The City Eternal, i kam long Keith Larson

25–31 Disemba

Revelesen 15–22

“Man we I Winim Faet blong Hem, I Gat Promes blong Mi I Stap long Hem”

?Wanem faet bitwin gud mo ivel we oli tokbaot long Revelesen we i tijim yu se i impoten blong stap folem Kraes long wol ia? Afta we yu tingting hevi long prinsipol ia, tingbaot ol nid blong ol memba blong klas blong yu. ?Wanem ol trutok we i stap long Revelesen we i save helpem olgeta blong mekem ol joes we oli gud mo stret?

Invaetem Ol Memba blong Serem Wanem Oli Gat

Taem ol memba blong klas oli kam long en blong Niu Testeman, leftemap tingting blong olgeta blong serem ol tingting blong olgeta abaot Niu Testeman. Invaetem olgeta blong serem olsem wanem skripja stadi blong olgeta, i helpem olgeta oli andastanem moa abaot Jisas Kraes mo blong oli kam moa olsem Hem.

Stap Tijim Doktrin

Revelesen 17–18

Yumi mas seperetem yumi long ol rabis fasin blong wol.

• I no wan gudfala samting tumas blong ridim abaot ol rabis fasin mo foldaon blong Babilon long Revelesen 17–18, be hem i wan lesen from Babilon i save stap olsem wan saen blong wol ia we i fulap long rabis fasin we yumi stap long hem tudei. Maet bae yu wantem blong seraotem ol japta ia long ol memba blong klas mo askem olgeta blong lukaotem ol ansa blong ol kwestin olsem olgeta ia: ?From wanem ol pipol oli go kolosap long Babilon, o long ol fasin blong wol? ?From wanem i gat denja long Babilon? ?Wanem bae i hapen long Babilon? ?Wanem ol woning we Jon i bin givim blong helpem yumi kamaot long wanem bae i hapen long Babilon?

• Afta we oli ridim Revelesen 18:4, ol memba blong klas oli save toktok raon long olsem wanem oli save “kamaot long” Babilon mo “no tekpat long ol sin blong hem.” Oli save serem ol skripja o ol mesej we i kam ol lida blong Jos, we i bin helpem olgeta blong stanap agensem ol temtesen blong Babilon, o wol. Tingting blong wajem vidio ia “Dare to Stand Alone” (ChurchofJesusChrist.org) o ridim stetmen ia we i kam long Elda Quentin L. Cook we i stap long “Sam Moa Risos.” Ol memba blong klas oli save serem ol aedia abaot, olsem wanem oli laef folem tufala prinsipol ia we Elda Cook i bin tokbaot. ?Long wanem tingting nao yumi “kamaot” long Babilon? (olsem wan eksampol, luk long, Aesea 52:11; Doktrin mo Ol Kavenan 25:10). ?Wanem nao yu save mekem blong leftemap tingting blong ol narawan blong mekem semmak samting?

Revelesen 19–20

Yumi save rere from Seken Kaming blong Lod mo Dei blong Jajmen.

• Seken Kaming blong Jisas Kraes oli stap singaotem oltaem olsem “bigfala mo rabis dei ia blong Lod” (Joel 2:31), mo olsem we i stap long Revelesen 19–20, i eksplenem gud dei ia. Tingting blong raetemdaon long bod, ol ol samting we i bin hapen, we oli bin tokbaot long Revelesen 19:5–20:15. Invaetem ol memba blong klas blong faenem ol ves we oli tokbaot ol samting we oli hapen ia. ?From wanem oli singaotem ol taem ia, olsem bigfala mo rabis? ?Wanem nao yumi lanem long ol ves ia abaot Sevya mo olgeta we oli folem Hem? ?Wanem yumi save mekem naoia, blong save stap wetem olgeta we bae oli glad long taem we bae Hem i kam bakegen?

• Blong mekem givim insperesen long storian abaot buk blong laef mo las jajmen, yu save invaetem ol memba blong klas blong krietem wan simpol buk wetem wan pis blong pepa we oli foldem long fo pat. Afta long hemia, oli save rid long Revelesen 20:12–15; 2 Nifae 9:14; 29:11 mo tingting hevi long wanem nao oli wantem blong oli raetem abaot olgeta insaed long buk blong laef. Invaetem olgeta blong raetem ol samting ia long buk blong olgeta, mo invaetem sam long ol memba blong klas blong serem ol samting we oli raetem. ?Wanem olgeta joes we yumi save mekem naoia, blong mekem ol samting ia oli save raetem long buk blong laef? Blong helpem ol memba blong klas blong oli no lusum hop abaot progres blong olgeta long saed blong spirit, tingting blong serem mesej we i kam long Elda Jeffrey R. Holland “Be Ye Therefore Perfect—Eventually” (Liahona, Nov. 2017, 40–42).

Las Jajmen, i kam long John Scott

Revelesen 21:1–22:5

Sapos yumi stap fetful, bae yumi kasem blesing blong selestial glori.

• Nomata profesi i talem se las dei bae i fulap wetem rabis fasin mo hadtaem, praes blong olgeta we oli fetful we Jon i luk i moa bigwan bitim ol trabol we bae i tekem ples bifo long praes ia. Blong helpem ol memba blong klas blong stadi gud long las toktok ia we i stap long Revelesen, yu save invaetem olgeta blong lukluk bak long Revelesen 21:1–22:5, faenem ol toktok we i givim insperesen long olgeta blong wokhad from selestial glori. ?Wanem ol promes oli bin mekem blong olgeta we oli fetful? ?Olsem wanem nao toktok ia, i save helpem yumi, taem yumi fesem ol jalenj mo ol hadtaem blong tedei?

Sam Moa Risos

Stap jusum fasin we i stret mo gud ova long rabis fasin blong Babilon.

Elda Quentin L. Cook i tijim:

“Yumi no save ronwe long wol. Blong stap long wol mo no fesem wol i no ansa. Long wan gudfala saed blong tingting, kontribusen blong yumi we i go long wol, i pat blong ol jalenj blong yumi mo i impoten, sapos i tingting blong yumi, blong developem ol talen blong yumi. …

… Ol memba blong Jos ia oli nid blong tekpat long wol long wan gud wei. ?Olsem wanem nao yumi balensem nid ia blong kontribiut long wan gudfala wei, be i no blong draon long sin blong wol ia? [Luk long Doktrin mo Kavenan 25:10; 59:9.] I gat tu(2) prinsipol we bae i mekem wan impoten jenis.

1. Letem ol pipol oli save se yu, yu wan Lata-Dei Sent we yu komitim yu. …

2. Gat tras ia mo laef folem ol bilif blong yu” (“Lessons from the Old Testament: In the World but Not of the World,” Ensign, Feb. 2006, 54–55).

Kam Antap long Fasin blong Yumi blong Stap Tij

Respektem fridom blong joes blong ol narawan. “Ol pipol bae oli save mekem moa jenis we i gat mining insaed long laef blong olgeta taem ol jenis ia oli hapen from oli praktisim fridom blong olgeta blong mekem joes. Taem yu givim wan invitesen blong tekem aksen, mekemsua se yu respektem fridom blong joes blong olgeta ia we yu stap tijim” (Teaching in the Savior’s Way,,35