O̧kwōj 28–Jeptōm̧ba 3

1 Korint 8–13

“Koṃ Ānbwinnen Kraist,”

Elder Richard G. Scott ekar katain bwe jej “maron̄ kōtļo̧k tōl eo eaorōk tata, ad make an Jetōb ilo jab ron̄” eļan̄n̄e jejjab rekoote im uwaaki “im̧weo ko im̧aan tata me rej itok n̄an[kōj]” (“To Acquire Spiritual Guidance,” Liahona, Nov. 2009, 8).

Kajjitōk bwe ren Kwaļo̧k

Ilo 1 Korint 8–13, Paul ekar katakin m̧ool ko an gospel eo kōjerbal būrabōļ ko ko āinwōt juon rūttōr ilo juon iaikwōj, ānbwinnin armej, im “simbal e aen̄wān̄wāl” (lale 1 Korint 9:24–25; 12:13–26; 13:1). Kwomaron̄ kajjitōk ippān ro uwaan kūlaaj eo ta eo rekar ekkatak jān keidi kein. Ekōjkan an keidi ko jipan̄ kōj meļeļe m̧ool ko an gospel eo?

Katakin Katak eo

1 Korint 10:1–13

Anij ej letok juon wāween n̄an deeor jān kapo.

• Ekōjkan am̧ maron̄ jipan̄ ro uwaan kūlaaj eo lo m̧ool ko rekajoor ilo 1 Korint 10:13? Juon ļōmņak ej n̄an ajije eoon eo n̄an naan ko rekkadu, leļo̧k kajjojo iaer n̄an kajjojo uwaan kūlaaj eo, im kajjitōk ippān ro uwaan kūlaaj eo n̄an ba naan kaddu ko ilo naan ko aer make. N̄an waanjon̄ak, ta bar juon wāween ba “Anij e tiljek” ak “kapo koṃ eḷap jān ami maron̄”? Innām kwomaron̄ bar riiti eoon e, kōjerbal jet iaan ennaan ko an ro uwaan kūlaaj eo. Ro uwaan kūlaaj eo remaron̄ in kwaļo̧k en̄jake ko me raar loi an kallim̧ur ko ilo eoon in bwe rem̧ool. Ta kōļmenļo̧kjeņ ko jet jemaron̄ būki jān eoon kein jān Alma 13:27–28?

• Ijello̧kin pedped ioon kapo ko rein juon an juon, kwomaron̄ in kōņaan pedped e iien ekōnono eo kōn 1 Korint 10:13 kōn kapo ko me rej, ilo naan ko an Paul, “a eo armej rej maron̄e.” Ro uwaan kūlaaj eo remaron̄ jinoe kōn kwaļo̧k kapo ko in kapo ko Paul ej kakkōl ilo eoon 1–12. Remaron̄ barāinwōt elmakote waanjon̄ak ko raan kein kōn kapok ko jeļā kaki, ko āinwōt kapo ko n̄an jab m̧ool, ruruwe, ak ekajete ro jet. Ekōjkan an juon armej maron̄, kōn jipan̄ an Anij, “ko” jān kapok kein?

1 Kroint 10:16–17; 11:23–30

Kwojkwoj eo ej kobaik kōj āinwōt ro uwaan Kabun̄ eo an Kraist.

• Eoon kein remaron̄ im̧we juon iien ekōnono kōn ekōjkan an kwojkwoj eo maron̄ kobaik ward eo ami ilo kijejeto ko ami n̄an eromļo̧k āinwōt Rilo̧mo̧o̧r. Kwomaron̄ jinoe kōn riiti 1 Korint 10:16–17 im etale ta eo naan eo kōm̧m̧ao (communion) emaron̄ meļeļe in ilo jekjek in (juon emaron̄ lale meļeļe ko an ilo juon tikjinede). Ekōjkan an bōk m̧ōttan kwojkwoj eo koba jipan̄ eo jeje en̄jake emaron̄ kōļapļo̧k ad ippān doon? Ekōjkan an kapilōk eo an Paul n̄an “a armej en mālejjon̄ ṃōk būruon” iookļo̧k kōttōpar in? (1 Korint 11:28).

1 Korint 12

Menin letok ko ilo jetōb rej liļo̧k n̄an kōjeraam̧m̧an aolep ajri ro nejin Jemedwōn̄ Ilan̄.

