Korinica ena gauna eliu

Korinica, Ceva kei Kirisi, na Vale Levu ni Veivakasoqoni, droini mai vei Balage Balogh/www.ArchaeologyIllustrated.com

21–27 ni Okosita

1 Korinica 1–7

“Mo Dou Veivinakati Sara”

E vakavulica o Elder Jeffrey R. Holland ni vuqa na tamata era “lako [mai ki lotu] mera na sotavi vakayalo” (A Teacher Come from God,” Ensign,, Me 1998, 26). Nio wilika na 1 Korinica 1–7mo masulaka na ka mo cakava me yaco na gauna vakayalo ena nomu kalasi.

ivakatakilakila ni veiwasei

Sureta na Veiwasei

Sa rawa mo sureta na kalasi mera vola na ka era sa cakava baleta na veika era sa vulica mai na ivolanikalou. Sureta e vica na lewe ni kalasi me wasea na ka era vola.

ivakatakilakila ni veivakavulici

Vakavulica na iVunau

1 Korinica 1:10–17; 3

Era tovolea na lewe ni Lotu i Karisito me ra duvata.

• Na kena veivosakitaki na imatai ni vica na wase ni 1 Korinica sa madigi vinaka ni kena tarai cake na nodra duavata na lewe ni tabanalevu. Sa rawa mo tekivu ena nomu kerei ira na lewe ni kalasi me ra veivosakitaka baleta e dua na kalavo, ilawalawa, timi se dua tale na isoqosoqo era lewena ka tiko kina na yalo ni duavata cecere. Cava na vuna sa lomadra tu kina na ilawalawa oqo na duavata? Me qai vakadikevi mada eso na ivakavuvuli nei Paula baleta na duavata ena 1 Korinica 1:10–13; 3:1–11. Na cava e vakavulica na veitikina oqo, kei na ka eda sotava, ena vukea me tauyavutaki na duavata kei na cava ena via vakarusa? Na solibula cava soti e dodonu me da cakava me rawa ni da rawata kina na duavata? Na veivakalougatataki cava e yaco mai vei ira sa duavata tiko? Raica talega na vosa vakatautauvata nei Sisita Sharon Eubank ena “iKuri ni iVurevure.”

• E vakayagataka o Paula na iyaloyalo ni dua na valelevu me vakayaloqaqataka kina na duavata ena 1 Korinica 3:9–17. E rawa vakacava kina vosa vakaibalebale oqo me vukea na nomu kalasi mera kila vinaka kina na duavata? Me vakataka, ni wiliki oti na tikina oqo, sa rawa mo solia kina lewe yadua ni kalasi e dua na buloko me ra qai cakacaka vata me ra tara kina e dua na ka. Ena vakasama cava eda sa “vale ni Kalou” kina? (1 Korinica 3:9). E tarai keda cake tiko vakayadudua vakacava na Kalou? Na cava eda tara cake vata tiko na veiwekani Yalododonu? Na cava eda rawa ni cakava vata vaka tabanalevu ka sega ni rawa ni da cakava yadudua?

1 Korinica 1:17–31; 2; 3:18–20

Ni gadrevi me vakayacori na cakacaka ni Kalou, eda na gadreva na vuku ni Kalou.

• Oqo e dua na vakasama me vukea nomu kalasi mera vakararavi ga vua na Kalou: Wasea na kalasi vaka ilawalawa ka kerea mera vakasaqara ena 1 Korinica 1:17–31; 2; se 3:18–20 na vosa me vakataka na vukukei na lialia. Mera qai wasea ena nodra ilawalawa na cava e vakavulica na tikina oqo me baleta na vuku e gadrevi ena cakacaka ni Turaga. Na veika cava baleta na kosipeli e vaka me ka lialia vei so na tamata? E vakaraitaka vakacava na veika oqo na vuku ni Kalou? Sa rawa talega mera wasea na lewe ni kalasi na gauna era vakararavi ga kina vuku ni Kalou, ka segai vei ira, mera cakava kina na Nona cakacaka.

1 Korinica 6:9–20

Sa ka tabu na yagoda vakatamata.

• Me tekivutaki e dua na veivosaki baleta na tikina oqo, mo vola ena vava na taro vakaoqo: Na ivakarau cava e vinakata na Turaga me da raica kina na yagoda? E duidui vakacava oqo mai na ka e vinakata o Setani meda vakasamataka kina na yagoda? Na cava na kena ibalebale ni yagoda sa vale ni Yalo Tabu? Sureta na lewe ni kalasi mera raica na isaunitaro oqo ena 1 Korinica 6:9–20 (raica talega na Vunau kei na Veiyalayalati 88:15; Mosese 6:8–9.

• Na nomuni veivosaki baleta na savasava ni yagoda ena oka kina na veivosakitaki ni lawa ni tiko savasava. Sa rawa mo kerea nomu kalasi na cava era sa vulica mai vei Paula—vakakina mai na ivurevure tale eso ni Lotu—ka na vukei ira mera vakamacalataka vei ira eso na vuna e bibi kina na tiko savasava. Eso vei ira na ivurevure oqo e rawa ni oka kina na kena e tiko ena “iKuri ni iVurevure.”

ivakatakilakila ni ivurevure

iKuri ni iVurevure

“E rawa ni vukici na duidui me vinaka vei keda.”

E vakamacalataka o Sisita Sharon Eubank nodra rawata na duavata na timi ni veisisivi voce:

“O ira na dauvoce mera bolea na qaqa vakataki ira ka dinata tiko na veika era rawata yadudua. E sega ni winitaki na veisisivi ena kemui ivakatakarakara. Na timi vinaka sa ikoya e tiko kina na veimataqali—e dua me veiliutaki, e dua me mamaroroi, e dua me valuta na ivalu, e dua me na dau veivakamaravutaki. E sega ni dua na dauvoce e vinaka cake mai vua e dua tale, era yaga kece ena waqa, ia kevaka me ratou cakacaka vata vakavinaka, e gadrevi me ra moici ira me veiganiti kei na gagadre kei na rawaka yadua e tiko—Koya e lekaleka na ligana me dulaka toka yani vakabalavu, koya e balavu na ligana ena vakalekara toka vakalailai.

“E rawa ni vuki na duidui me da vakayagataka ka sega ni dau yalolailai” (“Ena Duavata ni Yalo eda na Rawata na Kaukauwa vata kei na Kalou,” Liaona, Nove. 2020, 56; raica na Daniel James Brown, The Boys in the Boat: Nine Americans and Their Epic Quest for Gold at the 1936 Berlin Olympics [2013], 161, 179).

Na veivakalougatataki ni veidauci savasava.

Jeffrey R. Holland, “Personal Purity,” Ensign, Nove. 1998, 76.

David A. Bednar, “Keimami Vakabauta na Tiko Savasava,” Liaona, Me 2013, 42.

“Chastity: What Are the Limits?,” “I Choose to Be Pure” (vidio), ChurchofJesusChrist.org

Vakatorocaketaki Noda Veivakavulici

Cavuta na ivakadinadina kei Jisu Karisito O Paula: a “sega ni lako e na vosa vinaka se na vuku, niu sa vunautaka … na vosa sa tukuni kina na Kalou” (1 Korinica 2:1). Na nomu vakadinadinataka na iVakabula sa rawa ni veivakauqeti bibi sara.