Tebetembwa 18–24

2 I-Korinto 8–13

“Ba te Atua E Tangira te Aomata ae E Waerake Nanona ni Kan Angabwai”

Ngkana ko wareka 2 I-Korinto 8–13, iangoia aomata aika ko reireiniia, ao bairei waaki ni kakukurei aika a na buokiia ni karekei reirei inanon mwakoro aikai. Ngkanne manga rinanon te kamataata aei ibukin iango riki tabeua.

Kaunga te Tibwatibwa

Aio aron kaoakiia kaain te kiraati bwa a na tibwaua te bwai are a reiakinna man 2 I-Korinto 8–13: tuangiia tabeman bwa a na koroia iaon te burakibooti te kibuntaeka ae a tangiria man aia wreware ao n tibwauaia bwa bukin tera kibuntaeka aikai a uaana nakoia.

Reirei te Reirei

2 I-Korinto 8:1–15; 9:6–15

A tibwauaia ma te kukurei Aia Itiaki te bwai ae a na kakabwaiaia rarikin ao kainnano.

• E a tia te Atua n tuangiia Ana aomata Aika Itiaki bwa a na ibuobuoki n tararuaia naake a kainnano, ao kibuntaeka inanon 2 I-Korinto 8–9 a kona ni kaungaia kaain am kiraaiti n aia kekeiaki. Ni buokiia ni kakaei kibuntaeka aikai, koroi iaon te burakibooti titiraki n aron Bukin tera ti anga? ao Ti na kanga n anga? A kona iteran te kiraati ni kakaei rekeia inanon 2 I-Korinto 8:1–15, ao iteraia are teuana a kona ni kakaea inanon 2 I-Korinto 9:6–15. (Ko kona ni kabwarabwara bwa inanon mwakoro 8, verses 1–5, Bauro e taetae ibukiia Aika Itiaki aika I-Maketonia bwa banna ni katooto n te angabwai ma te tangira.) Ana kanga reirei aika a reiakinaki iroun Bauro ni buokira n tararuaia rarikin ao kainnano?

2 I-Korinto 11:1–4

Ti riai ni kabanea ara iango iaon “te itiaki are inanon Kristo.”

• N tabetai a namakina te namakin ae korakora kaain te Ekaretia ma tangirakin te maiu—n raonaki ma te bwai ae a kona n noria ae kainnanoan te kan riki bwa kaain ae Itiaki ni Boong aika Kaitira. E reirei Bauro iaon taekan “te itiaki are inanon Kristo” (2 I-Korinto 11:3) e kona n ibuobuoki. Tao kam kona ni bootaki ni wareka 2 I-Korinto 11:3 ao maroroakinna bwa tera ae nanonaki n te kibuntaeka “te itiaki are inanon Kristo”. Ko kona naba n tuangiia kaain te kiraati bwa a na iangoia ae a kaoaki bwa a na korea kabwarabwaraan a na euangkeri Iesu Kristo ibukin te nutibeeba, ma mwaitin te taeka ae 100. Anganiia aia tai ni korea aia kabwarabwara, ao tibwauaia mangaia n tatabemania te bwai ae a koreia. Ngkana a kainnanoa te ibuobuoki, a kona n taraa Ioane 3:16–17; 3 Nibwaai 27:13–21; ana rongorongo Beretitenti Dieter F. Uchtdorf inanon “Bwaai n Ibuobuoki Riki Tabeua.” A kona kaain te kiraati n tibwauai aia iango bwa a na kanga ni “kabebetea [ara] kawai nakon te aro n riki bwa a na reirei.”

2 I-Korinto 12:5–10

Ana akoi te Tia Kamaiu e tau ni buokira ni karekea te korakora man mamarara.

• Tera ae ko na taekinna nakon raoraom ae e a tia n tataro ibukin kamaiuakina man rawawtana ma e namakinna bwa e aki kaekaaki ana tataro? Iangoia ni kaoia kaain te kiraati bwa a na iangoa te titiraki aei ngkana a karaurau ni wareka 2 I-Korinto 12:5–10. Ngkanne a kona n tibwauai atatai aika nano man kiibu aikai ae na kona ni buokiia man te kangaanga aei. A kona naba n tibwauai taneiai ngkana, rinanon ana nanoanga Iesu Kristo, ke ni Mwakana mai ieta ao Ana ibuobuoki, a kunea te korakora ao e toki te mamaara. E kanga te taneiai anne ni kakorakora maiuia? Bukin tera ngkai e kakawaki onimakinan ana tai te Uea?

Bwaai n Ibuobuoki Riki Tabeua

Ti kona ni kabebetei arora ni maiuakina te euangkerio.

E reirei Beretitenti Dieter F. Uchtdorf:

Tariu ao mwaaneu, maiuakinan te euangkerio e na aki karaoaki bwa te bwa ae kangaanga.

“Te bwai ae na bebete. E kona ni kabwarabwaraaki n aron aei:

• Ongoraeakin ana taeka te Atua ma te nano ni koaua e kairiira nakon onimakinan te Atua ao ni kakoauai Ana berita.

• Ngkana e korakora ara onimaki iroun te Atua, ao e na korakora riki kaonakin nanora ma te tangira Ibukina ao ibukira n tatabemanira nako.

• Ibukin ara tangira ibukin te Atua, ti tangiria n Iria ao ti na karaoi bwaai aika a nakoraoi ma Ana taeka.

• Ibukina bwa ti tangira te Atua, ii tangiria ni beku Ibukina; ao n nako ni kakabwaiai maiuia tabeman ao ni buokia rarikin ao kainnano.

• Mwaitin nakonakora ni kawain ana reirei Iesu, ao bon mwaitin riki nanora ni kan reirei ana taeka te Atua.

“Ngaia ae waaki nako, ni katoa tai nakon te mwaneka are imwiina ao ni kaonrakeira ma te onimaki, te kantaninga, ao te tangira ae rikirake.

“E na tikiraoi aron bebetena, ao e na mwakuri n ae tikiraoi.

“Tariu ao mwaaneu, ngkana ko aki toki n iangoia bwa e aki nakoraoi te euangkerio ibukim, I kaoko bwa ko na tei n iango, taraa maium man te tabo ae rietaata riki, ao ni kabebetea am kawai ni maiuakin maiun Ana reirei. Kabanea am iango iaon reirei, tuua, ao karaoakin te euangkerio. I berita bwa e na kairiko ao e na kakabwaiako te Atua ni kawaim ni kakoroannanon te maiu, ao e na mwakuri raoi riki te euangkerio ibukim” (“It Works Wonderfully,” Liahona, Nobembwa. 2015, 22).

Kanakoraoan Ara Anga reirei

Uaia ni mwakuri ma kain te utu. “Aomata ake e korakora aia kakairi iaon temanna te aomata—n ae e raoiroi ke ae buakaka—bon koraki ake a mena ni mweengan teuaane ke neienne. Ibukina bwa te mweenga bon te tabo ni koaua ibukin maiuakinan ao reiakinan te euangkerio, am kekeiaki ni kakorakoraia kain am kiraati e na rangi n nakoraoi ngkana ko uaia ni mwakuri ma … kaain am utu” (Anga Reirei n Ana Kawai te Tia Kamaiu, 8).