“Oktubre 23–29. 1 ug 2 Timoteo; Tito; Filemon: ‘Himoa Hin[o]on ang imong Kaugalingon nga Panig-ingnan sa mga Magtutuo’” Dali, Sunod Kanako—Alang sa Sunday School: Bag-ong Tugon 2023 (2021)
“Oktubre 23–29 1 ug 2 Timoteo; Tito; Filemon,” Dali, Sunod Kanako—Alang sa Sunday School: 2023
Oktubre 23–29
1 ug 2 Timoteo; Tito; Filemon
“Himoa Hin[o]on ang Imong Kaugalingon nga Panig-ingnan sa mga Magtutuo”
Basaha ang 1 ug 2 Timoteo; Tito; ug Filemon nga maghunahuna sa mga sakop sa imong klase. Ang mga hunahuna ug mga pag-aghat nga moabot makatabang kanimo sa paggiya sa mga sakop sa klase ngadto sa may kalabotan nga mga tudling sa kasulatan ug sa pagdala sa Espiritu ngadto sa inyong classroom.
Dapita ang Pagpaambit
Mahimong makatabang sa mga sakop sa klase nga madungog ang usag usa nga maghisgot mahitungod sa ilang mga kalamposan ug mga hagit sa pagtuon sa mga kasulatan, sa indibidwal nga paagi ug isip mga pamilya. Ikonsiderar ang pagsugod sa klase pinaagi sa pagdapit sa mga sakop sa klase nga maghisgot kon unsay maayong nahitabo sa ilang pagtuon sa kasulatan.
Itudlo ang Doktrina
Ang pagsabot sa tinuod nga doktrina makatabang kanato nga malikayan ang pagkalingla.
-
Ang mga sakop sa imong klase nagpuyo sa usa ka panahon nga mahimong lisod ang pagtino sa unsa ang tinuod ug unsa ang dili tinuod. Sila si Timoteo ug Tito nagpuyo usab sa ingon nga panahon, mao tingali nga ang tambag ni Pablo ngadto kanila mahimong bililhon karon. Ania ang pipila ka mga tudling nga naglangkob sa mga tambag ni Pablo: 1 Timothy 1:1–7; 4:1–2, 6; 6:3–5, 20–21; 2 Timothy 3:13–17; 4:2–4; Tito 1:7–9; 2:1, 7–8. Mahimo nimong tahasan ang matag sakop sa klase sa pagbasa sa usa niining mga tudling ug ipaambit kon unsay iyang nakat-onan mahitungod sa kaimportante sa tinuod nga doktrina (tan-awa usab sa Alma 31:5). Sa unsa nga paagi ang doktrina sa Manluluwas makatabang kanato nga malikayan ang pagkalingla? Ang mga sakop sa klase makapaambit usab og mga kasinatian diin ang gahom sa tinuod nga doktrina nakapanalangin kanila.
“Ayaw itugot nga tamayon ka tungod sa imong pagkabatan-on; Himoa hin[o]on ang imong kaugalingon nga panig-ingnan sa mga magtutuo” (1 Timoteo 4:12).
“Himoa hin[o]on ang imong kaugalingon nga panig-ingnan sa mga magtutuo”
-
Posible nga ang mga sakop sa imong klase wala makaamgo sa gahom sa maayong ehemplo nga ilang gipakita. Ikonsiderar ang pagdapit kanila nga maghisgot kon sa unsang paagi nga ang mga tawo nga ilang nailhan, lakip na ang pipila ka isigka sakop sa klase, nahimong mga ehemplo nga mga disipulo ni Kristo. Mahimong makatabang ang panaghisgotan kon ilista nimo sa pisara ang mga pulong diha sa bersikulo 12 nga naghulagway kon sa unsang paagi kita angayan nga mahimong ehemplo—pulong, panag-istorya (nga nagpasabot usab og gawi o pamatasan), gugmang putli, espiritu, hugot nga pagtuo, ug kaputli. Ang mga sakop sa klase makahisgot kon sa unsang paagi kita mamahimong mga ehemplo sa matag usa niining mga paagi.
“Kay kita wala sa Dios hatagig espiritu sa katalaw; kondili sa espiritu sa gah[o]m, ug sa gugma, ug sa pagpugong sa kaugalingon.”
-
Sa latid karong semanaha sa Dali, Sunod Kanako—Alang sa mga Indibiduwal ug mga Pamilya nagsugyot sa pagpangita diha sa 2 Timoteo sa tambag nga gihatag ni Pablo kang Timoteo sa pagdasig kaniya diha sa iyang pangalagad. Hangyoa ang mga sakop sa klase sa pagpaambit og bisan unsang mga ideya nga ilang nakit-an. O mahimo nimo silang hatagan og pipila ka minuto diha sa klase aron makapangita ug makapaambit og pipila sa mga tambag ni Pablo (ang kapitulo 1 adunay pipila ka maayong mga ehemplo). Mahimo usab silang mopaambit og kasinatian sa dihang ang Dios mitabang kanila sa pagbuntog sa ilang mga kahadlok ug mihatag kanila og “ang Espiritu nga gihatag sa … gahom, ug gugma ug pagpugong sa kaugalingon” (2 Timoteo 1:7).
