Oktoba 16–22

1 im 2 Tessalonika

“Kom̧in Koweppāān Ami Tōmak”

Alma ekar katakin, “Jab lōke jabdewōt bwe en ami rikaki ak ami minister, ijello̧kun wōt n̄e ej juon armej in Anij, im etetal ilo iaļ ko An im kōjparok kien ko An” (Mosaia 23:14). Ta eo eoon in ej elmakote kōn ekōjkan am̧ aikuj in kōpooj eok make n̄an katakin?

Kajjitōk bwe ren Kwaļo̧k

Leļo̧k n̄an ro uwaan kūlaaj eo jejjo minit ko n̄an lale ilo juon iien m̧ōkaj 1 im 2 Tessalonika im pukōt juon eoon me eim̧we er. Kajjitōk ippāer n̄an kwaļo̧k eoon ko aer ippān bar juon ilo kūlaaj eo, innām kajjitōk ippān ruo im men n̄an kwaļo̧k ta eo raar ekkatak jān doon.

Katakin Katak eo

1 Tessalonika 1:5–8; 2:1–13

Ro rikarejeran Irooj rej aikuj kwaļo̧k naan kōn m̧ool im iakwe.

• Paul ekar jino Leta eo n̄an Ritessalonika kōn kakeememej Armej ro Rekwojarjar kōn jekjek eo me e im ro jet raar kwaļo̧k gospel eo ippāer. Menin emaron̄ in juon iien em̧m̧an n̄an ro uwaan kūlaaj eo am̧ n̄an etale ekōjkan aer kōm̧m̧ane ilo katak im ekkatak jān ro jet. Kwomaron̄ kajjitōk ippān ro uwaan kūlaaj eo n̄an ritii 1 Tessalonika 1:5–8; 2:1–13 im kwaļo̧k pedped in katak ko reiookļo̧k kwaļo̧k gospel eo ilo wejepedik. Innām remaron̄ je kajjitōk ko pedped ioon eoon kein me renaaj jipan̄ er etale kijejeto ko aer n̄an katakin gospel eo n̄an ro jet. N̄an waanjon̄ak, juon kajjitōk emaron̄ in “Ij ke juon waanjon̄ak kōn men ko ijeļā?” (lale 1 Tessalonika 1:7). Ekōjkan ļoor pedped in katak ko ilo ennaan in maron̄ jipan̄ kōj kōkōm̧anm̧anļo̧k ad jerbal in karejar n̄an ro jej katakin?

1 Tessalonika 3:9–13; 4:1–12

Ilo ad ļoor Jisōs Kraist, E emaron̄ kōm̧m̧an bwe jen kwojarjar.

• Paul ekar katakin Armej ro Rekwojarjar in Tessalonika ro bwe “Anij ear jab kūrtok kōj n̄an ettoon, a ilo kwōjarjar” (1 Tessalonika 4:7). N̄an jino juon iien ekōnono kōn kwojarjar, kūlaaj eo am̧ ak kajjojo emaron̄ al“More Holiness Give Me” (Hymns, nō. 131). Kajjitōk ippān ro uwaan kūlaaj eo n̄an ekōnono kōn men ko bōnjān kwojarjar kar kōnono kaki ilo al eo me rej makeļo̧k n̄an kom̧. Je ioon boot eo Eļap kwojarjar letok n̄an eō, eļap … , im kajjitōk ippān ro uwaan kūlaaj eo n̄an kappukōt naan ko ak eoon ko jān 1 Tessalonika 3:9–13; 4:1–12 n̄an kadedeļok jānjtōj eo. Ekōjan ad maron̄ kaddōkļo̧k bōnjān kein?

• Kūr eo n̄an erom kwojarjar emaron̄ in āinwōt bwe an pen. Emaron̄ in jipan̄ eļan̄n̄e ro uwaan kūlaaj eo rej meļeļe bwe kōļapļo̧k kwojarjar ej juon jekjek ej jidik kōn jidik me ej aikuji kōj n̄an “lōn̄ḷọk wōt ilo men in” ilo iien ko (1 Tessalonika 4:10). N̄an kōmeļeļeik jekjek in, kwomaron̄ kajjitōk ippān ro uwaan kūlaaj eo n̄an kōnono kōn juon tōļan ak juon tōprak me ekar bōk kijejeto eo ejjab m̧ūjkōk ilo iien ko, ko āinwōt kōm̧m̧ane juon ko̧o̧j quilt ak kōjan̄ juon kein kōjan̄jan̄. Ekōjakn an menin ainļo̧k wōt jekjek eo an erom kwojarjar? Kajjitōk ippān ro uwaan kūlaaj eo n̄an etale 1 Tessalonika 3:9–13; 4:1–12 im kwaļo̧k kōļmenļo̧kjeņ ko kōn kijejeto eo ebōke n̄an erom kwojarjar ilo wāween ko Paul ej kōmeļeļeik Ta eo ekar jipan̄ kōj eddōkļo̧k n̄an kwojarjar?

