The City Eternal, mai vei Keith Larson

25–31 ni Tiseba

Ai Vakatakila 15–22

“O Koya sa Gumatua ena Rawata na Ka Kece Ga Oqo”

Na cava e vakavulica vei keda na ivalu ni vinaka kei na ca e tukuni tiko ena iVakatakila me baleta na bibi ni noda muri Karisito ena vuravura oqo? Nio sa tugana na ivakavuvuli oqo, sa rawa mo raica na ka era gadreva na nomu lewe ni kalasi. Na dina cava mai na iVakatakila ena vukea mera digitaka na ka dodonu?

Sureta na Veiwasei

Ni ra sa yacova na nomu lewe ni kalasi na itinitini ni nodra vulica na Veiyalayalati Vou, vakayaloqaqataki ira mera wasea na nodra nanuma baleta na Veiyalayalati Vou. Sureti ira me ra wasea na sala sa vukei ira kina na nodra vulica na ivolanikalou me ra kilai Jisu Karisito vakavinaka cake ka yaco me vakataki Koya vakalevu cake.

Vakavulica na iVunau

Ai Vakatakila 17-18.

E dodonu meda tawasei keda tani mai na veika butobuto ni vuravura oqo.

• E sega soti ni rogo vinaka meda wilika na nona cakacaka butobuto o Papiloni kei na nona lutu ena Ai Vakatakila 17–18, ia sa ivakasala tiko baleta ni sa rawa me dua o Papiloni na ivakatakarakara ni vuravura butobuto eda bula tiko kina nikua. Sa rawa beka mo vida na veiwase oqo vei ira na lewe ni kalasi ka kerea mera vakasaqara na isaunitaro kina taro vakaoqo: Na cava na vuna era sa kuitaki kina na tamata kivei Papiloni, se ki na veika vakavuravura? Na cava e rui rerevaki kina o Papiloni? Na cava ena yaco vei Papiloni? Na ivakaro cava sa solia tiko o Joni vei keda meda drotani rawa mai na itinitini kei Papiloni?

• Ni ra sa wilika oti na lewe ni kalasi na Ai Vakatakila 18:4, sa rawa mera veivosakitaka na lewe ni kalasi na sala mera “lako tani mai” Papiloni ka “kakua ni cala vata kaya.” Sa rawa ni ra wasea na ivolanikalou se nodra itukutuku na iliuliu ni Lotu sa vukei keda me ra vorata rawa na veivakatovolei kei Papiloni, se o vuravura? Sa rawa me saravi na vidio “Dare to Stand Alone” (ChurchofJesusChrist.org) se wilika na vosa nei Elder Quentin L. Cook e tiko ena “Additional Resources.” Sa rawa vei ira na lewe ni kalasi mera wasea na vakasama eso me baleta na sala mera bulataka kina na ivakavuvuli e rua a cavuta o Elder Cook. Ena vakasama cava eda sa “lako tani ” kina mai Papiloni? (raica, me ivakaraitaki, Aisea 52:11; Vunau kei na Veiyalayalati 25:10). Na cava e rawa ni da cakava me da vakayaloqaqataka kina eso mera cakava vakakina?

Ai Vakatakila 19-20

Sa rawa meda vakavakarau tiko kina iKarua ni Lako mai ni Turaga kei na Siga ni Lewa.

• Na iKarua ni Lako Mai i Jisu Karisito sa dau vakatokai tiko me “siga i Jiova e levu ka rerevaki” (Joeli 2:31), ka vakakina mai na Ai Vakatakila 19–20, e vakatoka me dua na ivakamacala vinaka. Sa rawa mo vola ena vava eso na ka sa yaco e tukuni tiko ena Ai Vakatakila 19:5-20:15. Kerea na lewe ni kalasi mera vakasaqara na tikina e vakamacalataka tiko na veisiga oqo. Na cava e tukuni tiko kina na siga oqo me levu ka rerevaki? Na cava era vulica na kalasi mai na veitikina oqo baleta na iVakabula kei na kena gadrevi meda veivutuni? Na cava eda sa rawa ni cakava ena gauna oqo meda na maliwai ira kina o ira era na rekitaka na gauna ni Nona lako mai?

