Jisōs ej kōnono n̄an juon ajri edik

Jeptōm̧ba 18–24

2 Koritn 8–13

“Anij Ej Yokwe Eo E M̧ōņōņō in Leļo̧k”

Ilo am̧ riiti 2 Korint 8–13, ļōmņak kōn armej ro kwoj katakin er, im karōk m̧akūtkūt ko me renaaj jipan̄ er lo pedped in katak ko ilo jepta kein. Innām etale unin tōl in n̄an elōn̄ļo̧k ļōmņak ko.

pija ej bōk jikin kwaļo̧k

Kajjitōk bwe ren Kwaļo̧k

En̄in ej juon wāween n̄an kajjitōk ippān ro uwaan kūlaaj eo n̄an kwaļo̧k ta eo rekar ekkatak jān 2 Korint 8–13: kajjitōk ippān jet iaer n̄an je ioon boot eo juon eoon em̧m̧an tata ippāer jān riit eo aer im kwaļo̧k etke eoon kein eļap meļeļeier n̄an er.

pija eo ej bōk jikin katakin

Katakin Katak eo

2 Korint 8:1–15; 9:6–15

Armej ro Rekwojarjar rej m̧ōņōņō in kwaļo̧k ta eo rej aikuj in kōjeraam̧m̧an n̄an rijeram̧ōl im riaikuj.

• Anij ekar kakien Armej ro Rekwojarjar An n̄an jipan̄ kōjparok ro rej pād ilo aikuj, im ennaan ko ilo 2 Korint 8–9 remaron̄ im̧we ro uwaan kūlaaj eo am̧ ilo kijejeto ko aer. N̄an jipan̄ er lo ennaan kein, kwomaron̄ je ioon bookt eo kajjitōk ko āinwōt Etke jej leļo̧k? im Ekōjkan ad leļo̧k? Jimettan in kūlaaj eo remaron̄ kappukōt uwaak ko ilo 2 Korint 8:1–15, im jimettan eo juon emaron̄ kappukōt ilo 2 Korint 9:6–15. (Kwomaron̄ kōmeļeļeik bwe ilo jepta 8, eoon1–5, Paul ekar kōnono kōn Armej ro Rekwojarjar in Macednia ro āinwōt waanjon̄ak ko an leļo̧k ilo tenkwadik.). Ekōjkan an pedped in katak ko maron̄ kar katakin jān Paul jipan̄ kōj em̧m̧anļo̧k ad kōjparok rijeram̧ōl im riaikuj?

2 Korint 11:1–4

Jej aikuj pedped wōt ioon “erreo eo ilo Kraist.”

• Jet iien ro uwaan Kabun̄ in rej en̄jake tōr jān jon̄an kōn eddo ko an mour in—ekoba ta eo remaron̄ loe āinwōt eddo ko kōn āinwōt juon Armej ro Rekwojarjar ilo Raan-ko Āliktata. Kapilōk eo an Paul kōn “erreo eo ilo Kraist” (2 Korint 11:3) emaron̄ jipan̄. Bōlen kom̧ maron̄ riit ippān doon 2 Korint 11:3 im ekōnono kōn ta meļeļe in eoon eo “erreo eo ilo Kraist” emaron̄ in. Kwomaron̄ barāinwōt kajjitōk ippān ro uwaan kūlaaj eo n̄an pijaikļo̧k bwe kar kajjitōk ippāer n̄an je juon kōmeļeļe kōn gospel eo an Jisōs Kraist n̄an juon nuuj peba, kōn juon jon̄an 100 naan ko. Leļo̧k aer iien n̄an je kōmeļeļe ko aer, im kōm̧m̧an bwe ren kwaļo̧ke ippān kajjojo ta eo raar je. Eļan̄n̄e rej aikuj jipan̄, remaron̄ in etal n̄an Jon 3:16–17; 3 Nipai 27:13–21; Ennaan eo an Būreejtōn Dieter F. Uchtdorf ilo “Kein Jipan̄ ko Jet.” Ro uwaan kūlaaj eo remaron̄ kwaļo̧k ļōmņak ko kōn ekōjkan “kōļem waan [ad] ļōmņak kōn rikaļoor.”

2 Korint 12:5–10

Jouj eo an Rilo̧mo̧o̧r eo ebwe n̄an jipan̄ kōj lo kajoor eo ilo m̧ōjņo̧ ko ad.

