Jerkakpeje Rilo̧mo̧o̧r eo ekar loļo̧k Paul ilo kalbuuj (lale Jerbal 23:11). Jisōs Kraist emaron̄ kanemkwoj kōj jān “ine in kaṃakoko” (Galetia 5:1).

Jeptōm̧ba 25–Oktoba 1

Galetia

“Etetal kōn Jetōb”

Ilo am̧ lukkuun riit im kejekļo̧kjeņ kōn Galetia, Irooj enaaj katakin eok ta eo kwoj aikuj in kwaļo̧k ippān ro uwaan kūlaaj eo am̧. Je en̄jake ko am̧ rej kwaļo̧k kam̧m̧oolol n̄an Anij kōn An jipan̄.

Kajjitōk bwe ren Kwaļo̧k

Ekkatak jeje ko rekwojarjar emakijkij an tōlļo̧k n̄an juon iien ekōnono kōn gospel eo eļap meļeļe in ippān baam̧le eo ak ro jerad. Menin ekar ke waļo̧k n̄an ro uwaan kūlaaj eo am̧ wiik in? Kajjitōk ippāer n̄an kwaļo̧k en̄jake ko aer.

Katakin Katak eo

Galetia 1:6–7; 3:1–5; 4:8–21; 5:1, 13–14

Gospel eo an Jisōs Kraist ej letok anemwkoj.

• Ekaktak jabdewōt bok an jeje ko rekwojarjar epidodoļo̧k n̄e jejeļā etke ekar jeje. Kōn unin, emaron̄ in em̧m̧an n̄an jino iien ekōnono eo ami kōn Galetia kōn kajjitōk eo āinwōt “Ewi am̧ ļōmņak kōn kar jibadbad eo an Paul ilo an kar je leta in?” ak “Ta jorrāān eo Paul ekar kajjieon̄ ņa mejļan?” Kajjitōk ippān ro uwaan kūlaaj eo n̄an kappukōt kein jipan̄ (clue) ko ilo Galetia 1:6–7; 3:1–5; 4:8–21. Ekōjkan an ennaan eo an Paul jetjet tok n̄an kōj rainin?

• Jet iaan Armej ro Rekwojarjar in Galetia raar ļōmņak raar aikuj in wōnm̧aanļo̧k wōt ilo mour kōn kien Moses. N̄an Paul, menin ekar āinwōt mour kōn “ine in kōm̧akoko” keidi n̄an “anemkwoj” eo me Jisōs Kraist ej leotk n̄an kōj (Galetia 5:1 N̄an jipan̄ ro uwaan kūlaaj eo am̧ etale katak ko an Paul kōn anemkwoj im kōm̧akoko, kwomaron̄ kajjitōk ippāer n̄an ba etan m̧wil ko im m̧akūtkūt ko me rej kōm̧m̧an jon̄an eddōkļo̧k in jetōb eo ad im eddōk eo (ko āinwōt, iminene in m̧anit ko, iminene nana ko, tōmak ko rebōd, ak kalimjōk m̧akūtkūt ko itulik ijello̧kin oktak eo itulowa). Ekkar n̄an Galetia 5:1, 13–14, ekōjkan ad lo anemkwoj eo jān m̧wil im m̧akūtkūt kein? Ekōjkan ad kar en̄jake anemkwoj eo loe kōn Jisōs Kraist? Ekōjkan ad maron̄ uwaake juon eo ej en̄jake bwe mour kōn gospel eo ekōm̧m̧an jon̄an anemkwoj eo an make?

Galetia 5:16–26

Eļan̄n̄e jej “etetal kōn jetōb,” jenaaj bōk “leen Jetōb.”

• Elōn̄ armej rej kakkōt n̄an kile kareel eo an Jetōb. Galetia 5 emaron̄ jipan̄. Bōlen kwomaron̄ kajjitōk ippān kūlaaj eo n̄an etale Galetia 5:22–25 n̄an pukōt naan ko Paul ekar kōjerbali n̄an kōmeļeļeik leen ko an Jetōb. Etke leen wōjke eo juon kakōļļe kōn wāween eo Jetōb ej kareel kōj? Bōlen ro uwaan kūlaaj eo remaron̄ kwaļo̧k ekōjkan an leen wōjke in kar juon kein kam̧ool ilo mour ko aer ak mour ko an armej ro rejeļā kajjier. Bar jet kein jipan̄ ko n̄an etale ekoba Matu 7:16–18; Jon 14:26–27; Moronai 7:13–17; Katak im Bujen Ko 11:12–13; im naan ko an Būreejtōn Gordon B. Hinckley ilo “Kein Jipan̄ ko Jet.”

