“Okitobwa 30–Nobembwa 5. Ebera 1–6: ‘Iesu Kristo, ‘te Tia Karika te Maiu are e Aki Toki”’” Nakomai, Iriirai—Ibukin te Reirei n Tabati: Te Nu Tetemanti 2023 (2021)
“Okitobwa 30–Nobembwa 5. Ebera 1–6,” Nakomai, Iriirai—Ibukin te Reirei n Tabati: 2023
Balm of Gilead, iroun Ann Adele Henrie
Okitobwa 30–Nobembwa 5
Ebera 1–6
Iesu Kristo, “te Tia Karika te Maiu are e Aki Toki”
Iangoia n tibwaia ma kain am kiraati tabeua namakin ake ko karekei mairoun te Tamnei ae Rairoi iaon Ebera 1–6. Karaoana e kaungaia bwa a na ukoukora te wirikiriki nakoia ngkai a kamatebwaia koroboki aika a tabu.
Kaunga te Tibwatibwa
Tabeman kain te kiraati ake aki tibwatibwa n tainako a kona ni kainnanoa te kakao ae onoti ao te tai ae uarereke ni katauraoi. Ko kona n reitaki ma tabeman teuana te bong ke uoua imwain ae ko tuangiia bwa a na roko n tauraoi n tibwa te kibu man Ebera 1–6 are e bongana ibukiia.
Reirei te Reirei
Iesu Kristo bon “te tia karika te maiu are aki toki.”
-
Ko na kanga ni kaungaia kain te kiraati bwa a na tibwa koroboki aika a tabu aika boongana ibukin Iesu Kristo are a kunea n aia kamatebwai ibon irouia ao n aia utu n te wiiki aei? Iangoia ni karaoi nimaua kooram iaon te burakibooti, teuana ibukin moan mwakoro ake nimaua ni karinanini inanon Ebera. Kaoia kain te kiraati bwa a na korei inanon kooram kibu man mwakoro aikai ake a reirei taekan Iesu Kristo ao numbwan kiibu are e kuneaki iai te kibu anne. E kanga ataakin bwaai aikai ibukin te Tia Kamaiu n roota am onimaki irouna ao ingaingam ni kan iriiria?
Iesu Kristo e korakai ni bwaai ni kabane ngaia are E kona n ota ao ni buokiira ngkana ti korakai.
-
Ebera 2:9–18; 4:12–16; 5:7–8 e kona ni buokiia aomata aika a noora te korakai n te aonaaba ao a titiraki ngkana e nooria te Atua ke n tabe iai. Tao kain te kiraati a kona ni kakaei kiibu aikai ni karekei koaua ake a na buokiia ma aekakin titiraki akanne. Tera ae a taekinaki ni kibu ake a taekin aron te Tia Kamaiu nakoia aomata ake a korakai? E kona naba n ibuobuoki kaoakiia kain te kiraati bwa a na tibwai tabeua katoto man koroboki aika tabu are e boutoka ao e karaunanoia iai aomata Iesu Kristo ni korakaiia. (taraa “Bwaai ni Ibuobuoki riki Tabeua”) ke kaota te witeo “Mountains to Climb” (ChurchofJesusChrist.org). Kain te kiraati a kona ni maroro iaon te bwai are a reiakinna n aron te Tia Kamaiu ni kona ni buokiira ngkana ti kaitara ma kakaewenako aika matoatoa.
Ana kakabwaia te Atua a tauraoi nakoia ake a “aki kamatoai nanoi[ia].”