Ang pagtuon sa mga kasulatan makatabang kanato sa pagbuntog sa mga peligro sa kataposang mga adlaw.
-
Human pasidan-i si Timoteo mahitungod sa “malisod nga panahon” nga moabot, mipamatuod si Pablo bahin sa gahom ug sa kaimportante sa mga kasulatan (tan-awa sa 2 Timoteo 3:1, 14–17). Sa pagsugod og panaghisgotan mahitungod sa kaimportante sa mga kasulatan sa malisod nga panahon, mahimo nimong dapiton ang mga sakop sa klase sa pagrebyo sa paghulagway ni Pablo bahin sa mga peligro sa kataposang mga adlaw nga makita diha sa 2 Timoteo 3:1–7. Dayon mahimo silang mosiksik ug mopaambit og mga kasulatan nga nakatabang kanila sa pagbantay batok sa mga peligro sama niini (ang ubang mga ehemplo nalista diha sa “Dugang nga mga Kapanguhaan”). Sa unsang paagi nga ang atong pagtuon sa mga kasulatan makapanalipod kanato gikan sa mga kagubot sa kalibotan karon?
-
Ang pagtuon sa tambag ni Pablo mahitungod sa gahom sa mga kasulatan mahimong usa ka oportunidad aron madasig ang usag usa sa mga sakop sa klase sa ilang mga paningkamot sa pagtuon sa pulong sa Dios. Tingali ang mga sakop sa klase mahimong mobasa sa 2 Timoteo 3:14–17 ug motino sa mga panalangin ug mga proteksyon nga moabot tungod sa pagtuon sa mga kasulatan. Mahimo dayon silang mopaambit og mga kasinatian sa dihang kining mga panalangin natuman sa ilang kinabuhi tungod sa ilang pagtuon sa kasulatan. Mahimo usab nimong hatagan og pipila ka gutlo ang mga sakop sa klase sa pagpamalandong kon unsay ilang mabuhat aron makabaton og dugang nga makahuluganong mga kasinatian sa mga kasulatan, sa indibidwal nga paagi ug isip mga pamilya.
Dugang nga mga Kapanguhaan
Mga kasulatan nga manalipod kanato batok sa mga kakuyaw sa kataposang mga adlaw nga gihulagway diha sa (tan-awa sa 2 Timoteo 3:2).
|
Mga Pilegro sa Kataposang mga Adlaw |
Mga Kamatuoran Nga Manalipod Kanato |
|---|---|
Mga Pilegro sa Kataposang mga Adlaw Mahigugmaon sa ilang kaugalingon | Mga Kamatuoran Nga Manalipod Kanato |
Mga Pilegro sa Kataposang mga Adlaw Pagkamaibugon | Mga Kamatuoran Nga Manalipod Kanato |
Mga Pilegro sa Kataposang mga Adlaw Mga Hambogiro | Mga Kamatuoran Nga Manalipod Kanato |
Mga Pilegro sa Kataposang mga Adlaw Mapagarbuhon | Mga Kamatuoran Nga Manalipod Kanato |
Mga Pilegro sa Kataposang mga Adlaw Mga tigpanamastamas | Mga Kamatuoran Nga Manalipod Kanato |
Mga Pilegro sa Kataposang mga Adlaw Masinupakon sa mga ginikanan | Mga Kamatuoran Nga Manalipod Kanato |
Mga Pilegro sa Kataposang mga Adlaw Dili mapasalamaton | Mga Kamatuoran Nga Manalipod Kanato |
Mga Pilegro sa Kataposang mga Adlaw Dili balaan | Mga Kamatuoran Nga Manalipod Kanato |
Pagpalambo sa Atong Pagtudlo
Ang espirituwal nga paglambo mahitabo diha sa panimalay. Makauban nimo ang mga sakop sa imong klase sulod lamang sa mubo nga panahon kaduha sa usa ka bulan. Daghan kanila ang nakabaton og makahuluganong espirituwal nga mga kasinatian sa gawas sa klase, ug kini nga mga kasinatian mahimong makapalig-on sa ubang sakop sa klase. Ipangutana kanang makapadasig sa mga sakop sa klase sa pagpaambit sa unsay ilang nakat-onan samtang sila nagtuon sa ebanghelyo diha sa panimalay. (Tan-awa sa Pagtudlo sumala sa Pamaagi sa Manluluwas, 18.)