te utu ae tarai tamnei

Okitobwa 2–8

I-Ebeto

“Ibukin kakororaoaia aomata aika itiaki

Iango ao namakin ibukin tera ao aron te angareirei a na roko ngkana ko tataro mwaaka ni kamatebwaia I-Ebeto, taetae man maungatabu ni kabuta aika tibwa nako, te kamataata aei, ao Nakomai, Iriirai—Ibukiia n Tatabemaniia ao Utu.

te aikaon ibukin te tibwatibwa

Kaunga te Tibwatibwa

Iangoia ni kaoia kaain te kiraati bwa a na koroia n te tiententi ae uarereke iaon te burakibooti te bwai ae a reiakinna n aia kamatebwai n te wiiki aei. Rinei tabeua tiamwari, ao kaoia kaain te kiraati ake a koroia bwa a na tibwa aia iango.

te aikaon ibukin te anga reirei

Reirei te Reirei

I-Ebeto 2:19–22; 4:4–8, 11–16

Burabeti ao abotoro—ao ngaira ni kabane—ti kakorakora ao ni katiteuana te Ekaretia.

• Ko kona ngkoe ao kaain am kiraati ni bootaki ni katea te bwai ae na kamataata bwa e kanga te Ekaretia ni “kateaki i aon taian boua ake taan tuatua ma burabeti” ao e kanga te Tia Kamaiu n riki bwa “bouan te maninganinga are moan te kakanato”? (I-Ebeto 2:20). Tao a kona kaain te kiraati ni kanikinaai mwakorokoro ni kai ke mwangko beeba ao ni kateia bwa te taua ke te biramita, ma Iesu Kristo ao abotoro ao burabeti a katea aana. Ao ko kona ni kamatataa te bwai ae na riki ngkana Kristo ke abotoro ao burabeti a kakeaaki. Bukin tera atibun te maninganinga ae kakannato bwa te bwai ni kabotau ae tamaroa ibukin Iesu Kristo ao Tabena n te Ekaretia? (Ibukin kabwarabwaraan atibun te maninganinga, taraa “Bwaai n Ibuobuoki Riki Tabeua.”) A kona kaain te kiraati n rinanon I-Ebeto 2:19–22; 4:11–16 ibukin kakabwaia aika ti karekei ibukiia abotoro, burabeti, ao taan kairiiri n te Ekaretia ake tabeman. Tera ae ti kona ni karaoia ni katea maiura iaon aia reirei?

atibun te maninganinga n te kateitei

Iesu Kristo bon atibun te maninganinga n te Ekaretia.

• Ngkana a kakauonogo kaain am kiraati nakon te maungatabu ni kabuta man te moan tai are kam kaitibo iai, kaoia bwa a na tibwauaia bwa a kanga bwaai ake a reiakinaki n tain te maungatabu ni ibuobuoki ni kakoroa nanon te kantaninga inanon I-Ebeto 4:11–16.

• Kam kona n anganiia kaain te kiraati te tai teutana ni koroi tabeua “weteaki” ke tabera ngkai ngaira kaain Ana Ekaretia Kristo (taraa I-Ebeto 4:1)—te katooto, te tari ke te titita n ibuobuoki, te karo ae kakaonimaki, ana reirei Kristo, ao a mwaiti riki. Imwiina ao a kona ni kaibibiti bwaai ake a koroi ma te membwa n te kiraati riki teuana, wareka I-Ebeto 4:4–8, 11–16, ao tibwauaia bwa e kanga kakoroan nanon bwaai ake a koroi n ibuobuoki nakon katean rabatani Kristo. Ti na kanga ni botaki ni mwakuri bwa ti aonga ni katiteuanaki iaan “temanna te Uea, teuana te onimaki, teuana te bwabetito”?

I-Ebeto 5:25–6:4

Irakin ana banna ni katooto te Tia Kamaiu e kona ni kakorakora ara reitaki n ara utu.

