“Ritembwa 25–31. Kaotioti 15–22: ‘Ane E Tokanikai Ao E na Bwaini Baikai,’” Nakomai, Iriirai—Ibukin te Reirei n Tabati: Te Nu Tetemanti 2023 (2021)
“Ritembwa 25–31. Kaotioti 15–22,” Nakomai, Iriirai—Ibukin te Reirei n Tabati: 2023
Te Kaawa ae Akea Tokina, iroun Keith Larson
Ritembwa 25–31
Te Kaotioti 15–22
“Ane E Tokanikai Ao E na Bwaini Baikai”
Tera te buaka imarenan te raoiroi ao te buakaka ae kabwarabwaraaki n Te Kaotioti ae reireiniko kakaawakin iriiran Kristo iaon te aba? Imwiin iangoan te reirei aei, iangoa kainnanoia kain am kiraati. Baikara koaua man Te Kaotioti ake a kona ni buokiia ni karaoi rinerine aika raraoi?
Kaunga te Tibwatibwa
Ngkai kain te kiraati a roko n tokin aia kamatebwai n aia Nu Tetemanti, kaungaia bwa a na tibwai aia iango iaon te Nu Tetamenti. Kaoia bwa a na tibwaia bwa e kanga aia kamatebwai n tia ni buokiia n ata riki Iesu Kristo ao ni kona riki n riki n ai Arona.
Reirei te Reirei
Ti riai ni katinanikuira man buakakan te aonaaba.
-
E bon aki kakukurei warekan taekan buakakan ao bwakan Baburon n Te Kaotioti 17–18, ma iai reireiara mai iai ibukina bwa e kona n riki bwa kanikinaean te buakaka are ti maiuakinna n te bong aei. Tao ko kona n tibwatibwai mwakoro aikai imarenaia kain te kiraati ao n tuangiia bwa a na taratarai kaekan titiraki n aron aikai: Bukin tera a katikaki nanoia aomata nako Baburon, ke te nano n aonaaba? Bukin tera e kakaamaku Baburon? Tera ae e na riki nakon Baburon? Baikara kauring ake e anganiira Ioane ni buokiira n totokoa buakakan Baburon?
-
Imwiin warekan Kaotioti 18:4, kain te kiraati a kon ani maroroakina bwa a na kanga ni kona n “otinako” mai Baburon ao n “aki riinga te bure.” A kona n tibwauai koroboki aika a tabu ke maroro mairouia taan kairiiri n te Ekaretia ake a tia ni buokiia n totokoa ana kariiri Baburon, ke te aonaaba. Iangoia ni mataku n te witeo “Dare to Stand Alone” (ChurchofJesusChrist.org) ke ni wareka ana maroro Unimwaane Quentin L. Cook n “Bwaai n Ibuobuoki riki Tabeua.” Kain te kiraati a kona n tibwai iaon aron karaoan nanon uoua reirei ake e taekini Unimwaane Cook. Tera ae nanonaki ae ti “otinako” mai Baburon? (taraa, te katoto, Itaia 52:11; Reirei ao Berita aika Tabu 25:10). Tera ae ti kona ni kaungaiia aomata bwa a na karaoa naba anne?
Ti kona ni katauraoi ibukin Kauaokin te Uea ao te Bong ni Motikitaeka.
-
Kauaokin te Tia Kamaiu e tataneiai n aranaki bwa “ana bong Iehova ae kakannato ae kakamaku” (Ioera 2:31), ao e boboto iaon Te Kaotioti 19–20, are e tara n ae te kabwarabwara ae nakoraoi. Iangoia ni korei iaon te burakibooti tabeua bwaai ake a riki ake a kabwarabwaraaki inanon Te Kaotioti 19:5–20:15. Kaoia kain te kirati bwa a na kakaei kibu ake a kabwarabwarai bwaai aika a na riki aikai. Bukin tera bwaai aika a na riki aikai a aranaki bwa a kakannato man kakamaku? Tera ae ti reiakinna man kiibu aikai iaon taekan te Tia Kamaiu ao naake a Iriiria? Tera ae ti kona ni karaoia ngkai n raoniia naake a na kimwareirei n te Rokona?
