mitinare n aine n taetae nakon te ataeinimwaane

Okitobwa 16–22

1 ao 2 I-Tetaronike

“Ni Kakoroa Ae Tuai Ni Koro n Ami Onimaki”

Aramwa e reirei, “Tai onimakina naba temanna bwa e na riki bwa ami tia reirei ke ami minita, ma ti ngkana ana aomata te Atua, ae e nakonako ni kawaina, ao e tau ana tua.” (Motiaea 23:14). Tera ae taekinaki n te boki ae tabu aei iaon arom ni katauraoiko n angareirei?

te aikaon ibukin te tibwatibwa

Kaunga te Tibwatibwa

Anganiia kaain te kiraati tabeua te miniti ni kawaekoaia n rinanon 1 ao 2 I-Tetaronike ao ni kakaea te kibu are e anai nanoia. Tuangiia bwa a na tibwauai aia kibu ma temanna n te kiraati, ao titirakiniia tabeman toaia bwa a na tibwaua te bwai ae a reiakinna imarenaia.

te aikaon ibukin te anga reirei

Reirei te Reirei

1 I-Tetaronike 1:5–8; 2:1–13

A riai Ana toro te Uea ni kabwarabwara ma te koaua ao te tangira.

• Bauro e moana ana Reta nakoia I-Tetaronike man kauringakiia Aika Itiaki n aron te bwai are ngaia ao tabeman a tia n tibwaua te euangkerio ma ngaia. E kona n riki aio bwa te tai ae raoiroi ibukiia kaain am kiraati n rinanoi mwiin aia kekeiaki n aia anga reirei ao n aia kamatebwai imarenaia. Ko kona n tuangiia kaain te kiraati bwa a na wareka 1 I-Tetaronike 1:5–8; 2:1–13 ao ni karekei reirei aika kaineti ma tibwauakin te euangkerio n ae nakoraoi. A kona ngkanne ni koroi titiraki aika boboto iaon kiibu aikai ake a na buokiia n rinanoi mwiin aia kekeiaki n reireia te euangkerio nakoia tabeman. Te katooto, e kona te titiraki n aron “Ngai te tia kakairi ni bwaai aika I atai?” (taraa 1 I-Tetaronike 1:7). E kanga irakin reirei n te kibu man koroboki aika tabu aei ni buokiira ni buokiia riki naake ti reireiniia?

1 I-Tetaronike 3:9–13; 4:1–12

Ngkana ti iriira Iesu Kristo, ao E kona ni kamimitongiira.

• Bauro e reireiniia I-Tetaronike Aika Itiaki bwa “E aki weteira te Atua ibukin te kammaira, ma E weteira i nanon te kaitiakaki” (1 I-Tetaronike 4:7). Ni moana te marooro iaon te kaitiakaki am kiraati ke n tatabemaniia a na anenea “More Holiness Give Me” (Boki n Anene, nambwa. 131). Tuangiia kaain te kiraati bwa a na maroroakina aron te kaitiakaki ae taekinaki n te anene ae rianako nakoia. Koroia iaon te burakibooti Te itiaki ae bati riki e anganai, ae bati riki … , ao tuangiia kaain te kiraati bwa a na kakaei taeka ke kibuntaeka man 1 I-Tetaronike 3:9–13; 4:1–12 ni kabwanina te tiententi. Ti na kanga ni karikirakei katei aikai?

• Te kakao n riki n itiaki e na taraa ni kararaoma. E na kona n ibuobuoki ngkana ataia kaain te kiraati ae karikirakean te itiaki bon te waaki ae e anaa te tai are e tangiriira bwa ti na “kabatia riki tangiraia” inanon taina (1 I-Tetaronike 4:10). Ni kamataatan te waaki aei, ko kona ni kaoa temanna kaain te kiraati bwa e na taetae iaon te tarena ke te bwai ae e a tia ni korobukina are e anaa te tai ae teimatoa, n aron karaoan rabunan te kainiwene ke katangan te bwai ni katangitang. E kanga n titebo aei ma aron karaoan te riki n itiaki? Tuangiia kaain te kiraati bwa a na rinanon 1 I-Tetaronike 3:9–13; 4:1–12 ao n tibwauai nonoori n te mwakuri ae karaoaki n riki n itiaki ni kawai aika e kabwarabwarai Bauro. Tera ae e a tia ni buokiira ni waaki nakon te itiaki?

