“Ritembwa 11–17. Te Kaotioti 6–14: ‘A Kataea Ana Kai … n Raraan te Tiibu te Teei,’” Nakomai, Iriirai—Ibukin te Reirei n Tabati: Te Nu Tetemanti 2023 (2021)
“Ritembwa 11–17. Te Kaotioti 6–14,” Nakomai, Iriirai—Ibukin te Reirei n Tabati 2023
Mwakorokoron korobanna iroun Eric Johnson: The Grand Council, iroun Robert T. Barrett; boota n itoi n ana mwamwannano te European Space Agency
Ritembwa 11–17
Te Kaotioti 6–14
“A Kataea Ana Kai … n Raraan te Tiibu te Teei”
E taku Iotebwa Timiti bwa te boki ae Te Kaotioti “teuana te boki ae moan te bebete te ota iai are e a tia ni karaoia te Atua bwa e na koreaki” (inanon te Tieno, Ritembwa 1842–Tuun 1844; Boki 2, 10 Maati 1843–14 Turai 1843, 98, JosephSmithPapers.org). Kam na kanga ni buokiia kaain te kiraati ni karekei koaua aika bebete inanon mwakoro aikai?
Kaunga te Tibwatibwa
Ni buokiia kaain te kiraati bwa a na rinanon tabeua nonoori aika a karekei ngke a kamatebwaia Te Kaotioti 6–14, korei nambwa aika 6 nakon 14 iaon te burakibooti. A kona kaain te kiraati ni koroia nako rarikin te nambwa atatai aika a kunei n te mwakoro are e irekereke mangaia aika a kaineti nakon temanna ae maiu ni boong aika kaitira.
Reirei te Reirei
Iesu Kristo e kabwarai kabaean te boki.
-
Ni buokiia kaain te kiraati ni kamatenanoa te boki ae kabaeaki ma taian kanikina aika itiua (taraa Te Kaotioti 5:1), ko kona ni kabwarabwara bwa niira ni boki n taai ake ngkoa a kabaeaki n tainako ma teutana te bokaboka ke nenean te taura te nenea. Te mwamwa ke te titambwa a na kateboaki nako nanon te bokaboka ke nenean te taura te nenea imwain ae matoatoa, ni kakoaua te kariaiakaki iroun te aomata are e kabaea te ninira ao n aki kariaia aomata ake akea kariaiakaia bwa a na kaukia. A kona kaain te kiraati n tibwauai iango ke namakin aika a tia ni karekei ngke a wareka taekan te boki aei inanon Te Kaotioti 6; Reirei ao Berita aika Tabu 77:6–7; ao te kamataata n te wiiki aei inanon Nakomai, Iriirai—Ibukiia n Tatabemaniia ao Utu. Bukin tera e kakawaki atakin nanon te boki aei n te kanikina? Bukin tera e kakawaki bwa ko na ataia bwa te Tia Kamaiu bon ngaia ae na kabwarai kabaean te boki ake kanikinaeana n tatabeua nako? (taraa Te Kaotioti 5:1–9).
“E riki te uea ao aonaba ba uean ara Uea.”
-
Te Kaotioti 7–11 e kona ni kangaanga te ota iai. Teuana te kakabwaia n te kiraati n te Reirei n Tabati bwa a kona membwa ni buokiia bon irouia ni kaotaia ni koroboki aika tabu. Ko kona ni koroi ni karinani titiraki aika a tia ni karekei membwa n te kiraati iaon mwakoro aikai ao kaoia bwa a na tibwauai aia atatai ma ngaia n tatabemaniia nako. Kaungaia kaain te kiraati ni kabane—naake a namakinna bwa e raka riki aia atatai ao naake a namakinna bwa e karako aia atatai—n tibwauai aia atatai iaon taekan mwakoro aikai.