• Ta eo kwonaaj kar ba n̄an juon m̧ōttam̧ eo me ekar jar kōn deeor jān m̧ōjņo̧ an ānbwin im ļōmņak bōtaab ej en̄jake bwe jar in ejjan̄in de uwaak? Ļōmņak in kajjitōk ippān ro uwaan kūlaaj eo n̄an kejekļo̧kjeņ kōn kajjitōk in ilo aer jab kwaļo̧k ainikien aer riiti 2 Korint 12:5–10. Innām remaron̄ kwaļo̧k kōļmenļo̧kjeņ ko jān eoon kein me remaron̄ jipan̄ ilo jekjek in. Remaron̄ barāinwōt kwaļo̧k en̄jake ko n̄e, kōn jouj eo an Jisōs Kraist, ak kajoor im jipan̄ kwojarjar eo An, raar lo kajoor ilo m̧ōjņo̧. Ekōjkan an en̄jake jab in kar kareel mour ko aer? Etke ej aorōk n̄an lōke iien eo an Irooj?

pija ej bōk jikin kein jipan̄ ko

Kein Jipan̄ ko jet

Jemaron̄ kōļem waan ad ļōmņak kōn mour kōn gospel eo.

Būreejtōn Dieter F. Uchtdorf ekar katakin:

“Ro jeiū im jatū, mour kōn gospel eo ejjab aikuj in kapokpok.

“Ekanooj in kajju. Emaron̄ in kar kōmeļeļeik āinwōt in:

• Ron̄jake naan eo an Anij kōn kōttōpar em̧ool ej tōl kōj n̄an tōmak ilo Anij im n̄an lōke kallim̧ur ko An.

• An ļap ļo̧k ad lōke Anij, eļap ļo̧k an būruwōd obrak kōn iakwe n̄an E im n̄an doon.

• Kōnke kōn iakwe eo ad n̄an Anij, jej ikdeelel n̄an ļoor E im kajjokun wōt juon m̧akūtkūt ko ad ippān naan eo An.

• Kōnke jej iakwe Anij, jej kōnaan jerbal n̄an E; jej kōņaan kōjeram̧m̧an mour ko an ro jet im jipan̄ rijeram̧ōl im riaikuj.

• Ilo an ļap ļo̧k ad etetal ilo iaļ eo an rikaļoor, eļap ļo̧k ad ikdeelel n̄an katak kōn naan eo an Anij.

“Im kōn menin ej āindein, kajjojo bun̄tōn ej tōl n̄an eo tok juon im kobrak kōj kōn ļap ļo̧k in tōmak, kōjatdikdik, im iakwe em̧ool.

“Ekanooj pidodo, im eaiboojoj an jerbal.

“Ro jeiū im jatū, eļan̄n̄e kom̧ kar ļōmņak bwe gospel eo ejjab kanooj em̧m̧an an jerbal n̄an kom̧, ij kūr kom̧ n̄an kātok jidik, etale mour eo am jān juon baluun epād iju eutiej, im kapidodoik jibadōk lo̧k eo ami n̄an kaļoor. Mije wōt katak ko, pedped ko, im kajjitōk m̧oktata an gospel in. Ij kallim̧ur bwe Anij enaaj tōl im kōjeram̧m̧an kom̧ ilo iaļ eo ami n̄an kakūm̧ool mour, im gospel eo enaaj kanooj jerbal em̧m̧an ļo̧k n̄an kom̧” (“Eaiboojoj an Jerbal,” Kweilo̧k eo Eļap, Nob. 2015, 22).

Kōkōm̧anm̧anļo̧k Ad Katakin

Jerbal ippān doon ippān ro uwaan baam̧le eo. “Armej ro ekar wōr aer kareel ekajoor ioon juon armej—n̄an em̧m̧an ak nan̄inmej—ekkā wōt an ro ilo m̧weo im̧ōn. Kōnke m̧weo ej jikin eoļapļap an ekkatak gospel eo im ekkatak, kijejeto ko am̧ n̄an kōkajoorļo̧k juon uwaan kūlaaj enaaj lukkuun wejepedik tata n̄e kom̧ij jerbal ippān doon … ro uwaan baam̧le eo” (Teaching in the Savior’s Way,8–9).