“Okitobwa 23–29. 1 ao 2 Timoteo; Tito; Biremon: ‘Ko na Riki bwa Aia Tia Kakairi Aomata aika Onimaki,’” Nakomai, Iriirai—Ibukin te Reirei n Tabati: Te Nu Tetemanti 2023 (2021)
“Okitobwa 23–29. 1 ao 2 Timoteo; Tito; Biremon,” Nakomai, Iriirai—Ibukin te Reirei n Tabati: 2023
Okitobwa 23–29
1 ao 2 Timoteo; Tito; Biremoan
“Ko na Riki bwa Aia Tia Kakairi Aomata aika Onimaki”
Wareka 1 ao 2 Timoteo; Tito; ao Biremon ma kain am kiraati n am iango. Iango ao namakin ake a roko a na buokiko ni kairiia kain am kiraati nakon kiibu n koroboki aika a tabu aika irekereke ao n uota te Tamnei nakon am umwanreirei.
Kaunga te Tibwatibwa
E kona n ibuobuoki irouia kain te kiraati ngkana a ongora taekan aia tokanikai ao aia kangaanga ni kamatebwaian koroboki aika a tabu, n tatabemaniia ao n utu. Iangoia ni waakina te kiraati man kaoakiia kaina bwa a na taetae iaon te bwai are e rang n nakoraoi n aia kamatebwai ni koroboki aika a tabu.
Reirei te Reirei
Ataakin raoi te reirei ae koaua e na buokiira n ata te kekeweaki.
-
Kain am maiu n te tai are a kona ni kanganga n ataia bwa tera ae e koaua ao tera ae kairua. Timoteo ao Tito a maeka naba n te tai aei, ngaia are tao ana reirei Bauro e kona ni kakaawaki n te bong aei. Aikai tabeua kibun ana reirei Bauro: 1 Timoteo 1:1–7; 4:1–2, 6; 6:3–5, 20–21; 2 Timoteo 3:13–17; 4:2–4; Tito 1:7–9; 2:1, 7–8. Ko kona ni katabeia kain te kiraati n tatabemaniia bwa a na wareka teuana man kibuntaeka aikai ao n tibwaia teuanne ke neienne te bwai are e reiakinna iaon kakaawakin te reirei ae koaua (taraa naba Aramwa 31:5). E kanga ana reirei te Tia Kamaiu ni buokiira n totokoa te mwamwanaaki? Kain te kiraati a kona naba n tibwai taneiai are mwaakan te reirei ae koaua e kakabwaiaia.
“E na tai taku temanna ba akea bongam, ma ko na riki ba aia tia kakairi aomata aika onimaki” (1 Timoteo 4:12).
“Ko na riki bwa aia tia kakairi aomata aika onimaki.”
-
A kona kain am kiraati n aki ata mwaakan te banna ni kakairi ae raoiroi are a kateia. Iangoia ni kaoia bwa a na taetae iaoia aomata ake a kinaia, n raonaki ma kain te kiraati, n riki bwa banna ni kakairi irouia ana reirei Kristo. E kona n ibuobuoki te maroro ngkana a karinani taeka iaon te burakibooti inanon kibu 12 are kabwarabwara bwa ti na kanga n riki bwa banna ni kakairi—n te taeka, maroro (are e kona naba n nanonaki n te anua ke tein maiura), tangira ae itiaki, tamnei, onimaki, ao itiaki. Kain te kiraati a kona ni maroroakinna bwa a kanga n riki bwa bwaai ni kakairi irouia taan onimaki ni katoabong n aro aikai.
“Ba e aki anganiira te Atua te nano ae mamaku; ma E anganiira te nano ae korakora, ae tatangira te aba, ae kawanawana te aba.”
-
Bwaai aika kakaawaki n te wiiki aei n Nakomai, Iriirai—Ibukiia Aomata n Tatabemaniia ao Utu n tua bwa a taraia n 2 Timoteo ibukin ana reirei Bauro are e kaunga iai Timoteo n ana mwakuri n ibuobuoki. Butiia kaain te kiraati bwa a na tibwauai iango ake a tia ni kunei. Ke ko kona n anganiia tabeua te miniti n te kiraati bwa a na karekea ao n tibwauai ana reirei Bauro (mwakoro 1 iai inanona tabeua katoto aika tamaroa). A kona naba n tibwai aia taneiai ngke e buokiia te Atua n tokanikai iaon maakuia ao n anganiia “te tamnei … ae korakora, ae tatangira te aba, ae kawanawana te aba” (2 Timoteo 1:7).
