gonelailai sucu vou

Little Lamb, mai vei Jenedy Paige

18–24 ni Tiseba

Siganisucu

“iTukutuku Vinaka Mo Dou Reki Vakalevu Kina”

E veivakaukauwataki vakayalo na veivosaki ni kosipeli ni sa kena usutu o Jisu Karisito. Nio vulica na sucu kei na ilesilesi i Jisu Karisito ena macawa oqo, vakasaqara na veivakauqeti ni Yalo Tabu mo kila kina na sala me vakausutu vinaka kina na nomu veivosaki ni kalasi baleta na iVakabula.

ivakatakilakila ni veiwasei

Sureta na Veiwasei

Sureta na lewe ni kalasi mera wasea na veika era cakava tiko se sa cakava oti vakai ira yadua se vakamatavuvale mera marautaka kina na sucu ni iVakabula ena sala ena kauti ira mai vakavoleka Vua.

ivakatakilakila ni veivakavulici

Vakavulica na iVunau

Maciu 1:18–25; Luke 1:26–38; 2:1–20

A lako sobu mai o Jisu Karisito me mai sucu e vuravura.

• Na Siganisucu sa gauna vinaka meda tugana ka marautaka na nona lako sobu mai na Karisito—ni sa Lomana me biuta na “itikotiko cecere nei Tamana mai lomalagi, me bula na tamata, me mate na tamata” (Again We Meet around the Board,”,” Serenilotu Vakavalagi, naba. 186). Me uqeti na veivosakitaki ni ulutaga oqo, sa rawa mo tarogi ira na lewe ni kalasi na cava era sa vulica vakai ira yadua se vakamatavuvale ena macawa oqo baleta o cei o Jisu Karisito ni bera ni a mai sucu o Koya (raica na Joni 17:5; Mosaia 7:27; Vunau kei na Veiyalayalati 76:12–14, 20–24; Mosese 4:2). Mo qai vakaraitaka na iyaloyalo e tiko ena ituvatuva ni macawa oqo ena Lako Mai, Mo Muri Au—Me Baleta na Tamata Yadua kei na Matavuvale ni ra wilika na lewe ni kalasi na nona sucu na iVakabula (raica na Maciu 1:18–25; Luke 1:26–38; 2:1–20). Vakayaloqaqataki ira me ra wasea na nodra nanuma kei na veika era vakila ni ra vakatauvatana na lagilagi ni iVakabula ena Nona mai sucu vakaloloma.

• Na taro vaka e taroga na agilosi vei Nifai ena 1 Nifai 11:16 sa rawa me sala vinaka ni kena tekivu e dua na veivosaki ni kalasi, dina ga ni o rawa ni moica na kena vosa. Sa rawa mo vola ena vava Na cava na nona lako sobu mai na Kalou? ka kerei ira na lewe ni kalasi mera tugana na taro oqo ni ra wilika na 1 Nifai 11:17–33. Kerea mera wasea na nodra nanuma baleta na iVakabula era veivakauqeti kina na veitikina oqo. Na iyaloyalo cava o rawa ni vakaraitaka kina kalasi e tukuna tiko na bula ni iVakabula a vakamacalataka tiko o Nifai? Sa rawa mera vakasamataka talega na lewe ni kalasi na nona lako sobu mai na iVakabula nira sarava e dua na vidio me baleta na Nona sucu, me vaka na “A Gift to the World,” “The Nativity,” se “He Is the Gift” (ChurchofJesusChrist.org).

• Na sere ivakatagi sa sala totoka ni kena sureti na Yalo ki na nomu kalasi. Sa rawa mo sureta e dua me mai lagata e dua na sere ni Siganisucu se wilika se lagata vata vakalasi e vica na serenilotu (raica na Serenilotu, naba. 201–14). Mera raica na lewe ni kalasi na veimalanivosa ena serenilotu oqo kei na ivolanikalou e volai tiko ena serenilotu oqo e vakalevutaka na nodra vakavinavinaka vua na iVakabula ni sa Lomana dina me gole mai ivuravura.

E tekiduru o Jisu ena Were o Kecisemani

Gethsemane, mai vei J. Kirk Richards

Luke 4:16–21; Joni 3:16

Sa mai vakacavara o Jisu Karisito na Nona ilesilesi, me rawa kina vei keda meda rawata na bula tawamudu.

• Ni gadrevi mera veivosakitaka na lewe ni kalasi na vuna a mai sucu kina o Jisu Karisito, sa rawa mo sureti ira mera vakasaqara ka wasea na ivolanikalou eso e tukuna vakaoti na Nona ilesilesi (me vakataka mo raica na ituvatuva ni macawa oqo ena Lako Mai, Mo Muri Au—Me Baleta na Tamata Yadua kei na Matavuvale). Sa rawa talega vei ira na lewe ni kalasi mera veisasa se vakailawalawa lalai ka vakasaqara ka wilika na veitiki ni ivolanikalou. Na cava era sa vulica baleta na ilesilesi i Karisito mai na veitikina era sa kunea? Na cava eda sa vulica mai na ivolanikalou baleta na Nona ilesilesi mai na so na itutu a soli Vua? (raica na Bible Dictionary, “Christ, names of”).

• Sa rawa mera vulica na lewe ni kalasi na ilesilesi ni iVakabula ena nodra wilika na “Se Bula Na Karisito: Nodra iVakadinadina na iApositolo” (ChurchofJesusChrist.org) ka wasea na itukutuku era raica ni tukuna tiko na vuna a lako mai kina o Koya i vuravura. Solia e vica na miniti kina lewe ni kalasi mera vakasamataka nodra ivakadinadina baleti Jisu Karisito kei na Nona ilesilesi. E rawa beka mera wasea na veika era sa sotava se italanoa mai na bula ni iVakabula sa vakalevutaka na nodra vakabauta se nodra lomani Koya? E sa yaga vakacava na nodra vulica na Veiyalayalati Vou ena yabaki oqo me vakaibalebale cake kina na Siganisucu oqo? Ni gadrevi me talevi lesu eso na itukutuku ni Veiyalayalati Vou era sa vulica na lewe ni kalasi ena yabaki oqo, sa rawa mo vakaraitaka na vidio “For God So Loved the World” se “To This End Was I Born” (ChurchofJesusChrist.org).

Vakatorocaketaki ni Noda Veivakavulici

Me tiko na nodra gauna ni veiwasei na vuli tiko. “Ni ra wasea na vuli tiko na veika era sa vulica, e sega walega ni ra vakila na Yalotabu ka vaqaqacotaka na nodra dui ivakadinadina, ia era vakayaloqaqataki ira talega na vo ni lewe ni kalasi me ra raica vakataki ira na dina. … Dau solia eso na gauna ni veiwasei vei ira na gonevuli ena veilesoni yadua—ena so na gauna, o na raica ni veivosaki sara ga oqori sai koya na lesoni” (Veivakavulici ena iVakarau ni iVakabula, 30).