• Ni buokiia kaain te kiraati ni karaoi nanon ana reirei Bauro ibukin aia reitaki utu, koroi titiraki n aron aikai iaon te burakibooti: Ti na kanga n ira ana banna ni katooto te Tia Kamaiu n aron are ti karaoia nakoia kaain ara utu? (taraa I-Ebeto 5:25). Tera ae nanonaki iroum ni “karinea tamam ao tinam”? (I-Ebeto 6:1–3). Ti na kanga ni kaikawaia ataei inanon “kawain te Uea”? (I-Ebeto 6:4). A kona ni maroroakin titiraki aikai kaain te kiraati inanon kurubu ke n te kiraati, ngkana a wareki kiibu ake a irekereke mangaai. Tuangiia kaain te kiraati bwa a na tibwauai katooto aika a tia n noori irouia aomata aika a maeka ni kawai ake e kabwarabwarai Bauro.

I-Ebeto 6:10–18

Ana taanga ni buaka te Atua e na buokiira ni kamanoira man te buakaka.

• Tera ibuobuoki aika a na kona ni kaungaia kaain te kiraati ni kekeiaki ni katikui iaoia ana otanga te Atua ni katoa bong? Ko kona ni katauraoa te waaki ni kakukurei are a kabotau iai kaain te kiraari mwakorokoron te otanga ma reirei ke ma bwaai aika tamaroa aika a tei ibukina, n aron are e kabwarabwaraaki inanon I-Ebeto 6:14–17. A na kanga mwakoron te otanga ni buokiira ni kawakiniira man te bure? (Ibukin ibuobuoki riki tabeua, taraa “Bwaai n Ibuobuoki Riki Tabeua.”) Ti na kanga ni katoka te otanga aei? Tera ae ti kona ni karaoia ni kinai ao ni kakorakorai mamaaran otangara?

te aikaon ibukin bwaai n ibuobuoki

Bwaai n Ibuobuoki Riki Tabeua

Tera atibun te maninganinga ae kakawaki?

Atibun te maninganinga ae kakawaki bon te moan atibu are e katukaki inanon aan te kateitei. E riki bwa bwaai n ibuobuoki ibukin ataakin abwakin ao karaoan bwiana riki ake tabeua, aika a riai n titebo ma atibun te maninganinga ae kakawaki. Bukina bwa e taui rawawtan kateitei ake tabeua, atibun te maninganinga ae kakawaki e riai ni matoatoa, akimwainging, ao n onimakinaki (taraa “The Cornerstone,” Ensign, Tianuare. 2016, 74–75).

Ana bwai ni buaka te Atua.

Kabaei nukami ma te koaua:Te mwakoro n otanga aei ti tebo ma te kabae are e kabaeaki iai te nuka. Te taeka kabaea e nanonaki naba n te matoa, te kakorakoraki, ke ni kamatoaki.

Otangan bwabwaami te raoiroi:Otangan te bwabwa e kamanoa te buro ao okan riki ake tabeua.

Rabunaki waem ma te katauraoi n te euangkerio n raoi:E kaeineti aei nakon otangan kamanoan waen te tautia.

Otangan te onimaki:E kona te otanga ni kamanoa mwakoron te rabwata ni kabane man buaka aika kakaokoro.

Te bwara te biti ni kamaiu:Te bwara te biti e kamanoa te atu.

Ana kabaang te Tamnei:Te kabaang ni karaoa te mwakuri ni kaitaraa am kairiribai.

Kanakoraoan Ara Anga reirei

Keiakina ana tangira Kristo. Am reitaki ma naake ko reireiniia a riai ni karaoaki ma te tangira. Ngkoe ma raom n reirei kam na kakabwaiaaki ngkana kam tataro ni karikirakea te tangira n aron Ana tangira Kristo ao n ukoukori kawai aika ko na kona ni kaoti iai (taraa Anga Reirei n Ana Kawai te Tia Kamaiu, 6; Moronaai 7:48).