Te Merekitereka e Kakabwaia Aberaam, iroun Walter Rane. Ana bwai n tituaraoi te tamnei

Nobembwa 6–12

Ebera 7–13

“Mataniwiia Ibonga i Bukini Bwaai Aika Raraoi Aika Nangi Roko”

Ngkana ko wareka Ebera 7–13, iangoia bwa tera ana rongorongo te Uea ibukiia kaain Ebera Aika Itiaki. Tarai naba Ana rongorongo nakoim ao aomata aika ko reireiniia.

Kaunga te Tibwatibwa

Imwain te kiraati, tuangiia tabeman kain te kiraati bwa a na roko n tauraoi n tibwauai kiibu man Ebera 7–13 are e na buokia ni “kaania [te Atua] ma nanora ni koaua n atakiraoin te onimaki” (Ebera 10:22).

Reirei te Reirei

Ebera 7–10

Otenanti ngkoa ao n taai aikai a boboto iaon Iesu Kristo.

• Te kamataata n te wiiki aei inanon Nakomai, Iriirai—Ibukiia n Tatabemaniia ao Utu a ukoukora Ebera 7 ibukin kibuntaeka aika a reirei taekan te Nakoanibonga ae te Merekitereka ao te kakoaua iroun Iesu Kristo. Tuangiia kaain te kiraati bwa a na tibwaua te bwai are a kunea. Ke ko na anganiia aia tai inanon te kiraati n rinanoa te mwakoro 7 ao kakaai kiibu ae reirei te nakoanibonga aei ao ana koaua te Tia Kamaiu. E kanga Merekitereka n titebo ma Iesu Kristo? (tarai atuun rongorongo n Merekitereka inanon kiibu 1–2). A kanga otenanti n te Nakoanibonga ae te Merekitereka ni buokiira n nakon Kristo? A kona kaain te kiraati ni kakaai kaekaaia inanon Gospel Topics, “Melchizedek Priesthood” (topics.ChurchofJesusChrist.org).

• E ngae ngke tiaki anga karea n taian man, ti irii otenanti n te bong aei are, n te kawai ae titebo, ni buokiira ni kaniira riki nakon Kristo ao e katauraoi “kawai aika kariaiakaki are a kona kakabwaia ao mwaakan karawa n rin inanon maiura n tatabemanira nako” (David A. Bednar, “Always Retain a Remission of Your Sins,” Liahona, Meei 2016, 60). Tao kam kona ni bane n ukoukoria bwa a kanga otenanti ngkoa aika kabwarabwaraaki inanon Ebera 8–10 ni kanikinaea ana mwakuri ni kamaiu te Tia Kamaiu. Te katooto, tera ae a tei ibukin raraan kao mwane ma kooti? (taraa Ebera 9:13–14). Tera ae tei ibukina te ibonga ae rietaata? (taraa Ebera 9:24–26). Te witeo “Sacrifice and Sacrament” (ChurchofJesusChrist.org) e kona n ibuobuoki. A kanga otenanti n taai aikai n tia ni kakabwaiaira ao ni buokiira ni uotiira nakon Iesu Kristo? Tera ae ti kona ni karaoia ni karaoi otenanti aikai bwa a na uaana ao ni kabotoa ara iango iaon te Tia Kamaiu?

Ebera 10:34–38; 11

Te onimaki e kainnanoa onimakinan ana berita te Atua.

• Ni buokiia kaain te kiraati ni kaotaia n ana reirei Bauro iaon te onimaki, ko kona ni moanna man tuangakiia bwa a na kanga ni kabwarabwara te onimaki n teuana te tiententi. Ko kona ngkanne, ni wareka ao ni maroroakinna n te kiraati nanona are e anga Bauro inanon Ebera 11:1. Ko kona ngkanne ni mwiokoia aomata n tatabemania bwa a na rinea temanna te aomata are e taekinaki inanon Ebera 11 ni kamatebwaia. A kona kaain te kiraati ni kabongana te footnotes ke te Kairi Nakon Koroboki Aika Tabu (scriptures.ChurchofJesusChrist.org) n rinanon ana taneiai te aomata inanon te O Tetemanti ao n tibwauaia ma te kiraati te bwai ae a kunea. A kanga aomata aikai ni kaotia ae a namakina “te aki nanokokoraki nakon baika kaantanigaki”? (Ana Rairairi Iotebwa Timiti, Ebera 11:1 [inanon Ebera 11:1, bwaai ake ana taraaki mai inano b]). A kona kaain te kiraati n tibwauai tabeua katooto irouia aomata aika iai irouia te onimaki. Ningai ae ti a tia iai ni kamwakura te onimaki iaon berita aika a tuai ni korobukiia?

• E kona te reirei nakoia Ebera Aika Itiaki aika a kataaki bwa a na “kerikaaki” man aia onimaki ni uaana nakoia kaain te kiraati aika iai aia kangaanga ma aia koaua. E kona naba ni buokiia naake a kataia ni buokiia naake a tangiriia n aia kangaanga n aia onimaki. Karekean te reirei aei, a kona kaain te kiraati ni wareka Ebera 10:34–38 ao ana rongorongo Unimwaane Jeffrey R. Holland inanon “Bwaai n Ibuobuoki Riki Tabeua.” Bukin tera n tabetai a naaki nanora bwa ti na tai kaki ara aki maku (taraa Ebera 10:35) iroun te Uea ao Ana euangkerio? Tera ae ti kona ni karaoia ni katea ao ni kateimatoa te onimaki n ara aki maku ni “karekea mwiin ana taeka n akoi te [Atua] ”? (Ebera 10:36). Taian witeo aika “Good Things to Come” ao “An High Priest of Good Things to Come” (ChurchofJesusChrist.org) a kona ni kanakoraoa te marooro aei.

Bwaai n Ibuobuoki Riki Tabeua

“Ma ngaia ae kam na tai kaki ami aki maku.”

E kaineti nakon Ebera 10:32–39, Unimwaane Jeffrey R. Holland e reirei:

“Ni koauana e matoatoa—imwain ae ko kaina te Ekaretia, ke ngke ko kataia ni kainna, ao imwiin are ko a tia ni kainna. Anne bukina ngkai e aki toki n ririki anne, e taku Bauro, ma tai kabwara nanom. Tai nako n nano ao ni mwaing nako. Tai kabua te onimakinaki. Tai mwaninga bwa ko kanga n namakinna n te taina. Tai kakewea te taneiai are iroum. …

“Ma iango aika kakawaki iai kauring ao babaire aika a na karaoaki, ma n te tai are iai te rongorongo ae boou, taraiko man te nano ni kan kitana te bwai ae raoiroi. Ngkana e eti ngkana ko tataroakinna ao n onimakinna ao ni maiuakinna, e bon eti n te tai aei. Tai kabwara nanom ngkana e a korakora te kariiri. … Kaitarai am nanokokoraki. Kaina maakum. ‘Kam na tai kaki ami aki-maku.’ Katoka kawaina ao taraa tikiraoin te maiu ae kabwaranakoaki ibukim” (“Cast Not Away Therefore Your Confidence,” Ensign, Maati. 2000, 8–9).

Kanakoraoan Ara Anga reirei

Nakon moa Koroboki aika a Tabu. A na riki koroboki aika tabu bwa ngaia oin bwaai n ibuobuoki n am kamatebwai ao n am katauraoi. Aia taeka burabeti ni boong aikai a kona ni kanakoraoi riki kainibaire n te mwakuri (taraa Anga Reirei n Ana Kawai te Tia Kamaiu, 17).