Te Tia Kamaiu ae tia ni manga kautaki e kawara Bauro n te karabuti (taraa Mwakuri 23:11). Iesu Kristo e kona ni kainaomataira man te “amo n toronaki” (I-Karatia 5:1).

Tebetembwa 25–Okitobwa 1

I-Karatia

“Nakonako Inanon te Tamnei”

Ngkana ko tataro mwaaka ni wareka ao n iangoa I-Karatia, ao e na reireiniko te Uea te bwai ae ko na kainnanoia n tibwauaia ma am kiraati. Korean mwiin am namakin e kaota te kakaitau nakon te Atua ibukin Ana ibuobuoki.

Kaunga te Tibwatibwa

Kamatebwaian koroboki aika a tabu n tainako ao e na kairiiri nakon maroroakinan te euangkerio ma te utu ke ma raoraom aika uaana. E riki aio nakoia kaain am kiraati n te wiiki aei? Kaungaia bwa a na tibwauai bwaai ake a rinanona.

Reirei te Reirei

I-Karatia 1:6–7; 3:1–5; 4:8–21; 5:1, 13–14

Ana euangkerio Iesu Kristo e anga te inaomata.

• Kamatebwaian te boki teuana man booki aika tabu e bebete riki ngkana ti ataia bwa bukin tera e koreaki. Ibukin bukina aei, e na raoiroi moanakin am marooro iaon I-Karatia ma te titiraki n aron “Tera n am iango ana kantaninga Bauro ngke e korea te reta aei?” ke “Tera te kangaanga ae kataia Bauro ni buokia?” Tuangiia kaain te kiraati bwa a na tarai kanikina inanon I-Karatia 1:6–7; 3:1–5; 4:8–21. E kanga ana rongorongo Bauro ni uaana nakoira n te bong aei?

• Tabeman I-Karatia Aika itiaki a kainnanoia n reitanako maiuakinan ana tua Mote. Iroun Bauro, aio ti tebo ma te maeka n te “amo n toronaki” ni kabotauaki ma te “inaomata” are e anganiira Iesu Kristo (I-Karatia 5:1). Ni buokiia kaain am kiraati n iangoa raoi ana reirei Bauro iaon te inaomata ao te tautoronaki, ko kona n tuangiia bwa a na aran katei ao mwakuri ake a tiana aron rikirakera ao ara waaki n te maiu n tamnei (n aron kateira, katei aika bubuaka, koaua aika kewe, ke ni kabanei ara iango iaon mwakuri ni kamoamoa nakon te rairaki nakon te euangkerio). Ni kaineti ma I-Karatia 5:1, 13–14, ti na kanga ni karekea te inaomata man katei ao mwakuri aikai? Ti kanga n tia n rinanon te inaomata are kuneaki rinanon Iesu Kristo? Ti na kanga ni kaekaa te aomata are e namakinna bwa maiuakinan te euangkerio e tiana inaomatan te aomata?

I-Karatia 5:16–26

Ngkana ti “nakonako iroun te Tamnei,” ti na karekea “uaan te Tamnei.”

• A mwaiti aomata aika a kekeiaki ni kan kinaa a na kairoro te Tamnei. I-Karatia 5 e kona n ibuobuoki. Ko kona n tuangiia kaain te kiraati bwa a na rinanon I-Karatia 5:22–25 ni kakaei ana taeka Bauro aika e kabonganai ni kabwarabwara uaan te Tamnei. Bukin tera te uaa bon te kabotau ae raoiroi ibukin te kawai ae na kona te Tamnei ni kairoroira? Tao a kona kaain te kiraati n tibwauaia bwa e na kanga te uaa aei n tia n riki bwa te bwai ni kakoaua inanon maiuia ke ni maiuia aomata aika a kinaia. Tabeua bwaai n ibuobuoki riki tabeua aika kam na ukeri a kuneaki inanon Mataio 7:16–18; Ioane 14:26–27; Moronaai 7:13–17; Reirei ao Berita aika Tabu 11:12–13; ao ana taeka Beretitenti Gordon B. Hinckley inanon “Bwaai n Ibuobuoki Riki Tabeua.”