Kamatebwaian koroboki aika a tabu e kona ni buokiira n tokanikai iaon kangaanga n te kabanea ni bong.
-
Imwiin ana kauring nakon Timoteo ibukin “taai aika kangaanga” aika a na roko, Bwauro e kakoaua ni mwaakan ao kakaawakin koroboki aika a tabu (taraa 2 Timoteo 3:1, 14–17). Ni waakina te maroro iaon koroboki aika a tabu e kona n i kakorakoraira n taai ni kangaanga, ko kona ni kaoia kain te kiraati bwa a na rinanon ana kabwarabwara Bauro ni kangaanga n te kabanea ni bong, ake a reke n 2 Timoteo 3:1–7. Imwiina a kona ni kakaei koroboki aika a tabu ake a tia ni buokiia ni kataniia man kangaanga n aron aikai (tabeua katoto a karinanaki ni “Bwaai n Ibuobuoki riki Tabeua”). E kanga kamatebwaian koroboki aika a tabu ni kataniira man kangaanga n te aonaaba ni boong aikai?
-
Kamatebwaian ana reirei Bwauro ibukin mwaakan koroboki aika a tabu e kona n riki bwa te tai ni kaungaia kain te kiraati imarenaia n aia kekeiaki ni kamatebwaia ana taeka te Atua. Tao a kona kain te kiraati ni wareka 2 Timoteo 3:14–17 ao ni katerei kakabwaia ao katantan ake a roko man kamatebwaian koroboki aika a tabu. Ngkanne a kona n tibwa aia taneiai ngkana a karekei kakabwaia aikai ibukin aia kamatebwai ni koroboki aika a tabu. Ko kona naba n anganiia kain te kiraati bwa a na iangoa te bwai are a kona ni karaoia ni karekea te taneiai ae manena man koroboki aika a tabu, ao bon ibukiia n tatabemaniia ao n aia utu.
Bwaai n Ibuobuoki Riki Tabeua
Koaua ni koroboki aika a tabu ake a kataniira man kangaanga n te kabanea ni bong (taraa 2 Timoteo 3:2).
|
Kangaanga n te Kabanea ni Bong |
Koaua ake A Kataniira |
|---|---|
Kangaanga n te Kabanea ni Bong Taan tangiriia ibon irouia | Koaua ake A Kataniira |
Kangaanga n te Kabanea ni Bong Mamataai | Koaua ake A Kataniira |
Kangaanga n te Kabanea ni Bong Kainikatonga | Koaua ake A Kataniira |
Kangaanga n te Kabanea ni Bong Kamoamoa | Koaua ake A Kataniira |
Kangaanga n te Kabanea ni Bong Taan tataebuaka | Koaua ake A Kataniira |
Kangaanga n te Kabanea ni Bong Aki ongotaeka irouia kaaro | Koaua ake A Kataniira |
Kangaanga n te Kabanea ni Bong Aki kakaitau | Koaua ake A Kataniira |
Kangaanga n te Kabanea ni Bong Aki mutiakina te Atua | Koaua ake A Kataniira |
Kanakoraoan Ara Anga reirei
Te rikirake n te maiu n tamnei e riki n te mweenga. Ko raoniia kain am kiraati inanon te tai ae kimototo uoua te tai n te namwakaina. A mwaiti ibuakoia aika a karekea te taneiai ae kakaawaki n te maiu n tamnei i tinanikun te kiraati, ao taneiai aikai a kona ni kakorakoraia kain te kiraati ake tabeman n te kiraati. Anga titiraki ake a kaungaia kain te kiraati bwa a na tibwai bwaai ake a reiakini ngkai a kamatebwaia te euangkerio ni mweengaia. (Taraa Teaching in the Savior’s Way, 18.)