Te Tiibu te Tei, iroun Jenedy Paige

Ritembwa 18–24

Kiritimati

“Te Rongorongo ae Raoiroi ae Kakimwareirei.”

Maroroakinan te euangkerio a kakorakora te maiu n tamnei ngkana a boboto iaon Iesu Kristo. Ngkai ko kamatebwaia bungiakin ao ana mwakuri Iesu Kristo n te wiiki aei, ukoukora te kairi mairoun te Tamnei ae Raoiroi bwa kona ataia bwa ko na kanga ni kabotoa te maroro n am kirati ae tamroa riki iaon te Tia Kamaiu.

Kaunga te Tibwatibwa

Kaoia kain te kiraati bwa a na tibwa te bwai are a karaoia ke a tia ni karaoia n taai aika a nako ibon irouia ke n utu ni bukamarua bungiakin te Tia Kamaiu n aro ake a kaniiaki riki nako Ina.

Reirei te Reirei

Mataio 1:18–25; Ruka 1:26–38: 2:1–20

Iesu Kristo e mangori ni bungiakina iaon te aba.

• Te Kiritimati bon te tai ae raoiroi n iango ao ni bukamarua kamangoran Kristo—Tauraoin nanona ni kiitana “ana bwareti Tamana i karawa, ni maeka ma aomata, ni mate ibukiia aomata nako” (“Again We Meet around the Board,” Hymns, no. 186). Ni kaunga te maroro iaon te maroro aei, ko kona n tuangiia kain te kiraati bwa tera ae a tia n reiakinna n aia kamatebwai ibon irouia ke n te utu n te wiiki aei iaon are antai Iesu Kristo imwain ae E bungiaki (taraa Ioane 17:5; Motiaea 7:27; Reirei ao Berita aika a Tabu 76:12–14, 20–24; Mote 4:2). Ngkanne ko kona ni kaota te tamnei n bwaai aika a kakaawaki n te wiiki aei inanon Nakomai, Iriirai—Ibukiia Aomata n Tatabemaniia ao Utu ngkai kain te kiraati a wareka taekan bungiakin te Tia Kamaiu (taraa Mataio 1:18–25; Ruka 1:26–38; 2:1–20). Kaungaia bwa a na tibwai aia iango ao aia namakin ngkai a kabotaua aron te Tia Kamaiu ni mimitong imwain te maiu ae mamate ma bungiakina ae mangori.

• Te titiraki n aron are e titiraki iai te anera nakon Nibwaai n 1 Nibwaai 11:16 e kona n riki bwa te kawai ae raoiroi ni waakina te maroro n te kirati, ke ko kona n taekinna n taekana ae kaokoro. Ke tao ko kona ni koreia iaon te burakibooti Tera aron ruon te Atua ni kamangoria? ao tuangiia kain te kirati bwa a na iangoa te titiraki aei ngkai a wareka 1 Nibwaai 11:17–33. Tuangiia bwa a na tibwai iango nako ibukin te Tia Kamaiu ake a kaotaki ni kibu aikai. Tera tamnei aika ko kona ni kaoti nakon te kiraati are e kaota tamnein maiun te Tia Kamaiu are e kabwarabwaraaki iroun Nibwaai? Kain te kiraati a kona naba n iangoa kamangoran te Tia Kamaiu ngkai a mataku ni Bungiakina, n aron “A Gift to the World,” “The Nativity,” ke “He Is the Gift” (ChurchofJesusChrist.org).

• Te katangitang bon te kawai ae tamaroa ni kaoan te Tamnei nakon am kiraati. Iangoia ni kaoa temanna bwa e na anenea kunan te Kiritimati ke ni wareware ke n anenei tabeua kuuna ni ikotaki n te kiraati (taraa Hymns, nos. 201–14). Kain te kiraati a konka n taratarai kibun kuna n taromauri aikai ao koroboki aika a tabu ake a karinanaki ma kuna ake a na karikirakea aia kakaitau ibukin te Tia Kamaiu ao Nanona ae ingainga n roko nakon te aonaaba.

Ketetemane, iroun J. Kirk Richards

Ruka 4:16–21; Ioane 3:16

Iesu Kristo e kakoroa bukin Ana mition, are ti a kona iai ni karekea te maiu ae akea tokina.

• Ni buokiia kain te kiraati ni maroroakini bukin bungiakin Iesu Kristo, ko kona ni kaoia bwa a na kakei ao n tibwai koroboki aika a tabu ake a kimototo ake a kabwarabwara Ana mitio (taraa bwaai aika a kakaawaki n te wiiki aei inanon Nakomai, Iriirai—Ibukiia Aomata n Tatabemaniia ao Utu ibukin tabeua katoto). Tao kain te kiraati a kona n taratarai ao ni wareki kibu n ikatoatoa ke n kurubu aika a uarereke. Tera ae a reiakinna n taekan ana mition Kristo man kiibu aikai ake a kunei? Tera ae ti reiakinna n Ana mition man tabeua koroboki aika a tabu ake E anga? (taraa Bible Dictionary, “Christ, names of”).

• Kain te kiraati a kona n reiakinaki man ana mition te Tia Kamaiu man warekan “Te Kristo ae Maiu: Aia Kakoaua Abotoro” (ChurchofJesusChrist.org) ao n tibwai rongorongo ake a kunei ake a kabwarabwara bwa bukin tera E roko iaon te aba. Anganiia kain te kiraati aia tai n iangoa aia koaua iroun Iesu Kristo ao Ana mition. A kona n tibwa aia taneiai ke rongorongo man maiun te Tia Kamaiu ake a tia ni karikirakea aia onimaki ke aia tangira Ibukina? E kanga kamatebwaian te Nu Tetamenti n te ririki aei n anga ae mwaiti riki nakon tain te Kiritimati ae nano riki? N rinanon tabeua rongorogo man te Nu Tetamenti kain te kiraati a tia n reiakinna ibukin te ririki aei, ko kona ni kaota te witeo “For God So Loved the World” or “To This End Was I Born” (ChurchofJesusChrist.org).

Kanakoraoan Ara Anga reirei

Kaokoroa aia tai taan kamatebwai bwa a na tibwatibwa. “Ngkana a tia taan kamatebwai n tibwauai bwaai aika a tia ni kamatebwai, a aki tii namakina te Tamnei ao ni kakorakorai aia koaua, ma a kaungaiia naba kain te kiraati tabeman ni kunei koaua i bon ibukiia. … Kaokoroa aia tai ataein te reirei n tibwatibwa ni katoa reirei—inanon tabeua keiti, kona bae ni kunea bwa marooro aikai bon reirei” (Teaching in the Savior’s Way,30).