E tataekina te Euangkerio Iesu n te Aba n Tamnei, iroun Robert T. Barrett

Nobembwa 20–26

1 ao 2 Betero

“Kimwareirei n te Kakatonga ae Aki Konaaki n Atongaki”

Uringnga bwa am botoniango bon reireinakiia aomata, tiaki ti karaoan te angareirei. Ngkai ko wareka Ana Reirei Betero, iangoia kain am kiraati n tatabemaniia. Baikara reirei aika e na buokiia ni katea aia onimaki?

Kaunga te Tibwatibwa

Korei taeka aikai 1 Betero ao 2 Betero iaon te burakibooti. Anganiia te tai kain te kiraati bwa a na rinanon reirei aikai, ao kaoia bwa a na korei iaan atuun reirei aikai ke kibuntaeka ake a kunei bwa e kakaawaki. Imwiina kabonganai rinan ni kaoia aomata bwa a na tibwai aia iango.

Reirei te Reirei

1 Betero 1:3–9; 2:19–24; 3:14–17; 4:12–19

I kona ni karekea te kimwareirei unanon taai ni kataaki ao ni korakai.

• Teuana te kawai n rinanon ana reirei Betero n 1 Betero 1:3–9; 2:19–24; 3:14–17; ao 4:12–19 bon kaoakiia kain te kiraati bwa a na iangoa temanna ae a kina ae e rinanon te kangaanga. Anganiia te tai n te kiraati bwa a na korea te reta nakon te aomata anne, n raonaki ma koaua man kiibu aikai are a na kaunga iai te aomata anne (taraa naba Reirei ao Berita aika Tabu 121:1–8; 123:17). Imwiina kain te kiraati a kona n taetae iaon koaua ake a rinei.

1 Betero 1:13–20; 2:1–12

Ti weteaki bwa tina riki bwa “ana aomata te Atua.”

• Ana reirei Betero n 1 Betero 1:13–20 ao 2:1–12 e kona n riki bwa te kauring ae anainano n aron te Uea n nooriira—Ana aomata—ao te bwai are E kantaningaia mai iroura. Tao ko kona ni kaoia kain te kiraati bwa a na kakaei kibu aikai n taratarai kabwarabwara n te bwai are e nanonaki n riki bwa “ana aomata te Atua” (1 Betero 2:10) ao imwiina maroroakini bwaai ake a kunei. Ko na bae ni kabwarabwara bwa te taeka ae “peculiar” in 1 Betero 2:9 nanona “kabooaki” ke “kawakinaki” (tara footnote f). Tera ae ti reireinaki n aei n aron ana namakin te Atua ibukira ao arora ni maiuakina ae e tangiria?

1 Betero 3:18–20; 4:6

Te euangkerio e taetaekinaki nakoia mate bwa aonga ni kona ni motikaki taekaia n te motiraoi.

• Te Ana Moan Reta Betero iai inanona teuana man tabeua koroboki n te Baibara n rokon Iesu n te aba n tamnei imwiin Matena—te bwai are e buokiira ni matata riki iai n te kaotioti ae ngkai. Ni buokaia kain te kiraati ni karababa riki otaia n te aba n tamnei, ko kona ni kaoia bwa a na wareki koroboki aika a tabu aikai ao ni koreia bwa tera ae a reiakinna iaon te burakibooti: Ioane 5:25; 1 Betero 3:18–20; 4:6; Aramwa 40:7–14, 21; Reirei ao Berita aika a Tabu 138:11–32 (taraa naba “Bwaai ni Ibuobuoki riki Tabeua.”) Bukin tera e kakaawaki bwa tina ata taekan rokon te Tia Kamaiu n te aba n tamnei? E kanga te atatai aei n roota aron ara namakin ibukin te Atua ao Ana baire ni kamaiu?

2 Betero 1:1–11

Rinanon mwaakan Iesu Kristo, ti kona ni karikirakea arora mai karawa.

• Ni kaungaia naake ko reireiniia n aia kekeiaki n riki n ai aron riki Iesu Kristo, ko kona ni kaoia bwa a na kinai anuana ake a kabwarabwaraaki n 2 Betero 1:1–11. Iangoia ni korei anua aikai iaon te burakibooti ao n tuangiia kain te kiraati bwa a na kabwarabwarai. Kain te kiraati a kona ngkanne ni kabwarabwara bwa e kanga karikirakean teuana te anua n rikirake n anua ake tabeua. Katauraoa te tai ibukiia bwa a na iangoia bwa anua raa aika a tangiria ni karikirakea ni kabwaninna riki.

Ni katoai anuan Kristo ake ti karikirakei e buokiira n kairengarenga ma anua n riki bwa ana reirei.

Bwaai n Ibuobuoki Riki Tabeua

Te mwakuri ni kamaiu ibukiia mate e kakoauaki n ana mition Kristo.

E reirei Unimwaane D. Todd Christofferson:

“Tera tokin kawaia birion aika aki kona ni warekaki ake a tia ni maiu ao a mate n aki ata Iesu? N raonaki ma Kaokan bwai n ana euangkerio Iesu Kristo e a tia ni matata n aroia mate ake a tuai ni bwabetitoaki a kamaiuaki ao e kanga te Atua ni kona ni kakororaoaki, bon ti te Atua, ao ana nanoanga naba te Atua’ [Aramwa 42:15].

“E ngae ngkai n te maiu, Iesu e taetae ni burabeti bwa E na kabwarabwara naba nakoia mate [taraa Ioane 5:25]. Betero e tuangiia bwa e riki aei imarenan Taurakin te Tia Kamaiu n te kaibangaki ao Mangautina [taraa 1 Betero 3:18–19]. Beretitenti Joseph F. Smith e kakoaua n te mii bwa te Tia Kamaiu e roko n te aba n tamnei [tara Reirei ao Berita -Aika a Tabu 138:30, 33]. …

“Ingaingara ni kamaiuaia mate, ao te tai ao bwaai ake ti karaoi ibukin te kabaeaki anne, ake, iaoia ni kabane bon kaotan ara kakoaua ni kaineti ma Iesu Kristo. E riki bwa te reitaki ae korakora ngkai ti karaoi ni kaineti ma arona ni mimitong ao ana mition. E kakoaua, n te moan, Mangautin Kristo, kauoua, abwabwakin ana Mwakuri ni Kamaiu, kateniua, bwa Bon ngaia boton te kamaiu, te kaua, bwa E a tia ni katea aron te kamaiu, ao kanimaua, bwa E na manga oki.” (“The Redemption of the Dead and the Testimony of Jesus,” Ensign, Nov. 2000, 9–10).

Kanakoraoan Ara Anga reirei

Reireia “bukin tera.” “N tabetai taan reiakinaki—riki te roronrikirake—a titiraki bwa e kangaa reirein te euangkerio n irekereke nakoia ke bukin tera ngkai a na kawakin tua akanne. Irarikina, ngkana a mataata n ana babaire ae akea tokina Tamara are i Karawa ibukin kukureia Natina, nanon te reirei n te euangkerio ao tuua a na mataata ao te kan ongeaba e na rikirake” (Teaching in the Savior’s Way,20).