Ti kona ni karekei “uaan te Tamnei” ngkana ti ukoukoria.

I-Karatia 6:7–10

Ngkana ti unikia “nakon te Tamnei,” ti na karekei kakabwaia n te tai ae riai.

• Kamatebwaiakan I-Karatia 6:7–10 e kona ni buokiia kaain te kiraati n iangoia n ae korakora riki mwiin aia rinerine aika teimaan. N te aro bwa ko na buokiia, ko kona n uoti koraa n aekaia nako, n raonaki ma aroka, uanikai, ke banikai ake a rikirake man kora aikai (ke ko kona ni uoti tamnein bwaai aikai). A kona kaain te kiraati ni botaki ni mwakuri ni kabotaui koraa n tatabeua nako ma te bwai ae karikia. Ngkanne a kona ni wareki kiibu 7–10 ao n taetae iaon te bwai ae nanonaki n unikia “nakon [te] rabwata” ao “nakon te Tamnei.” (Te rongorongo mairoun Unimwaane Ulisses Soares inanon “Bwaai n Ibuobuoki Riki Tabeua” e kona n ibuobuoki.) Tera uaana ae raoiroi ae ti karekea ngkana ti unikia nakon te rabwata? Tera uaana ae raoiroi ngkana ti unikia nakon te Tamnei? (taraa I-Karatia 5:22–23).

• Tabeman kaain te kiraati a na namakina te “kakaraoa ae raoiroi” (I-Karatia 6:9)—bukina bwa aki koaua ae a tia ni kariki uaa aia mwakuri. Maroroakinan I-Karatia 6:7–10 e kona n ibuobuoki. Ni kabwarabwarai kiibu aikai, kaoa temanna inanon te kiraati bwa e na taetae n ae kimototo te tai are ngke teuanne ke neienne a kainnanoa te taotaonakinnano ngke a kataia ni unika te bwai teuana. Tera ae na reireiniira ana taneiai te aomata aei, n raonaki ma I-Karatia 6:7–10, a ra kekeiaki ni kataia n “nakonako Inanon te Tamnei”? (I-Karatia 5:25).

Bwaai n Ibuobuoki Riki Tabeua

Uaan te Tamnei.

E reirei Beretitenti Gordon B. Hinckley: “Ko na kina ana kairoro te Tamnei man uaan te Tamnei—are e kaotaia, are e kateia, are e raoiroi ao ni kamatoaira raoi ao ni kakorakoraira ao ni kairiira nakon iango aika raraoi riki ao taeka aika raraoi riki ao mwakuri aika raraoi bon ibukin Tamnein te Atua” (Teachings of Presidents of the Church: Gordon B. Hinckley [2016], 121).

Unikia inanon te Tamnei.

E kabwarabwara Unimwaane Ulisses Soares: “Te ununiki inanon te Tamnei e nanonaki n ae a riai ara iango, taeka, ao ara mwakuri ni uotira rake nakon aia karinan ara karo i karawa. E ngae n anne, e nanonaki te iriko ni booki aika tabu bwa te rabwata ke nanona ao n arona n aomata, are e kariaia aomata bwa a na kai reke irouia te kai rotaki, tangirakin te bwai, te baki, ao tarakin te iriko irarikin taraakin kairi mairoun te Tamnei ae Raoiroi.” (“Abide in the Lord’s Territory!,” Liahona, Meei 2012, 39).

Kanakoraoan Ara Anga reirei

Buokiia taan kamatebwai bwa a na boutokaiia bon imarenaia. “Aomata nako inanon am kiraati bon bwaai ni kakoaua aika bongana, n aia atatai, ao n aia taneiai ni maiuakinan te euangkerio. Tuangiia bwa a na tibwauaia ma ao ni buokiia bon imarenaia” (Anga Reirei n Ana Kawai te Tia Kamaiu, 5).