karaan nga Corinto

Corinth, Southern Greece, the Forum and Civic Center [Corinto, Habagatang Gresya, ang Sentro sa pagbinayloay sa hunahuna [Forum] ug Sibiko, gipintal ni Balage Balogh/www.ArchaeologyIllustrated.com

Agosto 21–27

1 Mga Taga-Corinto 1–7

“Mausa Unta Hinoon Kamo”

Si Elder Jeffrey R. Holland nagtudlo nga kasagaran sa mga tawo “moadto [sa simbahan] nga magtinguha og espirituwal nga kasinatian” (A Teacher Come from God,” Ensign, Mayo 1998, 26). Samtang magbasa ka sa 1 Mga Taga-Corinto 1–7mainampoong ikonsiderar kon unsay imong mahimo aron makatabang sa pagmugna og espirituwal nga mga kasinatian diha sa imong klase.

pagpaambit nga icon

Dapita ang Pagpaambit

Ikonsiderar ang pagdapit sa mga sakop sa klase nga isulat kon unsay ilang gibuhat sa ilang nakat-onan gikan sa mga kasulatan. Hangyoa ang pipila ka sakop sa klase sa pagpaambit kon unsay ilang gisulat.

icon sa pagtudlo

Itudlo ang Doktrina

1 Mga Taga-Corinto 1:10–17; 3

Ang mga miyembro sa simbahan ni Kristo kinahanglang magkahiusa gayod.

• Ang paghisgot sa unang pipila ka kapitulo sa 1 Mga Taga-Corinto mahimong usa ka oportunidad sa pag-ugmad og mas dakong panaghiusa tali sa mga miyembro sa ward. Mahimo nimong sugdan pinaagi sa paghangyo sa mga sakop sa klase nga maghisgot mahitungod sa usa ka club, grupo, team, o laing organisazation nga ilang naapilan nga dunay dakong matang sa panaghiusa. Nganong mibati kini nga grupo nga nagkahiusa og maayo? Mahimo dayon nimong suhiron ang pipila ka pagtulon-an ni Pablo bahin sa panaghiusa diha sa 1 Mga Taga-Corinto 1:10–13; 3:1–11. Unsa ang gitudlo niining mga bersikulo, uban sa atong mga kasinatian, mahitungod sa unsay makatabang nga makamugna og panaghiusa ug unsay makahulga niini? Unsa nga mga sakripisyo ang atong kinahanglang buhaton aron makab-ot ang panaghiusa? Unsa nga mga panalangin ang moabot niadtong nagkahiusa? Tan-awa usab sa analohiya ni Sister Sharon Eubank diha sa “Dugang nga mga Kapanguhaan.”

• Gigamit ni Pablo ang imahe sa usa ka gambalay sa pag-awhag og panaghiusa diha sa 1 Mga Taga-Corinto 3:9–17. Sa unsang paagi nga kining analohiya makatabang sa imong klase nga mas makasabot sa panaghiusa? Pananglitan, human sa pagbasa og dungan sa mga bersikulo, mahimo nimong hatagan ang matag sakop sa klase og usa ka bloke ug magtinabangay sa pagtukod og usa ka butang. Sa unsang paagi nga kita “balay sa Dios”? (1 Mga Taga-Corinto 3:9). Sa unsang paagi nga ang Dios nagtukod kanato sa indibidwal nga paagi? Unsa may atong gitabangan pagtukod isip mga isigka Santos? Unsa may atong mahimo isip usa ka nagkahiusang ward nga dili nato mahimo isip mga indibidwal?

1 Mga Taga-Corinto 1:17–31; 2; 3:18–20

Aron matuman ang buhat sa Dios, nagkinahanglan kita sa kaalam sa Dios.

• Aniay usa ka ideya nga makatabang sa imong klase nga mosalig sa Dios: Bahina ang mga sakop sa klase ngadto sa mga grupo ug hangyoa sila sa pagbasa sa 1 Mga Taga-Corinto 1:17–31; 2; o 3:18–20 nga magsiksik sa mga pulong sama sa maalamon ug binuang. Dayon mahimo nilang ipaambit sa ilang mga grupo kon unsay gitudlo niining mga bersikulo mahitungod sa pagkamaalamon diha sa buhat sa Ginoo. Unsa ang mga butang mahitungod sa ebanghelyo nga tingali morag binuang ngadto sa ubang tawo? Sa unsang paagi nga kining mga butanga nagpakita sa kaalam sa Dios? Tingali ang mga sakop sa klase mahimo usab nga mopaambit og mga kasinatian diin misalig sila sa kaalam sa Dios, imbis nga sa ilang kaugalingon, sa pagtuman sa Iyang buhat.

