mga sister nga misyonaryo nakig-istorya sa usa ka batan-ong lalaki

Oktubre 16–22

1 ug 2 Mga Taga- Tesalonica

“Ang Tanan nga Gikinahanglan sa Paglig-on sa Inyong Pagtuo”

Si Alma nagtudlo, “Ayaw pagsalig ni bisan kinsa nga mahimo nga inyong magtutudlo ni inyong mag-alagad, gawas kon siya usa ka tawo sa Dios, naglakaw diha sa iyang mga pamaagi ug naghupot sa iyang mga sugo” (Mosiah 23:14). Unsa ang gisugyot niini nga kasulatan kon unsaon nimo pag-andam ang imong kaugalingon sa pagtudlo?

pagpaambit nga icon

Dapita ang Pagpaambit

Hatagi ang mga sakop sa klase og pipila ka minuto nga motan-aw og kadali sa 1ug 2 Mga Taga-Tesalonica ug mangita og bersikulo nga nakapadasig kanila. Dapita sila nga ipaambit ang ilang mga bersikulo ngadto sa lain diha sa klase, ug dayon hangyoa ang pipila sa managpares nga ipaambit ang ilang nakat-onan gikan sa usag usa.

icon sa pagtudlo

Itudlo ang Doktrina

1 Mga Taga-Tesalonica 1:5–8; 2:1–13

Ang mga sulugoon sa Ginoo kinahanglan magsangyaw inubanan sa kasinsero ug gugma.

• Gisugdan ni Pablo ang iyang Sulat ngadto sa Mga Taga-Tesalonica pinaagi sa pagpahinumdom sa mga Santos bahin sa paagi nga siya ug ang uban mipaambit sa ebanghelyo ngadto kanila. Mahimo kining usa ka maayong oportunidad alang sa mga sakop sa imong klase sa pagtimbang-timbang kon kumusta na ang ilang pagtudlo ug pagkat-on sa usag usa. Mahimo nimong dapiton ang mga sakop sa klase nga mobasa sa 1 Mga Taga-Tesalonica 1:5–8; 2:1–13 ug motino sa mga baroganan nga may kalabotan sa pagsangyaw sa ebanghelyo sa epektibong paagi. Mahimo dayon nilang isulat ang mga pangutana base niining mga bersikulo nga makatabang kanila nga matimbang-timbang ang ilang mga paningkamot sa pagtudlo sa ebanghelyo ngadto sa uban. Sama pananglit, usa ka pangutana mahimong “Usa ba ako ka ehemplo sa mga butang nga akong nahibaloan?” (tan-awa sa 1 Mga Taga-Tesalonica 1:7). Sa unsang paagi nga ang pagsunod sa mga baroganan niining tudling makatabang kanato nga mas makapangalagad niadtong atong gitudloan?

1 Mga Taga-Tesalonica 3:9–13; 4:1–12

Samtang mosunod kita ni Jesukristo, Siya mohimo kanato nga balaan.

• Gitudloan ni Pablo ang mga Santos nga Taga-Tesalonica nga “Ang Dios wala magtawag kanato aron magpuyo kita sa sala kondili aron magkinabuhi kita nga balaan” (1 Mga Taga-Tesalonica 4:7). Sa pagsugod og panaghisgot mahitungod sa pagkabalaan, ang imong tibuok klase o ang usa ka indibidwal mahimong manganta sa Dugang Kabalaan Hatagi Ako” (Mga Himno, nu.77). Hangyoa ang mga sakop sa klase sa paghisgot sa mga hiyas sa pagkabalaan nga nahisgotan diha sa himno nga importante alang kanila. Isulat diha sa pisara ang Dugang pagkabalaan ihatag kanako, dugang … , ug dapita ang mga sakop sa klase sa pagpangita og mga pulong gikan sa 1 Mga Taga-Tesalonica 3:9–13; 4:1–12 sa pagkompleto sa kapahayag [sentence]. Unsaon man nato sa pagpalambo kini nga mga kinaiya?

