Iesu Kristo e ngare ngke e tekateka ma ataei aika ngare naba

Perfect Love, iroun Del Parson

Nobembwa 27–Ritembwa 3

1–3 Ioane; Iuta

“Te Atua Bon te Tangira”

Tera botoniango ao reirei aika a rianako nakoim ngke ko wareka 1–3 Ioane ao Iuta? Ko na kanga ni kabonganai ni buokiia kaain ama kiraati?

te aikaon ibukin te tibwatibwa

Kaunga te Tibwatibwa

Tuangiia tabeman kaain te kiraati bwa a na tibwauai botoniango ke koaua aika onoti aika rianako nakoia ngkai a kamatebwaia Ana Reta Ioane ao Iuta. Tera taian rongorongo man taian reta aikai aika kaineti riki nakoia ao aia utu?

te aikaon ibukin te anga reirei

Reirei te Reirei

1 Ioane 1:5–10; 2:3–11; 3:1–3; 4:7–21; 5:1–3

Tamara are i Karawa ao Iesu Kristo bon banna ni katooto aika kororaoi n te oota ao te tangira.

• Ko na kanga ni buokiia naake ko reireiniia bwa a na kina otan ao ana tangira te Atua ni maiuia? Ko bae ni moanna man korean taeka ota ao tangira iaon te burakibooti. Tuangiia kaain te kiraati bwa a na tibwauai taeka riki tabeua aika roko n aia iango ngke a iangoi taeka aika uoua aikai. A kona ngkanne kaain te kiraati ni kamatebwaia teuana te kibuntaeka man te baibara, n tarai kiibu aika a reirei taekan te ota ao te tangira: 1 Ioane 1:5–10; 2:3–11; 3:1–3; 4:7–12; 4:16–21; 5:1–3. Tuangiia tabeman mai ibuakoia bwa a na tibwauai ma te kiraati te bwai ae a kunea. Ko kona naba ni kaoia kaain te kiraati bwa a na tibwauai aia tataneiai ngkana a tia n namakina otan ao ana tangira te Atua.

• Ko kona ni kaoia kaain te kiraati bwa a na taraa te ota n te tiiring ke te ota man te winto ao n tibwaua te bwai ae ataia man otan te taura. E kanga te ota n rabwata n titebo ma te ota n tamnei? A kona kaain te kiraati ni kamatebwai bwaai aikai ni kakaea bwa e kanga te Atua ao Natina ni katauraoa te ota ni maiura: Taian Areru 27:1; Ioane 1:4–5; 1 Ioane 1:5–7; 3 Nibwaai 11:11; Reirei ao Berita aika Tabu 88:6–13; ao te anene ibukin te ota, n aron “The Lord Is My Light” (Boki n Anene, nambwa. 89). A kona naba kaain te kiraati n tibwauai aia taneiai ma ukoukoran ao karekean tamnein te ota ni maiuia.

1 Ioane 2:18–28; 4:3; 2 Ioane 1:7–11; 3 Ioane 1:9–11; Iuta

Ti riai ni “[kakaonimaki] n ana reirei Kristo.”

• E kona ana reirei Ioane ao Iuta iaon kitanan te koaua ni buokiia kaain te kiraati n iangoia bwa a na kanga ni kateimatoa korakoran aia onimaki iroun Iesu Kristo. Tuangiia iteran te kiraati bwa ana ukori kabwarabwaraan reirei aika kewe ke kitanan te koaua inanon 1 Ioane 2:18–23, 26–28; 4:3; 2 Ioane 1:7–11; 3 Ioane 1:9–11 ao ake iterana a na ukoukori kabwarabwarakiia inanon Iuta. Ke a kona ni kakaai kaekaan titiraki n aron aikai: A kanga Ioane ao Iuta ni kabwarabwara ante-Kiritito? (taraa naba Kairi Nakon Koroboki Aika Tabu, “Antekirito,” scriptures.ChurchofJesusChrist.org). Iai te bwai inanon kiibu aikai aika a kaineti nakon kakaewenako aika ti kaitarai n te bong aei? Tera ae nanonaki n “[aki teimatoa] n ana reirei Kristo”? (2 Ioane 1:9).

• Iuta e kabonganai tamnei ni kabwarabwaraia taan reirei aika kewe, ke naake a “taetaebuakai baika a tuai n atai” (Iuta 1:10). Tuangiia kaain te kiraati tabeman bwa a na korei iaon te burakibooti tabeua tamnei aika kabwarabwaraaki inanon Iuta 1:12–13 ngke kaain te kiraati ake tabeman a na ketinna bwa tera te kibuntaeka are e koroia te aomata. A kanga tamnei aikai n tei ibukiia taan reirei aika kewe ao taan kakaitara kristo? Te katooto, a kanga katei aika babakanikawai ni karika “nukan [ara] amwarake n itangitangiri”? Tera ae ti kona ni karaoia ni kakorakoraira ni kaitaraia taan “kakaniko”? (taraa Iuta 1:18–21). Bukin tera e a tia Iuta n iangoia bwa ti na “nanoangaia” (Iuta 1:22) naake a kakanikoa te euangkerio?

aine a buokia ataei ni wareki booki aika tabu

“Akea au kimwareirei ae mwaiti riki nakon aei, ae te ongo ba a nakonako natiu n te koaua” (3 Ioane 1:4).

3 Ioane 1:1–4

E roko te kimwareirei ngkana ti buokiia tabeman “nakonako inanon te koaua.”

• Iai aomata n ami kiraati aika kona ni kairekerekea te bwai ae namakinna Ioane ngke e atonga ae kangai “akea au kimwareirei ae mwaiti riki” nakon ongoraean ae Kaio (temanna mai ibuakoia “natina”) e nakonako n te koaua. A kona kaain te kiraati n tekeraoi man te ongora nakon aia taneiai bon imarenaia. Tao kam kona ni moanna ni bootaki ni wareka 3 Ioane 1:1–4 ao booki aika tabu inanon “Bwaai n Ibuobuoki Riki Tabeua.” Tera ae a reireiniira booki aika tabu aikai iaon rikin te kimwareirei ni koaua? A kona kaain te kiraati n taetae iaon aia namakin ni karo, mitinare, taan kairiiri n te Ekaretia, ke taan reirei ngke ataia bwa aomata ake a reireiniia a nakonako inanon te koaua. Ko kona n reitaki ma tabeman kaain te kiraati imwain te kiraati ao n tuangiia bwa a na uoti tamneia aomata ake a buokiia ni uotiia nakon Kristo ao n taekina aia nonoori.

te aikaon ibukin bwaai n ibuobuoki

Bwaai n Ibuobuoki Riki Tabeua

Kiibu iaon buokaia tabeman bwa a na nakonako inanon te koaua.

• Te Tua-Kaua 6:6–7

• Taeka n Rabakau 22:6

• Ioane 4:36

• 1 I-Tetaronike 3:9

• Motiaea 4:14–15

• Aramwa 17:1–2; 26:11–37

• Reirei ao Berita aika Tabu 18:10–16; 50:22

Kanakoraoan Ara Anga reirei

Tataro ibukiia kaain am kiraati. N arona ngke e tataro te Tia Kamaiu ibukin Betero (taraa Ruka 22:32), ko riai n tataro n araia ake ko rerieiniia, n atai kainnanoia aika onoti. Ngkana ko karaoia, Tamara are i Karawa e na “katauraoi nanoia” (Aramwa 16:16) ao e na buokiko n ata te bwai ae ko na anga reirei iaona bwa aonga ni kona ni kaitarai kainnanoia (taraa Anga Reirei n Ana Kawai te Tia Kamaiu, 6).