1 Mga Taga-Corinto 6:9–20

Ang atong pisikal nga mga lawas sagrado.

• Sa pagsugod og panaghisgotan mahitungod niining mga bersikulo, mahimo nimong isulat diha sa pisara ang mga pangutana sama sa mosunod: Unsa may gusto sa Ginoo nga paagi nga kita molantaw sa atong mga lawas? Unsay nakalahi niini gikan sa paagi nga gusto nga paagi ni Satanas nga atong hunahunaon bahin sa atong mga lawas? Unsa may gipasabot nga ang atong mga lawas mga templo sa Espiritu Santo? Dapita ang mga sakop sa klase sa pagpangita og mga tubag niining mga pangutana diha sa 1 Mga Taga-Corinto 6:9–20 (tan-awa usab sa Doktrina ug mga Pakigsaad 88:15; Moises 6:8–9).

• Ang inyong panaghisgotan mahitungod sa kabalaan sa atong mga lawas mahimong maglakip og panag-istoryahanay mahitungod sa balaod sa kaputli. Tingali mahimo nimong pangutan-on ang mga sakop sa imong klase kon unsay ilang nakat-onan gikan ni Pablo—ingon man usab gikan sa ubang mga kapanguhaan sa Simbahan—nga makatabang kanila sa pagpasabot ngadto sa uban kon nganong importante ang kaputli. Ang uban niining mga kapanguhaan mahimong maglakip niadtong nalista diha sa “Dugang nga mga Kapanguhaan.”

mga kapanguhaan nga icon

Dugang nga mga Kapanguhaan

“Ang mga kalahian pwede nga mahimong bentaha.”

Si Sister Shahron Eubank mihulagway kon unsa ka grabe nga kompetensiya ang sangka sa mga kuponan sa magbubugsay sa pag-angkon og panaghiusa:

“Ang mga tigbugsay kinahanglang mopugong sa ilang pagkamakaugalingon ug sa samang panahon masaligon sa ilang indibidwal nga mga kapabilidad. Ang mga lumba wala gidaog pinaagi kon unsa kaparehas ang mga sakop sa kuponan. Ang maayo nga mga kapatas magkasagol—dunay mangulo, dunay pangreserba, dunay agresibong molihok, dunay mopakalma. Walay tigbugsay nga mas bililhon kay sa uban, ang tanan gikinahanglan sa sakayan, apan aron sila maayong makabugsay og dungan, ang matag usa kinahanglang mopahaom sa mga panginahanglan ug mga kapabilidad sa uban—ang mas mubo og bukton mokab-ot pa og diyutay, ang mas taas og bukton mopamubo og gamay.

Ang “mga kalahian pwede nga mahimong bentaha imbis makadaot” (“Pinaagi sa Panaghiusa sa Pagbati Kita Makaangkon og Gahom sa Dios,” Liahona, Nob. 2020, 56; tan-awa sa Daniel James Brown, The Boys in the Boat: Nine Americans and Their Epic Quest for Gold at the 1936 Berlin Olympics [2013], 161, 179).

Ang mga panalangin sa sekswal nga kaputli.

Jeffrey R. Holland, “Personal Purity,” Ensign, Nob. 1998, 76.

David A. Bednar, “Kita Nagtuo sa Kaputli,” Liahona, Mayo 2013, 42.

Pagpalambo sa Atong Pagtudlo

Paghatag og pagpamatuod bahin ni Jesukristo. Pablo “sa akong pag-anha aron pagwali sa tinagong kamatuoran … wala ako maggamit ug lawom o maalamong mga pulong” (1 Mga Taga-Corinto 2:1). Ang imong yano nga pagpamatuod bahin sa Manluluwas mahimong dunay talagsaong impluwensya.