-
Ni kaunga te maroro iaon bokin te maiu ao te kabanea ni motikitaeka, ko kona ni kaoia kain te kiraati bwa a na karaoa te boki ae uarereke man rukuman te mwakoro ni beeba inanon aua mwakorokoro. A kona ngkanne ni wareka Te Kaotioti 20:12–15; 2 Nibwaai 9:14; 29:11 ao n iangoia bwa tera ae a na tangiria ni korea taekana inanon bokin te maiu. Kaoia bwa a na korei bwaai akanne inanon aia boki, ao kaoia kain te kiraati aika a boou bwa a na taekina te bwai are a korei. Baikara rinerine aika ti kona ni karaoi ngkai bwa aonga ni koreaki inanon bokin te maiu? Ni buokakiia kain te kiraati bwa a na aki bwarannano ibukin rikiraken maiuia n tamnei iangoia n tibwa te reirei man ana maroro Unimwaane Jeffrey R. Holland “Be Ye Therefore Perfect—Eventually” (Riaona, Nov. 2017, 40–42).
Te Kabanea ni Motikitaeka, iroun John Scott
Ngkana ti kakaonimaki, ti na kakabwaiaki ni mimitongin tiretio.
-
E ngae ngke e taekinaki n taetae ni burabeti boong aika kaitira bwa a na kaonaki n te buakaka ao te mangaongao, te kaniwanga are e nooria Ioane ibukiia aika kakaonimaki e riao riki nakon te karawawataki are e rimoana. Ni buokiia kain te kiraati bwa a na noora tamaroan kabaneana n nakon Te Kaotioti, ko kona ni kaoia bwa a na manga rinanon Te Kaotioti 21:1–22:5, n taratarai kiibu ake a anaaki nanoia iai bwa a na uaiakina mimitongin tiretio. Baikara berita ake a katauraoaki ibukiia aika kakaonimaki? E kanga te kabwarabwara aei ni buokiira ngkana ti kaitarai kakaewenakoara ao kataakira?
Bwaai n Ibuobuoki Riki Tabeua
Rinean ae raoiroi iaon buakakan Baburon.
E reirei Unimwaane Quentin L. Cook:
“Ti aki kona n totokoa ana kairoro te aonaaba. Kaokoroakira man bwaai aika a riki bon tiaki te kaeka. N taraakina ae nakoraoi, ara tibwatibwa nakon te aonaaba bon mwakoron ara kakaewenako ao e kakaawaki ngkana t na karikirakea ara tarena. …
… Kain te Ekaretia a riai n irekereke ni bwain te aonaaba n aroaro aika raraoi. Tina kanga ngkanne ni kabaeranti n anga nakon te aonaaba ao n taubang man bure n te aonaaba? [Taraa Reirei ao Berita aika Tabu 25:10; 59:9.] Uoua reirei aika a na karika te bitaki ae nakoraoi.
-
Angiina aomata bwa a na ataia bwa ngkoe ae Itiaki ni Boong aika Kaitira ko kabaeaki. …
-
Bwaina te kokoaua ao maiuakina am koaua” (“Lessons from the Old Testament: In the World but Not of the World,” Ensign, Feb. 2006, 54–55).
Kanakoraoan Ara Anga reirei
Karinea aia rinerine aomata. “Aomata a moanna n taraa ni karaoa te bitaki ae nano inanon maiuiia ngkai bitaki akanne a roko man kamwakuran aia rinerine. Ngkana ko kanakoa te kakao bwa e na mwakuriaki, kakoaua bwa ko karinea aia rinerine koraki ake ko reireiniia” (Teaching in the Savior’s Way, 35).