1 I-Tetaronike 4:11–12; 2 I-Tetaronike 3:7–13

Ti riai ni mwakuri ni karekei bon ibukira ao ake a kainnanoi.

• Titiraki n aron aikai e kona ni kaunga te marooro iaon ana reirei Bauro ni kaineti ma te mwakuri: Tera bwaai aika na riki man te taningaroti? Baikara kakabwaia aika reke man te mwakuri? Tera n am iango ae nanonna Bauro n taeka aika “te rau” ao “te rau ae bati”? (1 I-Tetaronike 4:11; 2 I-Tetaronike 3:12). Ko na bae n tangiria ni koroi titiraki n aron aikai iaon te burakibooti bwa a na iangoia ao ni maroroakinna kaain te kiraati ngkai a wareka 1 I-Tetaronike 4:11–12 ao 2 I-Tetaronike 3:7–13. Tera riki kiibu aika a buokira n ata kakawakin te mwakuri ao kangaanga n te taningaroti? (tarai iango inanon “Bwaai n Ibuobuoki Riki Tabeua”).

2 I-Tetaronike 2

Kitanan te koaua e na riki imwain Kauaokin Iesu Kristo.

• E na ibuobuoki maroroakinan tabeua kabotau aika a tia ni kabonganai burabeti ni kabwarabwara Kitanan te koaua, n aron te kekerikaki (taraa 2 I-Tetaronike 2:3), te rongo (taraa Amota 8:11–12), kameanti aika tiritiri aika a na aki akoa te nanai (taraa Mwakuri 20:28–30), ao taninga aika ngongo (taraa 2 Timoteo 4:3–4). Iangoia n tibwaua te kiraati ni kakauoman ao tuangiia bwa a na wareka teuana ke e raka riki koroboki aika tabu aikai (ke tabeua riki aika ko rinei) ao kabwarabwarai bwaai aika a reirei kiibu aikai iaon taekan Kitanan te Koaua ae Korakora. Tera bwaai aika a anga reirei iaona burabeti iaon Kitanan te koaua ao mwiina ae kona n reke?

• E ngae ngke e na aki manga rinanon te “kekerikaaki” te Ekaretia (2 I-Tetaronike 2:3) n aron are e riki n taai ake ngkoa, ti teimatoa ni kona n rinanon te kekerikaaki. Tera ae taekinaki n 2 I-Tetaronike 2 iaon aron reken te bwaka aei (tarai kiibu 9–10) ao ti na kanga ni kona n totokoia? (tarai kiibu 15–17).

te aikaon ibukin bwaai n ibuobuoki

Bwaai n Ibuobuoki Riki Tabeua

Koroboki aika a tabu iaon te mwakuri ao te taningaroti.

• Karikani Bwaai 3:19

• Mataio 21:28–32

• Motiaea 2:10–16

• Reirei ao Berita aika Tabu 42:42; 58:27; 60:13; 75:29

Kanakoraoan Ara Anga reirei

Kabonganai anga n anga reirei aika kakaokoro. E kona ni bebete karekean mwengaraoim ma te kawai n anga reirei ae ti teuana, ma kawai n anga reirei aika kakaokoro e na ia mwiina nakoia kaain te kiraati aika kakaokoro. Tarai kawai aika a na kanakoraoa aron am angareirei, n aron te witeo, te korotamnei, ke katangitang ke anganakiia kaain te kiraati aia tai n anga reirei (taraa Anga Reirei n Ana Kawai te Tia Kamaiu, 22).