Jeptōm̧ba 4–0

1 Korint 14–16

“Anij E Jab Anij in Airuwaro, A in Aenōṃṃan”

M̧okta jān etale unin tōl in, riiti 1 Korint 14–16. Je im̧we ko am̧ im̧aan tata kōn ta m̧ool ko renaaj jipan̄ ro uwaan kūlaaj eo am̧, im wōnm̧aanļo̧k wōt im pukōt elōn̄ļo̧k tōl jān Jetōb ilo am̧ m̧aanjabpopo n̄an katakin.

Kajjitōk bwe ren Kwaļo̧k

Leļo̧k jejjo minit ko n̄an ro uwaan kūlaaj eo n̄an etale 1 Korint 14–16 im pukōt juon eoon eo rej en̄jake ej ainjuon an ļap meļeļe in. Kajjitōk ippāer n̄an pukōt juon ilo kūlaaj eo me remaron̄ kwaļo̧k eoon eo aer ippān im kōmeļeļeik etke raar kāālete.

Katakin Katak eo

1 Korint 14

N̄e jej koba ippān doon, jej aikuj kappukōt n̄an katakin doon.

• Ļōmņak in kōjerbal katak ko an Paul ilo 1 Korint 14 n̄an kakeememej ro uwaan kūlaaj eo bwe jemaron̄ aolep katakin—ak rejtak im ļōn̄aj—doon ilo kabun̄ in. Juon wāween eļam waan n̄an etale jepta in maron̄ in n̄an je juon kajjitōk ioon boot eo, eo āinwōt Ta menin kōttōpar eo ad ej aikluj in n̄e jej koba ippān doon? Kajjitōk ippān ro uwaan kūlaaj eo n̄an etale uwaak ko remaron̄ in ilo 1 Korint 14. Ļōmņak ko jet maron̄ loi ilo Moronai 6:4–5 im Katak im Bujen Ko 50:17–23. Ilo an ro uwaan kūlaaj eo kwaļo̧k ta eo rej loe, ļōmņak in kajjitōk ippāer ekōjkan aer en̄jake kōn an kūlaaj eo kōtōprak menin kōttōpar kein. Remaron̄ barāinwōt kwaļo̧k en̄jake ko me raar en̄jake aer kar katakin kōn juon men juon uwaan kūlaaj eo ekar kwaļo̧k.

1 Korint 15

Kōnke Jisōs Kraist ekar jerkakpeje, jenaaj aolep jerkakpeje.

• Ekōjkan am̧ kōjerbal naan in kam̧ool eo an Paul ilo 1 Korint 15 n̄an kōkajoorļo̧k naan in kam̧ool ko an ro uwaan kūlaaj eo am̧ kōn Jerkakpeje eo? Juon wāween emaron̄ n̄an ajije kūlaaj eo n̄an ruo kumi ko im kajjitōk ippān juon kumi n̄an lale 1 Korint 15 kōn kaje ko jej jelm̧ai eļan̄n̄e Jisōs Kraist en kar jab jerkakpeje. Kumi eo juon remaron̄ lali kōjeraam̧m̧an ko jej būki kōnke kōn Jerkakpeje eo An. Innām kajjojo kumi remaron̄ je ioon boot eo ta eo raar ekkatak. Ta eo remaron̄ kobaikļo̧k n̄an laajrak ko aer ālkin riiti ennaan eo jān Elder D. Todd Christofferson ilo “Kein Jipan̄ ko Jet”? N̄an jipan̄ ro uwaan kūlaaj eo en̄jake Jetōb ilo iien ekōnono in, ļōmņak in kwaļo̧k juon pija in jerkakpeje Rilo̧m̧o̧o̧r (lale unin tōl eo an wiik in ilo Itok, Ļoor Eō—N̄an Kajjojo Armej im Baam̧le ko) ak kōjan̄ ak al juon al kōn Jerkakpeje.