• N̄an jipan̄ ro uwaan kūlaaj eo lo waanjon̄akko kōn ewi eddōkļo̧k in menin letok in jetōb ko aer jipan̄ kōkajoorļo̧k Kabun̄ in, ļōmņak in kajjitōk ippāer n̄an ļōmņak kōn menin letok ko ilo jetōb ekar wōr an armej ro ilo jeje ko rekwojarjar. Kōn ļōmņak ko, kwomaron̄ kappeik er n̄an etale juon iaan eoon in jipan̄ ko an jeje ko rekwojarjar ilo “Kein Jipan̄ ko Jet” im ba etan menin letok ko ilo jetōb rej ļōmņak armej eo ewōr an. Remaron̄ barāinwōt kōnono kōn menin letok ko ilo jetōb rej loi ilo er kajjojo. Ekōjkan an menin letok ko ilo jetōb an armej rein juon kōjeraam̧m̧an n̄an aolepād wōj? Ekōjkan ad maron̄ kōjerbal menin letok in jetōb ko ad n̄an kōjeraam̧m̧an ro jet im kōkajoorļo̧k ānbwinin Kraist, ak Kabun̄ in? (lale 1 Korint 12:12–31; see also 1 Korint 14:12).

• N̄an jipan̄ ro uwaan kūlaaj eo meļeļe ekōjkan n̄an kōļapļo̧k menin letok ko ilo jetōb, kajjitōk ippāer n̄an riiti 1 Korint 12:27–31; Moronai 7:48; 10:23, 30; Katak im Bujen Ko 46:8. Ta eo eoon in jeje kein rekwojarjar rej katakin kōj kōn ekōjkan bōk menin letok ko ilo jetōb? Ekōjkan kōļapļo̧k menin letok ko ilo jetōb ej kōm̧m̧an bwe en ļapļo̧k ad āinwōt Kraist? Kajjitōk ippān ro uwaan kūlaaj eo n̄an kāālet juon menin letok eo rekōņaan bōke im n̄an kappukōt jipan̄ eo an Irooj ilo bōk menin letok jab in.

1 Korint 13

Iakwe eo an Kraist ej menin letok in jetōb eo eļap tata.

• Kwomaron̄ kajjitōk ippān ro uwaan kūlaaj eo n̄an kejekļo̧kjeņ ilo ikōņ 1Korint 13 im ļōmņak kōn juon eo rejeļā kajjien me ej juon waanjon̄ak em̧m̧an kōn juon ak ruo m̧ōttan iakwe eo an Kraist me Paul ej kōnono kake. Jet uwaan kūlaaj eo remaron̄ kōmeļeļeik armej eo raar ļōmņak kake im juon en̄jake me armej in ekar kwaļo̧k iakwe eo an Kraist. Ilo m̧ool kwomaron̄ laajrake m̧ōttan in kōmeļeļe eo an Paul ioon boot eo im kajjitōk ippān ro uwaan kūlaaj eo n̄an kwaļo̧k ļōmņak ko kōn ta meļeļe in bwe juon armej kōn iakwe eo an Kraist “emeanwōd” ak “e jab juunṃaad” (1 Korint 13:4–5). Ekōjkan an Rilo̧mo̧o̧r eo waanjon̄ake m̧wil kein an iakwe eo an Kraist? Ta m̧ool ko jet me Moronai 7:46–48 ej katakin kōn iakwe eo an Kraist?

Kein Jipan̄ ko jet

Waanjon̄ak ko ilo jeje ko rekwojarjar an menin letok ko ilo jetōb.

• Jenesis 40–41

• Ruth 1

• 1 Kiin̄ Ro 3:5–15

• Matu 1:18–24; 2:13–15, 19–22

• Luk 1:26–38

• Jon 11:20–27

• Jerbal 3:1–8; 5:12–16

• Mormon 1:1–5

• Ether 2:14–25; 3:1–20

• Katak im Bujen Ko 6:5, 10–12

• Moses 6:22–27, 31–43; 7:2–4, 13, 17–21

Kōkm̧anm̧anļo̧k Ad Katakin

Mour kōn pedped in katak ko kwoj katakin. Mour kōn pedped in katak ko kwoj katakin enaaj jipan̄ eok kwaļo̧k naan in kam̧ool eo am̧ kake er ekajoorļo̧k. Paul ekar katakin, “Āindein Irooj ear likūt bwe ro rej kwaḷọk gospel ren mour jān gospel” (1 Korint 9:14).