Jemaron̄ bōk “leen jetōb” ilo ad kappukōte.

Galatia 6:7–10

N̄e jej kallūb “n̄an Jetōb eo,” jenaaj bōk kōjeraam̧m̧an ko ilo iien jonikkan.

• Ekkaktak Galetia 6:7–10 emaron̄ jipan̄ ro uwaan kūlaaj eo ļōmņak em̧wilaļļo̧k kōn kaje ko raitok kitier an kāālet ko aer. N̄an jipan̄ er, kwomaron̄ bōktok ine ko roktak jān doon, ippān mennin eddōk ko, leen ko, ak vegetable ko me rej eddōk jān ine kein (ak kwomaron̄ bōktok pija ko pija in men kein). Ro uwaan kūlaaj eo remaron̄ jerbal ippān doon n̄an kōkkari kajjojo ine ippān men ko rej kalleik. Innām remaron̄ riiti eook ko 7–10 im kōnono kōn ta meļeļe in n̄an kallib “n̄an kanniōk [eo]” im “n̄an Jetōb eo.” (Ennaan eo an Elder Ulisses Soares ilo “Kein Jipan̄ ko Jet” maron̄ jipan̄). Ta eo jej m̧adm̧ōde n̄e jej kallib n̄an kanniōk eo? Ta eo jej m̧adm̧ōde n̄e jej kallib n̄an Jetōb eo? (lale Galetia 5:22–23).

• Jet ro uwaan kūlaaj eo remaron̄ en̄jake “ṃōk ilo kōṃṃan eṃṃan” (Galetia 6:9)—bōlen kōnke rejjab kanooj jeļā kijejeto ko aer rej kwaļo̧k leen. Juon iien ekōnono kōn Galetia 6:7–10 emaron̄ in jipan̄. N̄an kwaļo̧k kadkad in eoon kein, kwomaron̄ kajjitōk ippān juon ilo kūlaaj eo n̄an kōnono ilo tukadu in kōn juon iien me ekar aikuj in kijenmej ke kar kajjieon̄ in kaddōke juon men. Ta eo armej in emaron̄ kar en̄jake, ippānļo̧k Galetia 6:7–10, ej katakin kōj kōn kijejeto ko ad n̄an “etetal kōn Jetōb”? (Galetia 5:25).

Kein Jipan̄ ko jet

Leen eo an Jetōb.

Būreejtōn Gordon B. Hinckley ekar katakin: “Kwoj kile im̧weo ko an Jetōb kōn leen ko an Jetōb—eo me ej kōmeramļo̧k, eo me ej kalōk, eo me ej em̧m̧an im jipan̄ im ļōn̄aj im ej tōl kōj n̄an ļōmņak ko rem̧m̧anļo̧k im naan ko rem̧m̧anļo̧k im jerbal ko rem̧m̧anļo̧k an Jetōb eo an Anij” (Teachings of Presidents of the Church: Gordon B. Hinckley [2016], 121).

Kallūb ilo Jetōb.

Elder Ulisses Soares ekar kōmeļeļeik: “N̄an kallib ilo Jetōb meļeļe in bwe aolep ad ļōmņak ko, naan ko, im m̧akūtkūt ko rej aikuj ļōn̄aj lōn̄ļo̧k kōj n̄an jon̄ak eo an ekwojarjar eo an jemed im jined ilan̄. Ijo wōt ke, jeje ko rej kōnono kōn kanniōk āinwōt nememe eo an ānbwin ak kanniōk an lukkuun piktok in armej eo, eo ej kōtļo̧k bwe armej rej kareel jān en̄jake, ikdeelel ko, kōņaan kōbab laļ, im kadiwōjļo̧k eo an kanniōk ijello̧kin kappukōt im̧weo jān Jetōb Kwojarjar ” (“Abide in the Lord’s Territory!,” Liahona, Māe 2012, 39).

Kōkōm̧anm̧anļo̧k Ad Katakin

Jipan̄ rūkkatak ro ļōn̄aj doon. “Kajjojo armej ilo kūlaaj eo am̧ ewōr juon aer naan in kam̧ool, kōļmenļo̧kjeņ ko, im en̄jake ko ilo aer mour kōn gospel eo. Kajjitōk ippāer n̄an kwaļo̧k im kotak doon” (Teaching in the Savior’s Way, 5).