1 Tessalonika 4:11–12; 2 Tessalonika 3:7–13

Jej aikuj in jerbal n̄an kake n̄an kōj make im ro rej pād ilo aikuj.

• Kajjitōk ko āinwōt kein remaron̄ im̧we juon iien ekōnono kōn kapilōk eo an Paul ikkijien jerbal: Ta kaje ko kōn jowan? Ta kōjeraam̧m̧an ko kōn jerbal? Ta am̧ ļōmņak kōn meļeļe eo an Paul kōn naan ko “tōt wōt” im “wōt im tōt”? (1 Tessalonika 4:11; 2 Tessalonika 3:12). Kwomaron̄ kōņaan je kajjitōk ko āinwōt kein ioon boot eo n̄an ro uwaan kūlaaj eo n̄an kejekļo̧kjeņ kaki im ekōnono kaki ilo er riiti 1 Tessalonika 4:11–12 im 2 Tessalonika 3:7–13. Ta eoon in jipan̄ in jeje ko rekwojarjar rej jipan̄ kōj meļeļe aorōk eo an jerbal im kawuōtata ko an jowan? “Kein Jipan̄ ko Jet”).

JS—Ukok, 2 Tessalonika 2

Maroklep eo ekar aikuj in m̧okta jān Itok eo Kein Karuo an Jisōs Kraist.

• Emaron̄ in jipan̄ n̄an ekōnono kōn jet iaan kakōlkōl ko rikanaan ro raar kōjerbali n̄an kōmeļeļeik Maroklep eo (lale 2 Tessalonika 2:3), juon n̄ūta (lale Amos 8:11–12), kidu wolf ko re kanooj lāj, re naaj deḷọn̄ (lale Jerbal 20:28–30), im me ko re kōņaan ron̄ (lale 2 Timote 4:3–4). Ļōmņak in ajije ro uwaan kūlaaj eo n̄an ruo iaan ruo im kajjitōk ippāer n̄an riiti juon ak elōn̄ļo̧k iaan eoon kein ( ak ro jet me kwoj kāālet) im kōmeļeļeik ta eo eoon ko rej katakin kōn Maroklep Eo Eļap. Ta eo rikanaan ro raar katakin kōn Maroklep eo im tōprak eo enaaj kar an?

• Men̄e Kabun̄ in eban bar ioone bar juon “bun̄” (2 Tessalonika 2:3) āinwōt an kar waļo̧k etto, jemaron̄ in wōt bun̄ kajjojo armej. Ta eo 2 Tessalonika 2 ej elmakote kōn ekōjkan an bun̄ in maron̄ waļo̧k (lale eoon 9–10) im ekōjkan ad maron̄ joļo̧k e? (lale eoon 15–17).

Kein Jipan̄ ko jet

Eoon in jipan̄ ko an jeje ko rekwojarjar kōn jerbal im jowan.

• Jenesis 3:19

• Matu 21:28–32

• Mosaia 2:10–16

• Katak im Bujen Ko 42:42; 58:27; 60:13; 75:29

Kōkōm̧anm̧anļo̧k Ad Katakin

Kōjerbal elōn̄ kain kōl ko. Emaron̄ in pidodo n̄an bōk aenōm̧m̧an kōn kajjojo jekjek in katakin, ak oktak in kilen katak ko rej tōpar elōn̄ laajrak in kain membōr ro. Kappukōt wāween ko roktak jān doon ilo wāween am̧ katakin, ko āinwōt pija in alooj ko, jin̄a ko, ak al ko ak leļo̧k n̄an ro uwaan kūlaaj eo iien ko rem̧m̧an n̄an katakin Teaching in the Savior’s Way, 22).