• Me uqeta na kena veivosakitaki na ivola ni bula kei na iotioti ni veilewai, sa rawa mo sureta na lewe ni kalasi mera cakava e dua na ivola lailai ena kena lobiki vaka-va e dua na pepa. Mera qai wilika na iVakatakila 20:12–15; 2 Nifai 9:14; 29:11 ka vakasamataka vakatitobu na veika era na vinakata me ra vola me baleti ira ena ivola ni bula. Sureti ira mera vola na veika oqori ena nodra ivola, ka sureta e vica na lewe ni kalasi mera wasea e dua na ka era sa vola. Na digidigi cava eda rawa ni cakava oqo me rawa ni volai na veika oqo ena ivola ni bula? Me vukei ira na lewe ni kalasi mera kakua ni yalolailai me baleta na nodra torocake vakayalo, sa rawa mo wasea na ivakasala mai na itukutuku i Elder Jeffrey R. Holland “O Koya Mo Dou Qai Vinaka Sara” (Liaona, Nove. 2017, 40–42).

The Last Judgement, mai vei John Scott

Ai Vakatakila 21:1-22:5

Kevaka eda sa yalodina, eda na vakalougatataki ena lagilagi ni silesitieli.

• Dina ga sa parofisaitaki tu mai ni iotioti ni gauna oqo ena sinai ena veika butobuto kei na veika rerevaki, na kalougata a raica o Joni vei ira sa yalodina e uabaleta sara na veika rarawa ena yaco taumada. Me vukei ira na lewe ni kalasi mera dikeva na itinitini totoka kina Ai Vakatakila, sa rawa mo sureti ira mera taleva lesu na Ai Vakatakila 21:1–22:5, mera raica kina na malanivosa eso e uqeti ira me ra sasaga yani kina lagilagi vakasilesitieli. Na yalayala cava sa soli vei ira na yalodina? E vukei keda vakacava na ivakamacala oqo ena gauna eda sotava kina na noda bolebole kei na veivakatovolei nikua?

iKuri ni iVurevure

Digitaka na ivalavala dodonu ka sega ni ivalavala butobuto i Papiloni.

E vakavulica o Elder Quentin L. Cook:

“Eda na sega ni lako tani rawa mai vuravura. Na tiko ga e valenilotu e sega ni kena isau. Ena kena vakasama dina, na noda cau ki vuravura sa tiki ni noda bolebole ka sa yaga sara kevaka meda vakatorocaketaka na noda taledi. …

… Sa gadrevi vei ira na lewe ni Lotu mera vakaitavi ena veika ni vuravura ena sala dodonu. Eda na qai veiraurautaka vakacava na gagadre meda cau kina vuravura ka sega ni rawai ena ivalavala ca kei vuravura? Raica na Vunau kei na Veiyalayalati 25:10; 59:9.] Oqo e rua na ivakavuvuli ena yaco kina na duidui levu.

1. Mera kila na tamata ni ko sa dua na Yalododonu Edaidai yalodina. …

2. Mo yalodei ka mo bulataka na nomu vakabauta” (Lessons from the Old Testament: In the World but Not of the World,”; Ensig, Fepe. 2006, 54–55).

Vakatoroicaketaki Ni Noda Veivakavulici

Rokova na nodra galala ni digidigi na tani. “Era na cakava na tamata na veisau e vakaibalebale ena nodra bula ni sa lako mai na veisau o ya mai na nodra galala ni digidigi. Ni o veisureti me ia na cakacaka, mo rokova na nodra galala o vakavulica” (Teaching in the Savior’s Way, 35).