li Iglees, a’an chaab’il yuwa’b’ej ut chaab’il rik’ineb’ li ras riitz’in. A’b’anan xk’e xch’ool naq ink’a’ tixpaab’eb’ li chaq’rab’ li aajeleb’ ru re taaruuq chi ok sa’ li santil ochoch. Naq eb’ lix komon ut eb’ li ramiiw neke’xyal xq’e chixwaklesinkil xch’ool re tixkawresi rib’ choq’ re li santil ochoch, a’an naxye, “Laa’in chaab’il kristiaan. Wan inpaab’aal chirix li Kristo. A’an ak xtoj rix inmaak, ut nink’oxla naq ink’a’ tixram chiwu li choxahil awa’b’ejihom xb’aan jun li ch’ina chaq’rab’.”

reetalil li kʼanjelebʼaal

Xkomon chik li k’anjeleb’aal

Li paab’aal, li usilal, ut li k’anjel.

Esilal 1

• Eter 12:27

• Moroni 10:32–33

• J. Devn Cornish, “Ma tz’aqal chaab’ilin? Ma tinruuq chixb’aanunkil?,” Jolomil ch’utub’aj-ib’ re octubre 2016

• Li Awa’b’ej Dieter F. Uchtdorf kixye: “Moko taaruuq ta taaloq’manq li kolb’a-ib’ rik’in li tumin re paab’ank; loq’b’il b’an xb’aan lix kik’el li Ralal li Dios. … Li usilal a’an jun maatan re li Dios, ut li qajom chixpaab’ankil li junjunq lix taqlahom li Dios a’an chanchan naq naqaye’ li quq’ re xk’ulb’al li loq’laj maatan rik’in li qaChoxahil Yuwa’ ” (“Li maatan re usilal,” Jolomil ch’utub’aj-ib’ re abril 2015).

Esilal 2

• Santiago 2:17–26

• Helaman 12:23–24

• D. Todd Christofferson, “Texkanaaq sa’ lin rahom,” Jolomil ch’utub’aj-ib’ re octubre 2016

• Li Awa’b’ej Uchtdorf kixye: “Wi li rusilal li Dios a’an jun li maatan, k’a’ut naq aajel ru xpaab’ankil lix taqlahom li Dios? K’a’ aj-e xpaab’ankil lix taqlahom li Dios—malaj xjalb’al qak’a’uxl? … Xpaab’ankileb’ lix taqlahom li Dios nachal xb’aan li rahok ut b’antioxihom li ink’a’ neke’oso’ sa’ xk’ab’a’ lix chaab’ilal li Dios. Li tz’aqal rahok ut b’antioxihom a’in te’xjunaji li qab’aanuhom rik’in li rusilal li Dios” (“Li maatan re usilal”).

Xkawresinkil qib’ jo’ aj k’utunel

Musiq’anb’il laa b’oqb’al. Jo’ aj k’utunel, b’oqb’ilat xb’aan li Qaawa’ re rosob’tesinkileb’ li ralal xk’ajol. Li Qaawa’ naraj naq us tat-elq, ut wi tiik aach’ool re xk’ulb’al aatenq’ankil rik’in, a’an tixk’e aawe li k’utb’esinb’il na’leb’ nakasik’. (Chi’ilmanq Li k’utuk jo’ li Kolonel,5