-
Ko na moana te marooro man titirakinaia kaain te kiraati atuun rongorongo aika a okioki aika a kunei inanon Te Kaotioti 7–11. A kona n tibwauai kiibu ake a kona ni kuneaki iai atuun rongorongo aikai ao ni kabwarabwara bukina ngkai a rangi ni kakawaki atuun rongorongo aikanne. Ngkana a kainnanoa te ibuobuoki, ko kona n tuangiia bwa a na wareka Te Kaotioti 11:15–17. Tera atuun rongorongo aika a kunei ni kiibu aikai, ao e kanga atuun te rongorongo aei ni kabwarabwaraaki ni kiibu ake tabeua inanon Te Kaotioti 7–11? E ngae ngke mwakoro aikai a kabwarabwarai taian buaka ao kaiia, tera ae ti kunea are e anganiira te kantaninga ao te koaua iroun Iesu Kristo?
Ti tokanikai iaon Tatan “man raran te Tibutetei, ao n [ara] taeka ake ti kaotioti.”
-
Reiakinan taekan te Buaka i Karawa e kona ni buokiira n ataa raoi aron te maiu iaon te aba. A kona kaain te kiraati ni wareka Ana Rairairi Iotebwa Timiti, Te Kaotioti 12:7–11 (inanon ana appendix te Baibara) ao n arora n tokanikai iaon Tatan ao ana boutoka. Tera nonori riki tabeua aika ti karekei man rinnakoan te Buaka i Karawa inanon te Bible Dictionary ke Gospel Topics? (topics.ChurchofJesusChrist.org). Tera ae ti reiakinna ae kona ni buokira n tokanikai iaon te tia kakaitara?
-
Te buaka imarenan te raoiroi ao te buakaka e kabwarabwaraaki inanon Te Kaotioti 13–14. Tera ae reireiniira te mwakoro 13 iaon aron te raakon ni kaitara te buaka aei? Ni kaineti nakon mwakoro 14, e kanga aron te Tibuteteei ni buakanna? E na rang ni kakaongora ni koroi ni karinani aron kawaiia itera aikai n tatabeua nako ni kaitara te buaka aei ni kaineti nakon mwakoro aika uoua aikai. Tera kabotau ao kaokoro aika ti noori?
-
Tera ae nanonaki n ae te Tibuteteei e “kamateaki ma ngke e moa ni karikaki te aonaba”? (Te Kaotioti 13:8; taraa naba Te Kaotioti 5:6). Iangoia ni buokiia kaain am kiraati ni kakaei kaeka nakon te titiraki aei man warekan Motiaea 3:13 ao Mote 7:47 n te kiraati. Tera ae nanonaki n tokanikai iaon Tatan “n raraan te Tibuteteei”? (Te Kaotioti 12:11).
“I nora te anera temanna … ao iai i rouna te euangkerio ae aki totoki.”
-
Te kamataata n te wiiki aei inanon Nakomai, Iriirai—Ibukiia n Tatabemaniia ao Utu e bairei aron reiakinaia anera aika kakaokoro ake a kaoka “te euangkerio ae aki totoki … ake a maeka i aon te aba” (Te Kaotioti 14:6). Kaoiia kaain te kiraati bwa a na tibwaua te bwai are a reiakinna. Tera ae reireiniira Reirei ao Berita aika Tabu 133:36–40 ibukin Te Kaotioti 14:6–7? Ti na kanga n irekereke ma ana mwakuri te anera are taekinaki inanon Te Kaotioti 14:6–7? Ko kona naba ni kaota te witeo ae “The Work of These Last Days” (ChurchofJesusChrist.org).
Kanakoraoan Ara Anga Reirei
E Raoiroi ngkana ko kangai, “I aki ataia.” “Ngkai bon ae bwainaki n tangiria ni kaekai titiraki n tatabeua nako, n taai tabetai ao e riai bwa ko na taekina, ‘I aki ataia. Ti a kamatebwaia te titiraki bon iroura n te wiiki aei, ao ti kona ni maroroakinna n te tai are imwiina’” (Te Angareirei n ana Kawai te Tia Kamaiu., 24). Imwiina titirakiniia kaain te kiraati bwa a na ukoukori booki aika tabu ao ana bwai n ibuobuoki riki te Ekaretia ake tabeua ibukin taian kaeka.