• Alang sa uban, ang pagdapit nga mahimong balaan ingon og makahadlok. Tingali makatabang kon ang mga sakop sa klase makasabot nga ang pagpalambo sa pagkabalaan usa ka inanay nga proseso nga nagkinahanglan kanato “nga dugangan” sa paglabay sa panahon (1 Mga Taga-Tesalonica 4:10). Sa paghulagway niini nga proseso, mahimo nimong dapiton ang usa ka sakop sa klase sa paghisgot bahin sa talento o kalamposan nga nagkinahanglan og makanunayong paningkamot paglabay sa panahon, sama sa paghimo og quilt o pagtukar og instrumento sa musika. Sa unsang paagi nga susama kini sa proseso sa pagkahimong balaan? Dapita ang mga sakop sa klase sa pagrebyo sa 1 Mga Taga-Tesalonica 3:9–13; 4:1–12 ug sa pagpaambit og mga ideya mahitungod sa paningkamot nga gikinahanglan aron mahimong balaan sa mga paagi nga gihulagway ni Pablo. Unsa ang nakatabang kanato nga mouswag ngadto sa pagkabalaan?

1 Mga Taga-Tesalonica 4:11–12; 2 Mga Taga-Tesalonica 3:7–13

Kinahanglan kitang motrabaho aron makasangkap sa atong kaugalingon ug niadtong nanginahanglan.

• Ang mga pangutana sama sa mosunod makapadasig og panaghisgotan mahitungod sa tambag ni Pablo kalabot sa pagtrabaho: Unsa man ang mga sangpotanan sa pagkatapolan? Unsa ang mga panalangin sa buhat? Unsa kaha ang gipasabot ni Pablo sa mga pulong nga “mahilom” ug “kamalinawon”? (1 Mga Taga-Tesalonica 4:11; 2 Mga Taga-Tesalonica 3:12). Mahimo nimong isulat ang mga pangutana sama niini diha sa pisara nga pamalandongan ug hisgotan sa mga sakop sa klase samtang magbasa sila sa 1 Mga Taga-Tesalonica 4:11–12 ug 2 Mga Taga-Tesalonica 3:7–13. Unsa ang ubang mga kasulatan nga makatabang kanato nga masabtan ang kaimportante sa pagtrabaho ug sa mga kapeligro sa pagkatapolan? (tan-awa sa mga sugyot diha sa “Dugang nga Kapanguhaan”).

2 Mga Taga-Tesalonica 2

Ang apostasiya kinahanglang mag-una sa Ikaduhang Pag-anhi ni Jesukristo.

• Mahimong makatabang ang paghisgot sa pipila ka simbolo nga gigamit sa mga propeta sa paghulagway sa Apostasiya, sama sa pagbiya (tan-awa sa 2 Mga Taga-Tesalonica 2:3), kagutmanan (tan-awa sa Amos 8:11–12), mapintas nga mga lobo nga nangapil sa panon (tan-awa sa Mga Buhat 20:28–30), ug nanagkatol nga mga dalunggan (tan-awa sa 2 Timoteo 4:3–4). Ikonsiderar ang pagpares-pares sa mga sakop sa klase ug hangyoa sila sa pagbasa og usa o dugang pa niining mga kasulatan (o uban pa nga imong mapilian) ug ihulagway kon unsay gitudlo sa mga bersikulo mahitungod sa Dakong Apostasiya. Unsa man ang gitudlo sa mga propeta mahitungod sa Apostasiya ug sa mamahimong epekto niini?

• Bisan og ang Simbahan dili na makasinati og lain pang “hingpit nga pagbiya” (2 Mga Taga-Tesalonica 2:3) sama sa nahitabo sa karaan, kita sa indibidwal nga paagi mahimo gihapon nga hingpit nga mobiya. Unsa ang gisugyot sa 2 Mga Taga-Tesalonica 2 mahitungod kon sa unsang paagi kining hingpit nga pagbiya mahimong mahitabo (tan-awa sa mga bersikulo 9–10) ug sa unsang paagi nga kita makalikay niini? (tan-awa sa mga bersikulo 15–17).

mga kapanguhaan nga icon

Dugang nga mga Kapanguhaan

Mga kasulatan mahitungod sa pagtrabaho ug pagkatapulan.

• Genesis 3:19

• Mateo 21:28–32

• Mosiah 2:10–16

• Doktrina ug mga Pakigsaad 42:42; 58:27; 60:13; 75:29

Pagpalambo sa Atong Pagtudlo

Paggamit og lahi-lahing mga pamaagi. Mahimong sayon ra nga makomportable sa usa ka partikular nga estilo sa pagtudlo, apan ang lain-laing mga pamaagi sa pagtudlo makatabang sa lain-laing mga sakop sa klase. Pangita og mga paagi nga malahi-lahi ang imong pamaagi sa pagtudlo, sama sa paggamit og mga video, artwork, o musika o paghatag og mga oportunidad sa mga sakop sa klase nga makatudlo (tan-awa sa Pagtudlo sumala sa Pamaagi sa Manluluwas, 22).