-
Ebera 3 ao 4 iai inanona te bubuti nakoia aika Itiaki bwa a na aki kamatoai nanoia ao n aki butimwaai kakabwaia ake e tangiria n anganiia te Atua. Ngkai ko wareware ma kain am kiraati Ebera 3:7–4:2, maroroakin kawai ake a rinanona kain Iteraera n taai ake rimoa ake a kaineti nakoira ni boong aikai, n ai aron are a karaoia nakoia I-Ebera ni moan tein te Ekaretia (tarai bwaai ni kamatebwai ibukin kibu aikai n bwaai aika a kakaawakin te wiiki aei n Nakomai, Iriirai—Ibukiia Aomata n Tatabemaniia ao Utu). Tera ae ti kona ni karaoi ni kateimatoai nanora bwa a na marau ao ni waekoa ni kaeka nakon ana kantaninga te Uea? (taraa Taeka n Rabakau 3:5–6; Aramwa 5:14–15; Ita 4:15). Kain te kiraati a kona n tibwaia bwa a kanga ngaiia ke tabeman aika a kinaia n tia ni kakabwaiaki ibukina nanoia e marau ao e uruaki.
Naake a beku n abanuean te Atua a riai ni weteaki iroun te Atua.
-
Te rongorongo n Ebera 5 ibukiia naake a taua te nakoanibonga ake a weteaki iroun te Atua ao a kona naba ni kabane naake a kaokoroaki man ana kariaia te nakoanibonga ni beku n nakoa n te Ekaretia. Ni buokaia kain am kiraati n reiakinna bwa tera ae e nanonaki “e weteaki iroun te Atua n aron Aaron,” iangoia ni kaoia bwa a na rinanon rongorongon Aaron ni karekean weteana Otinako 4:10–16, 27–31; 28:1. Tera te iango man te rongorongo aei ae buokiira bwa tina ota iai Ebera 5:1–5? Kain te kiraati a kona n tibwai bwa a kanga ni karekea te kamatoa bwa temanna e weteaki iroun te Atua bwa e na karaoa te wewete ae onoti—tao n ikotaki ma ngaiia. E kanga te kamatoa anne ni buokiia bwa a na kamatoa raoi te aomata anne nakon ana wewete teuanne ke neienne?
“Ao akea temanna ae anaa te karineaki aei bwa karineana, ngkana e aki weteaki moa iroun te Atua, n ai aron naba Aaron” (Ebera 5:4). Mote e Wetea Aaron Nakon te Mwakuri ni Ibuobuoki, iroun Harry Anderson, ©IRI
Bwaai n Ibuobuoki Riki Tabeua
Katoto ni koroboki aika a tabu irouia aomata ake a karauaki nanoia iroun Iesu Kristo.
-
Ioane 8:1–11: Te Uea e karaua nanon te aine are te tia wenenibure.
-
Ioane 11:1–46: Te Uea e karaua nanon Maria ao Mareta imwin maten mwaneia, Rataro.
-
Enoti 1:4–6: Te Uea e kabwara ana bure Enoti ao e kamaunai kairuana.
-
Motiaea 21:5–15: Te Uea e kamaraui nanoia Reimwanaite bwa aonga ni kabebetei uotaia ana aomata Rimwaai.
-
Motiaea 24:14–15: Te Uea e kakorakoraia ana aomata Aramwa bwa aonga ni kona n uota uotaia.
-
Ita 12:23–29: Ana taeka te Uea e karaua nanon Moronaai.
-
3 Nibwaai 17:6–7: Te Tia Kamaiu e katoka aorakiia Nibwaite ni mamaraia.
-
Reirei ao Berita aika Tabu 121:7–10: Te Uea e karaua nanon Iotebwa Timiti (taraa naba Reirei ao Berita aika Tabu 123:17).
Kanakoraoan Ara Anga reirei
Karekea te eniwaromenta ae e mena iai te tamnei. Ngkana ko buoka rikiraken te enuwaromenta n am kiratiruum ae tau man tangira, te Tamei e na kona riki n riingi nanoia ake ko reireiniia. Tera ae ko kona ni karaoia ni kaoa ana wirikiriki te Tamnei inanon am kiraati? Ko kona ni manga bairei kaintekateka ke ni kabonganai tamnei ao katangitang ni kaoa te Tamnei? (Taraa Teaching in the Savior’s Way, 15.)