Veiyalayalati Vou 2023
14–20 ni Okosita. Roma 7–16: “Mo Rawa Ga na Ca e na Vinaka”

“14–20 ni Okosita. Roma 7–16: ‘Mo Rawa Ga na Ca e na Vinaka’” Lako Mai, Mo Muri Au—Baleta na Matawilivola ni Sigatabu: Veiyalayalati Vou 2023 (2022)

“14–20 ni Okosita. Roma 7–16,” Lako Mai, Mo Muri Au—Baleta na Matawilivola ni Sigatabu: 2023

iVakatakilakila
icaca kei Roma ena gauna eliu

14–20 ni Okosita

Roma 7–16

“Mo Rawa na Ca ena Vinaka”

Wilika na Roma 7–16, ka vola na veivakauqeti o sa ciqoma baleta na sala mera vukei kina na lewe ni kalasi mera vuli mai na ivolanikalou. Ni o vakasamataka vakatitobu na veika e votu mai, e rawa ni ra veimuataki kina itaviqaravi vakaibalebale cake ni vuli.

iVakatakilakila
ivakatakilakila ni veiwasei

Sureta na Veiwasei

Sa rawa mo wilika na Roma 10:17 kei na 15:4 ka kerei ira na lewe ni kalasi mera wasea na ivolanikalou mai na Roma 7–16 e tara cake na nodra vakabauti Jisu Karisito se solia vei ira na inuinui.

iVakatakilakila
ivakatakilakila ni veivakavulici

Vakavulica na iVunau

Roma 8:14–18

E rawa ni da yaco me da “itaukei vata kei Karisito.”

  • Eda sa vakabauta oi keda na Yalododonu Edaidai, ni veimalanivosa vakaoqo “eda na taukena na veika ni Kalou” ka “taukei vata kei Karisito” e kena ibalebale ena veivuke i Jisu Karisito, eda sa rawa ni vakataka na Tamada Vakalomalagi ka ciqoma na veika kece sa tu Vua (Roma 8:17; raica talega na V&V 132:20–21). Me vukei ira na lewe ni kalasi me ra raica na sala e vakavuvulitaki kina na ivunau oqo ena loma taucoko ni ivolanikalou, sa rawa mo sureti ira me ra veisa se vakailawalawa lalai ka vulica eso na ivolanikalou e volai tu ena “iKuri ni iVurevure.” Mera qai wasea na lewe ni kalasi na veika era sa vulica ka veivosakitaka ena vuna sa rui bibi kina na ivunau oqo.

  • Na vosa ivakatautauvata nei Elder Dallin H. Oaks ena “iKuri ni iVurevure” ena rawa ni vukei ira na lewe ni kalasi mera veivosakitaka na sala eda na rawa kina ni “taukena na veika ni Kalou” (Roma 8:17). Na cava eso na “lawa kei na ivakavuvuli” e tukuna tiko o Peresitedi Oaks? Na duidui cava ena yaco kina noda bula ni da kila ni sa rawa meda “taukena na veika ni Kalou, ka itaukei vata kei Karisito”? Roma 8:17).

Roma 8:18, 28, 31–39

“O cei me na tawasei keda mai na loloma i Karisito?

  • Na veivosakitaki vata ni Roma 8 ena rawa ni madigi donu mera vukei kina na kalasi mera vakila na loloma ni iVakabula. Vakasamataka mo vakaraitaka e dua na iyaloyalo kei Jisu Karisito (raica na na ituvatuva ni macawa oqo ena Lako Mai, Mo Muri Au—Baleta na Tamata Yadua kei na Matavuvale) ni oni wilika na Roma 8:18, 28, 31–39 vaka kalasi. Sa rawa mo sureti ira na lewe ni kalasi mera wasea e dua na vakasama se nanuma e tiko vei ira ni ra wilika oti na veitikina oqo. Sa rawa mo sureta e vica na lewe ni kalasi mera wasea na sala era rawata kina na ivakadinadina ni dina era kunea ena veitikina oqo.

Roma 13:8–10

Na ivakaro taucoko ni Kalou sa vakayacori taucoko ena ivakaro ni loloma.

  • Mera vukei na lewe ni kalasi mera raica ni ivakaro taucoko “sa tu vata kecega ena” ivakaro meda lomani ira na wekada (Roma 13:9), sureta mera vola ena vava na ivakaro taucoko era vakasamataka rawa. Wilika vata na Roma 13:8–10 kei na Maciu 22:36–40, ka veivosakitaka vakalasi na veiwekani e tiko ni da lomana na Kalou kei ira na wekada ka muria na ivakaro yadua era volai tiko ena vava. E veisautaka vakacava na dina oqo na ivakarau ni noda nanuma na ivakaro kei na talairawarawa? Me ivakaraitaki, na cava e vakatura na dina oqo me baleta na inaki ni ivakaro?

Roma 14

“Me da kakua … ni daulelewa.”

  • Me tukuni na ibalebale ni Roma 14, sa rawa mo kaya ni so na Yalododonu e Roma era a veibataka na duidui ni nodra ivalavala vakavanua, me vaka na itovo ni kana kei na gauna ni vakacagicagi. Na ka cava vakaoqo eda sotava tiko nikua? Sa rawa kina lewe ni kalasi mera raica na Roma 14 ka soqona vata na ivakasala i Paula ena dua ga na iyatuvosa. Na ivakasala cava eda rawa ni veiwasei kina baleta na sala meda kakua kina ni dau vakalelewa? De rairai e rawa ni ra kunea na lewe ni kalasi eso na vakasama ena itukutuku i Peresitedi Dieter F. Uchtdorf “O Ira Era Dauloloma Era na Lomani,” Liahona, Me 2012, 70–77.

iVakatakilakila
ivakatakilakila ni ivurevure

iKuri ni iVurevure

Ciqoma “na ka kecega sa tu [vei] Tamaqu” (Vunau kei na Veiyalayalati 84:38).

E tukuna o Peresitedi Dallin H. Oaks na vosa vakatautauvata oqo:

“Sa kila tu e dua na tama vutuniyau kevaka mena solia na nona iyau vua e dua na gone se bera ni vakayavutaki tu ena vuku kei na yalomatua, ena rawa me maumau na isolisoli oqo. A kaya kina o tama vei luvena:

“‘Na ka kecega au sa gadreva meu solia vei iko—sega walega ni noqu iyau, ia na noqu itutu kei na kequ irogorogo vei ira na tamata. Na kena sa tu vei au sa rawa meu solia, ia na kequ irogorogo mo sa rawata ga vakai iko. O na rawata na isolisoli ena nomu vulica na veika au sa vulica ka bula voli me vaka au a bula voli kina. Au na solia vei iko na lawa kei na ivakavuvuli niu sa rawata mai kina na noqu vuku kei na irogorogo. Muria na noqu ivakaraitaki, mo kenadau sara me vakataki au, ko na qai yaco mo vakataki au, kei na ka kece sa tu vei au ena nomu’” (“The Challenge to Become,” Ensign, Nove. 2000, 32).

Vakatorocaketaki Noda Veivakavulici

Vaqara na ivurevure me tokona na ivakavuvuli. Me ikuri ni vakasama ni veivakavulici ena ituvatuva oqo, sa rawa mo veisautaka na itaviqaravi mai na ituvatuva ni macawa oqo ena Lako Mai, Mo Muri Au—Me Baleta na Tamata Yadua kei na Matavuvale mo na vakayagataka ena nomu kalasi. (Raica talega na Veivakavulici ena iVakarau ni iVakabula,, 17–18.)

Tabaka