• Kōnke Paul ekar uwaake armej ro me raar jab tōmak ilo jerkakpeje eo; kūlaaj eo am̧ emaron̄ in jeraam̧m̧an jān juon iien kōm̧m̧an ejja kain jekjek in wōt. N̄an waanjon̄ak, ekōjkan aer maron̄ kōkajoorļo̧k tōmak eo an juon eo ejitōnbōro ilo Jerkakpeje eo? Ta eo jej loe ilo 1 Korint 15 me enaaj jipan̄ kōj kōmeļeļeik aikuj eo n̄an im kein kam̧ool eo kōn Jerkakpeje eo an Jisōs Kriast? Ta eoon in jeje ko rekwojarjar jemaron̄ kōjebali? (Lale, n̄an waanjon̄ak, Luk 24:1–12, 36–46; Alma 11:42–45.)

  

  Paul ekar katakiin kōn Jerkakpeje eo kōn kōnono kōn “ānbwin i lañ” āinwōt al (Korint 15:40).

• 1 Korint 15 ej juon iaan jikin ko reiet ilo jeje ko rekwojarjar me peptaij kōn ro remej rej kōnono kake (lale eoon 29; lale barāinwōt Katak im Bujen Ko 128:18). Bōlen ro uwaan kūlaaj eo remaron̄ kwaļo̧k lan̄lōn̄ eo raar en̄jake ilo aer kar kōm̧m̧ani peptaij ko ak kain̄i ko jet n̄an ro jibier im jim̧m̧aer. Etke Paul emaron̄ in kar kōnono kōn peptaij ko n̄an ro remej āinwōt kein kam̧ool an Jerkakpeje eo? Eļan̄n̄e enaaj jipan̄ n̄an ekōnono etke peptaij ko n̄an ro remej rej menin aikuj, lale Gospel Topics ko “Baptisms for the Dead” (topics.ChurchofJesusChrist.org). Pija in alooj eo “Glad Tidings: The History of Baptisms for the Dead” (ChurchofJesusChrist.org) ej kōmeļeļeik ekōjkan an pedped in katak in kar jepļaaktok ilo tōre in ad.

Kein Jipan̄ ko jet

Aorōk eo an Jerkakpeje eo.

Elder D. Todd Christofferson ekar katakin:

“Watōke jidik wōt iien aorōk in Jerkakpeje ilo mejal juōn alen im n̄an indeeo m̧ool eo kōn wōn in Jisōs Ri Nazeret im jiai in kōlmenļo̧kjeņ ko reļļap im kajjitōk ko kōn mour. Eļan̄n̄e m̧ool ke Jisōs ekar lukkuun jerkakpeje, eaikuij itok bwe E ej armej ekwojarjar. Ejjeļo̧k armej ewōr an kajoor ilo e make n̄an rooltok n̄an mour ālkin an mej. Kōnke E eaar jerkakpeje, Jisōs e ban juon kaamtō, juon rūkaki, juon rabbai, ak juon rikanaan. Kōnke Eaar jerkakpeje, Jisōs eakuj kar juon Anij, em̧ool eo Emake Keotake Nejin Jemān.

“Kōn men in, ta eo Eaar katakin em̧ool; Anij e ban riab.

“Kōn men in, E eaar Rikōm̧anm̧an eo an laļ, āinwōt An kar ba.

“Kōn men in, lan̄ im hell rem̧ool, āinwōt An kar katakin.

“Kōn men in, ewōr juōn laļ an jetōb ro me Eaar loļo̧k er ālkin mej eo An.

“Kōn men in, E naaj bar itok, āinwōt an enjeļ ro kar ba, “im irooj make ioon laļ.”

“Kōn menini, ewōr juon jerkakpeje im juon ekajet āliktata n̄an aolep” (“Jerkakpeje eo an Jisōs Kraist,” Liaona, Māe 2014, 113).

Kōkōm̧anm̧anļo̧k Ad Katakin

Kajjieon̄ jeļā kajjeen ro kwoj katakin. Ejjeļo̧k ruo armej rej lukkuun eier wōt juon; kajjojo armej kwoj katkain ewōr juon aer jekjek in mour ejej uwaan, kōļmenļo̧kjeņ, im kōro̧ro in tōļan ko. Jar n̄an jeļā ekōjkan am̧ maron̄ kōjerbal mene kein n̄an kōjerbal rūkkatak ro am̧. Ilo an em̧m̧anļo̧k am̧ meļeļe ro kwoj katakin er, kwomaron̄ ejake iien katakin ko eļap meļeļeier im pād ilo ememļo̧kjeņ n̄an er (lale Teaching in the Savior’s Way, 7).